Удмуртнефть
| В. И. Кудинов нимо «Удмуртнефть» ПАО | |
|---|---|
 | |
| Типез | Публичной акционер огазеяськон |
| Кылдэм арез | 1967 |
| Интыяськемез |
 Россия: Ижкар |
| Валтӥсь адямиосыз |
Кудинов Валентин Иванович, Богомольный Евгений Исаакович, Топал Андрей Юрьевич |
| Ужасьёслэн лыдзы | 2 173 (2021) [1]. |
| Анай луись компания | Роснефть, Sinopec |
| Сайт | udmurtneft.ru |
«Удмуртнефть» (ӟуч: Удмуртнефть) — Удмуртиысь мувӧй кысконъя предприятие. Элькунын поттоно вань мувӧй пӧлысь ог 60 % быдэстэ.
Историез
1967-тӥ арын 11-тӥ гудырикошконэ СССР-ысь Мувӧй кыскон промышленностья министерстволэн приказэзъя Удмуртиын мувӧй кысконъя «Удмуртнефть» управление кылдытэмын. Управленилы кивалтӥсе М. Д. Рагимзаде юнматэмын, 1994-тӥ арын акциослы люкылэмын, со аре ик выль кылдытэм мувӧй кыскон СИДАНКО компанилы сётэмын. 1999-тӥ арын СИДАНКО-ез Тюменьысь мувӧй компания ньылэм бере, та огазеяськон пӧлы пыриз, нош 2003-тӥ арысен — ТНК-ВР компания пӧлы. 2006-тӥ арысен Удмуртнефть Роснефть но Китайысь мувӧй кысконъя но химияя Sinopec корпорация кивалтэм улсын ужа.
Кузёосыз но кивалтӥсьёсыз
2006-тӥ арысен В. И. Кудинов нимо «Удмуртнефть» ПАО-лэн акционеръёсыз луо: мувӧй кысконъя «Роснефть» компания (51%) но Китайысь мувӧй кысконъя но химияя Sinopec корпорация (49%)[2]. Арлы быдэ ог 6 миллион тонна мувӧй поттэ.
Валтӥсь директорез — Топал Андрей Юрьевич[3].
Ужез
«Удмуртнефть» 33 интыысь мувӧй кыске. «Удмуртнефть» огазеяськонэ мувӧй но газ кыскон 9 цехъёс (ЦДНГ); мувӧй возён но мукет интые лэзён 5 цехъёс (ЦППН); му сӥысь зӥбетсэ (давление) возёнъя 2 цехъёс (ЦППД) пыро.
Валэктонъёс
- ↑ Эксперт-400: Рейтинг крупнейших компаний России // «Эксперт». — 2022. — 9 коньывуонэ. — Дата обращения: 11.10.2022.
- ↑ Sinopec стала владельцем 99,49% акций "Удмуртнефти" [ӟуч]
- ↑ В ОАО «Удмуртнефть» новый генеральный директор
Чӧлсконъёс
Россиысь кужмоосыз мувӧй кыскись компаниос | |
|---|---|
| Ужасьёсыз | |
| Историысь | |
