Торопов, Артемий Демидович

Артемий Демидович Торопов
Артемий Демидович Торопов
Вордӥськем дырыз	18-тӥ коньывуонэ 1915
Вордӥськем интыез	Старый Кеп, Ватка губерния, Росси империя
Кулэм дырыз	26-тӥ оштолэзе 2005 (89 арес)
Кулэм интыез	Глазовын, Удмурт Элькун, Росси Федерация
Кунмуртлыкез	СССР
Кыӵе войскоез	авиация
Служить карон аръёсыз	1936—1958
Званиез	гвардиысь майор
Ожмаськонъёс/ожъёс	Быдӟым Атыкай ож
	Медиафайлъёс РувикиМедиа пушкын

Артемий Демидович Торопов (1915—2005) — Быдӟым Атыкай оже пыриськем мурт, ож вакытэ — 18-тӥ воздушной армиысь 2-тӥ гвардейской бомбардировочной авиационной корпусысьтыз 13-тӥ гвардейской бомбардировочной авиационной дивизиысь 20-тӥ гвардейской бомбардировочной авиационной полклэн эскадрильяезлэн штурманэз вал. Совето Союзлэн Героез.

Биографиез

Вордӥськиз 1915-тӥ арын 18-тӥ коньывуонэ Удмуртиысь Балезино ёросысь Старый Кеп гуртын дурисьлэн семьяяз. Выжыезъя ӟуч.

1936-тӥ арын Глазовысь педагогикая техникумез йылпумъяз^[1], 1939-тӥ арын — Краснодарысь штурманъёсты дасясь военно-авиационной училищеез. 1940-тӥ арын оштолэзьысен 1941-тӥ арозь гудырикошкон толэзёзь Закавказской военной округын служить кариз, отын 83-тӥ дальнебомбардировочной авиаполкын парашютно-десантной службаен кивалтӥз. Ож кутскытозь 82 пол парашютэн тэтчыны вуиз.

Быдӟым атыкай ожлэн фронтъёсаз 1941-тӥ арын гудырикошкон толэзьысен вуиз. Нимаз фронтэ юнматымтэ кыдёкысь авиациын служить кариз^[1]. Тушмонэз мышласянь шуккыны пӧртэм интыосы вуылӥз: Ленинград, Москва, Сталинград котырын; Харьков, Севастополь, Одесса котырын ожмаськиз. Ожмаськытозяз 231 пол ожмаськон интыосы лобаз.

1945-тӥ арысен Всесоюзной большевистской коммунист партилэн (ВКП(б)) ёзчиез вал.

Ож йылпумъяськем бере службазэ СССР-лэн Ожгар Омыр Кужымъёсаз (ВВС СССР) азьланьтӥз. Реактивной самолётъёсын лобаз. 1955-тӥ арын Офицер составез умоятонъя Центральной лётно-тактической курсъёсын дышетскиз. 1958-тӥ арысен, запасэ келям бере, майор А. Д. Торопов Полтава карысь аэропортын диспетчер луыса ужаз (али Украина), собере Глазовын улӥз.

Мыло-кыдо мерлыко ужъёсы пыриськылӥз, Ожысь но ужысь ветеранъёслэн но Ожгар кужымъёслэн но эрикрадэз утись ёзэтъёслэн кар Кенешсылэн ёзчиез вал. 1980-тӥ арысен — Глазкарлэн дано муртэз^[2].

Улонысь кошкиз 2005-тӥ арын, ватэмын Глазовын.

Данъетъёсыз

«Зарни Кизили» медаль (1946-тӥ арын 15-тӥ куартолэзе поттэм 8083 номеро Косэт);
кык Ленин нимо орденэз;
ньыль Горд Знамя нимо орденэз;
Атыкай ожысь 1-тӥ степенё орден;
Горд Кизили орден;
«Сэзь ожмаськемез понна» медаль;
«Берлинэз мозмытэм понна» медаль.

Буре ваён

Артемий Тороповлэн бюстэз пуктэмын Глазовысь «Данлыко аллея» мемориал комплексын;
Глазовысь педагогикая институтлэн юртаз буре ваён пул шуккемын^[3];
Балезино ёросысь историяя но шаертодонъя музейын А. Д. Торопов сярысь экспозиция кылдытэмын.

Литература

Кулёмин И. Г. Героев наших имена. 2-е изд. Ижевск, 1975. / стр. 184—186.
Кулёмин И. Г., Сентемова Л. Ф., Ислентьева Р. А. Герои Советского Союза — наши земляки. Устинов, 1985. / стр. 170—171.
Сидоров И. И. Поколение огненных лет. Ярославль, 1980. / стр. 80—83.

Валэктонъёс

↑ ¹ ² Торопов Артемий Демидович Международный объединённый биографический центр. Эскеремын 2012-11-20 арын
↑ Почётные граждане Глазова Официальный портал муниципального образования «Город Глазов» (архивная версия). Эскеремын 2012-11-20 арын
↑ Вечная слава героям Великой Отечественной Специальная (коррекционная) школа №5 Глазова. Эскеремын 2012-11-20 арын

Чӧлсконъёс

[ГР-1] ¹ ² Торопов Артемий Демидович Международный объединённый биографический центр. Эскеремын 2012-11-20 арын

[2] Почётные граждане Глазова Официальный портал муниципального образования «Город Глазов» (архивная версия). Эскеремын 2012-11-20 арын

[3] Вечная слава героям Великой Отечественной Специальная (коррекционная) школа №5 Глазова. Эскеремын 2012-11-20 арын

[1]

[2]

[3]