Чепца механикая завод

Чепца механикая завод
Чепца механикая завод
Типез	Акционер огазеяськон
Кылдэм арез	1946
Интыяськемез	Россия: Глазов, Удмуртия
Валтӥсь адямиос	Чинейкин Сергей Владимирович ; (валтӥсь директор)
Удысэз	Атом
Поттэм вузэз (бизнес)	Цирконий, уран, кальций, сверхпроводниковой продукция, титан но мукетыз.
Барышез	▲ 11 929 млн манет (2014)
Чылкыт барышез	▲ 2470 млн манет (2019)
Ужасьёслэн лыдзы	▼ 3188 (01.10.2021)
Сайт	chmz.net

«Чепца механикая завод» АО (ЧМЗ АО) — Россиысь металлургияя предприятие, атом промышленностьын кутӥськись кортъёсты, ӵыжатэмъёсты но арбериосты лэсьтэ. Кылсярысь, корт циркониез, ниобиез, кальциез поттэ. «Росатом [ӟуч] (удм.» кун корпорацилэн «ТВЭЛ» топливо компанилэн ёзэз пыре.

Удмуртиысь Глазкарын интыяськемын.

Историез

Патрон поттон завод

Быдӟым Атыкай ож кутскемлэсь азьвылгес СССР-ысь текститль промышленностья Наркомат Глазовын етӥн сэстон комбинат пуктыны ӧдъяз^[3].

Быдӟым Атыкай ож пуромем бере Глазове патрон поттон заводъёслэн оглюкетэз тӥрлыксы эвакуацие келямын вал: Кунцевоысь 46 номеро заводлэн (азьвыл Ӟуч-Бельгийской патрон поттон завод)^[4] но Подольскысь патрон поттон заводлэн (али Подольскысь электромеханикая завод)^[5]. 544 номеро патрон поттон завод ож йылпумъяськытозь ужаз. Отӥяз татчы Иркутскысь пытсам 540 номеро патрон поттон заводлэн тӥрлыкез но ужасьёсыз выжтэмын^[6].

ЧМЗ

1946-тӥ арын 9-тӥ толсуре СССР-ысь Министръёслэн Советсылэн кутэм постановленизыя 544 номеро заводлэн инъетэз вылын уран поттонэз радъян сярысь ужпум пуктэмын^[3]. Завод СССР-ысь Министръёслэн Советсы бордын ужась Нырысетӥ Валтӥсь управленилы сётэмын. Патрон поттон заводэз Нырысетӥ Валтӥсь управленилы сётэм сярысь приказ 1946-тӥ арын 19-тӥ толсуре юнматэмын. Ӵапак та нуналэз предприятилэн кылдон нуналыныз лыдъяло. Вуоно араз заводын выльдӥськон кутскиз. 1948-тӥ арын шуркынмонэ уранлэсь нырысетӥ тетрафторидзэ басьтӥзы, сое ӵыжатыса, нырысетӥ уран слитокъёсты кисьтӥзы.

Корт уранэз поттон оксидлэсь корт кальциез берыктон амалэн мынӥз^[3]. Уран производстволэсь кулэяськонъёссэ быдэстон понна 1950-тӥ аръёслэн кутсконазы Шоро-куспо машиностроениея министерство ЧМЗ-ын корт кальциез трос поттонъя пумкыл кутӥз. Завод хлористой кальциез электролиз пыр поттон амалэн уже кутӥз. 1954-тӥ арын шуркынмонэ араз 2 сюрс тоннаозь кальций поттонъя ужпумез быдэстон борды кутскизы, нош 1956-тӥ арын гудырикошконэ кальций поттон проектын чаклам кужымен ужаны ӧдъяз. Завод аслыз кулэ луымон гинэ кальций ӧз потты — быдэс СССР-ысь атом промышленностьлы юрттылