Глаз

Кар
Глазов
удм. Сингурт, Глазкар
Флагез Гербез
58°08′27″ с. ш. 52°40′27″ в. д.
Кун	Россия Россия
Федерацилэн асмосэз	Удмуртия
Муниципал ёрос	Глазкар
Карлэн тӧроез	Коновалов Сергей Николаевич
Историез но географиез
Нырысьсэ пумиське	1678
Кар с	1780 арысен
Быдӟалаез	68,27 км²
Шор интыезлэн ӝуждалаез	150 м
Часовой поясэз	UTC+4:00
Улӥсез
Улӥсез	▼87 762 мурт (2021)
Йӧскалыкъёс	ӟучъёс, удмуртъёс, бигеръёс, россиь немецъёс
Конфессиос	православной христианъёс, мусульманъёс, евангелистъёс
Официальной луись кыл	удмурт, ӟуч
Цифровой идентификаторъёс
Телефон кодэз	+7 34141
Почта индекс	427620 - 427649
Код ОКАТО	94420
Код ОКТМО	94720000001
glazov-gov.ru
Глазов Москва Ижевск Глазов
Медиафайлъёс РувикиМедиа пушкын

Глаз — Удмуртилэн уйпалаз интыяськем кар, Глаз ёрослэн кивалтонъя центрез (ёрослэн пушпӧлаз уг пыры). Ӵемысь сое «Удмуртилэн уйпал шоркарез» шуо.

Ижлэсь 180 иськемлы палэнэ выжыяськемын — Чупчи шурлэн паллян ярдур котыраз.

Карлэн тужгес вылӥ интыез — Солдырь гурезь. Отысен быдэс Глазкар кырым пыдэсын кадь адске: шундыпуксёнысен шундыӝужанпалозь ог 14 иськем кыстӥське, нош лымшорысен уйпалозь — 5 иськем. Карлэн быдӟалаез — 6 сюрс 916 гектар.

2009-тӥ арын ортчытэм лыдъян-чотанъя Глазкарын ваньмыз-ӧвӧлэз улӥсез 105,9 сюрс мурт лыдъяськиз. Соос пӧлын ӟучъёс — 55,4 %, удмуртъёс — 36,4 %, бигеръёс — 4,6 %, музон калыкъёс — 3,6 %.

Историез

Карлы Глаз ним сётон пумысен куинь малпан вань. Нырысетӥез герӟаськемын та палъёсысь интывыллэн выро-гопо луэменыз. Солдырь гурезе тубыса Глазкар шоры учконо ке, со бадӟым синлы укша, пе.

Кыкетӥез малпан: карлы ним сётэм Екатерина II — Глазкарлэсь туссэ бумага вылэ суредаса, та эксэй кышнолы возьматӥллям. Екатерина II сое синлы укшатэм.

Куинетӥяз мадёсын вераськон мынэ кыӵе ке Сингурт сярысь. Тодосчиослэн малпамзыя, удмуртъёс Глазовез удмурт кылэ ӧз берыктылэ. Соин ик асьсэ сямен «Сингурт» шуылӥлӥзы.

Глазкар сярысь нырысьсэ гожтэмын 1678-тӥ арын лыдъян-чотанлы сӥзем ӟуч книгаын. Со вакытысь лыдъясь-чотасьёс удмурт гурт нимъёсты ӟуч кылэ ӧз берыктылэ: удмурт нимзэ, ӟучез вань ке — ӟучсэ яке гуртэз кылдытӥсьлэсь нимзэ гожъяллязы. Ӵапак та лыдъян-чотанын ик пусъемын, Глазэз Глазов нимтулэн воргорон кылдытӥз шуыса.

Глаз починкаез 1670-тӥ арын Горд Слудка гуртысь потэм удмуртъёс кылдытӥзы. Отын черк ӝутэмзы бере починка Глаз черкогуртлы пӧрмиз. 1780-тӥ арын, Екатерина II императрицалэн указэзъя, Глазлы карлэсь инлыксэ сётӥзы но гербзэ юнматӥзы. Озьы со Глаз уездлэн шорсюлмыз луиз.

