Кудинов, Валентин Иванович (нефтяник)

Валентин Иванович Кудинов
Валентин Иванович Кудинов
Вордӥськем дырыз	24-тӥ куартолэзе 1931
Кулэм дырыз	19-тӥ куартолэзе 2017 (85 арес)
Кун	СССР; Россия
Тодос удысэз	мувӧй поттон амалъёс
Дышетскемез	Самараысь техникая кун университет[d];
Учёной степенез	техника наукаосъя доктор
Учёной званиез	профессор

Валентин Иванович Кудинов (1931-тӥ арын 24 куартолэзе Куйбышев улосысь Ново-Павловка черкогуртын — 2017-тӥ арын 19-тӥ куартолэзе Ижын) — совето но росси инженер но тодосчи, техника наукаосъя доктор, профессор, Росси Федерациысь наука но техника удысысь дано ужась, Росси Федерациысь Кун премилэн лауреатэз^[ru], Росси Федерациысь Правительстволэн премиезлэн лауреатэз, Росси Федерациысь вылӥ дышетон удысысь дано ужась. Удмурт Элькунлэн Дано кунмуртэз.

Улон сюресэз

Валентин Кудинов 1931-тӥ арын 24-тӥ куартолэзе Куйбышев (али — Самара_ улосысь Ново-Павловка черкогуртын вордӥськиз.

Куйбышевысь индустриальной институтэз^[ru] йылпумъяз (1958).

1958-тӥ—1963-тӥ аръёсы — «Куйбышевнефть» огазеяськонлэн «Чапаевскнефть» управленияз инженер, валтӥсь инженер;
1963-тӥ—1973-тӥ аръёсы — «Оренбургнефть»^[ru] огазеяськонлэн валтӥсь инженерез;
1973-тӥ—1995-тӥ аръёсы — «Удмуртнефть» огазеяськонлэн кивалтӥсез, валтӥсь директорез;
1995-тӥ—1999-тӥ аръёсы — «Удмуртнефть» ОАО-лэн президентэз, директоръёслэн кенешсылэн тӧроез, директоръёслэн кенешсылэн ёзчиез.

1993-тӥ арысен Удмурт кун университетысь мувӧй но газ интыосты утчан-поттон кафедраен кивалтӥз.

2008-тӥ арысен Удмуртиысь Общественной палаталэн тӧроез.

Данъетъёсыз

Росси Федерациысь наука но техника удысысь дано ужась. Мувӧй поттон технологиосты кылдытэмез но производствое пыӵатэмез понна 1999-тӥ арын Росси Федерациысь Кун премиен пусъемын, озьы ик Росси Федерациысь Правительстволэн премиеныз дунъямын. Росси Федерациысь калыкез дышетон удысысь отличник, Росси Федерациысь вылӥ дышетон удысысь дано ужась луэ.

Ленин нимо^[ru] орденэн данъямын. Озьы ик Ужысь Горд Знамялэн^[ru] кык орденъёсыныз, «Знак Почёта^[ru]» но «Эшъяськон» орденъёсын, медальёсын пусъемын.

1998-тӥ арын 2-тӥ шуркынмонэ Кудинов Валентин Ивановичлы «Удмурт Элькунлэн Дано кунмуртэз» ним сётӥзы^[1].

2017-тӥ арын 19-тӥ куартолэзе улонысь кошкиз. Ижысь Дун-чылкыт Александр Невскийлэн собор котыраз ватэмын.^[2]

Публикациосыз

В. Кудинов 38 изобретениослэн огез авторез луэ. 200-лэсь ятыр наукая ужъёсыз, 7 монографиосыз печатламын.

Книгалэн авторез:

Кудинов В. И. «Основы нефтегазопромыслового дела», изд. «Институт компьютерных исследований», 2004, с. 720. Тираж 700 экз. ISBN 5-93972-333-0.

Буре ваён

2017-тӥ арын Ижысь огез ульчалы В. И. Кудиновлэсь нимзэ сётӥзы^[3].

2018-тӥ арын Ижын мувӧй поттӥсьёслы сӥзем В. И. Кудинов нимо сквер усьтӥзы, отчы ик Валентин Ивановичлэсь синпелетсэ пуктӥзы^[4].

2021-тӥ арын В. И. Кудиновлэсь нимзэ «Удмуртнефть» компанилы сётӥзы^[5].

Вотка карысь 12 номеро шор ёзо школа но В. И. Кудиновлэсь нимзэ нуллэ.

Валэктонъёс

↑ Почётный гражданин Удмуртской Республики Кудинов Валентин Иванович Архивная копия от 24 гудырикошконэ 2017 на Wayback Machine / Сайт Главы Удмуртской Республики
↑ Почетного гражданина Удмуртии Валентина Кудинова похоронили на территории храма / Известия Удмуртской Республики [ӟуч]
↑ В Ижевске появится улица Кудинова и Рябиновый сквер [ӟуч]
↑ В Ижевске открылся сквер нефтяников [ӟуч]
↑ ИА «Сусанин» «Удмуртнефть» стало носить имя Валентина Кудинова [ӟуч]

Чӧлсконъёс

Валентин Кудинов — Удмурт кун университет.

[1] Почётный гражданин Удмуртской Республики Кудинов Валентин Иванович Архивная копия от 24 гудырикошконэ 2017 на Wayback Machine / Сайт Главы Удмуртской Республики

[2] Почетного гражданина Удмуртии Валентина Кудинова похоронили на территории храма / Известия Удмуртской Республики [ӟуч]

[3] В Ижевске появится улица Кудинова и Рябиновый сквер [ӟуч]

[4] В Ижевске открылся сквер нефтяников [ӟуч]

[5] ИА «Сусанин» «Удмуртнефть» стало носить имя Валентина Кудинова [ӟуч]

[1]

[2]

[3]

[4]

[5]