1804-тӥ арысен карын Санкт-Петербургысь архитекторлэн Иван Лемлэн чертёжъёсызъя выль кильтро коркаос пуктылыны ӧдъязы. Со ик Глазкарлы нырысетӥ план лэсьтӥз. Планлы инъет чот радианэн-кульчоен (веерен) быдэстоно урамъёс луизы, площадь карлэн шорсюлмыз луиз, отчы радианэн лэсьтэм вань урамъёс вутто. Со нырысь-валысь Валтӥсь площадь нимамын вал, али Свобода нимо площадь нимаське.

1898-тӥ арысен город пыр Транссибирской чугун сюрес лэсьтыны кутскизы.

Кар пусъёс

Гербез — шори люкем геральдика щит. Щитлэн вылӥ люкетаз пуксемын Вятской губернилэн гербез, малы ке шуоно, Глаз уезд азьвыл аръёсы губерние пыре вал: ӵуж-ӵуж буёл вылын тӧдьыалэс-чагыр пилемъёс суредамын. Со пушкысь адске пукыӵез возись ки. Со возьматэ православилы осконэз но язычествоен нюръяськонэз. Ки вадьсын горд кирос пиштэ — со возьматэ калыклэсь кужмо, сӥлё-виро лумзэ. Кунпуслэн ӵуж буёлэз та палъёсын узыр, сӥё-дано, тыршись, оскись адямиос уло шуыса возьматэ.

Глазкарын ужась валтӥсез предприятие Чепца механикая завод луэ: 70 процентсэ бюджетсэ тырмытэ, 60 процентэзлы калыклы уж сётэ.

Улӥяз, чагыралэс бусыын, адями син суредамын. Чагыралэс буёл возьматэ ӧрекчаськисьтэм, рос-прос, гажамон адямиез. Син возьматэ кык малпанэз. Нырысетӥез малпан герӟаськемын та городлэн нимыныз — Глазкарен. Кыкетӥез — элькунмылэн шоркарезлэсь палэнын ке но интыяськемын, со — шаермылэн синмыз.

Кункышетэз — меӵак сэрего тӧдьы басма юдэс, шораз — Глазлэн гербез.

Учкымон интыос

• 1822-тӥ—1837-тӥ аръёсы ӝутэм огез И. С. Волковлэн юртэз — историысь но лулчеберетысь улосэн утёно синпелет. Татчы 1837-тӥ арын Александр Николаевич вуоно император дугдылӥз. 1811-тӥ но 1831-тӥ аръёсы Волков Иван Селивёрстович Глазовлы йыре бырйиськылӥз, кар понна трос лэсьтӥз. Со дано Волков купечъёслэсь воршудзэс кылдытӥсь удмурт крестьян луэ. Лукалэсь но Иоаннлэсь Евангелиосты удмурт кылэ берыктон бордын тыршиз;
• Смагин-Тимофеев купечъёслэн юртсы — Глазов шорысь куинь этажъем из юрт. Карен утёно историысь но лулчеберетысь синпелетъёс пӧлы пыртэмын. 1830-тӥ—1840-тӥ аръёсы сое Павел Смагин купеч пуктӥз;
• Глазовысь духовной училищелэн юртэз — улыно-вылыно из юрт. Историысь но лулчеберетысь улосэн утёно синпелет. 2024-тӥ арын ивортонъёсъя, татын Глазовысь В. Г. Короленко нимо кун пединститут интыяське.

Галерея

• 

  Чупчи шур

• 
• 
• Udmurtia Glazov asv2019-05 img12.jpg

Чӧлсконъёс

• Глаз карысь администрацилэн порталэз
• Глазовский краеведческий музей
• Справочник Глазова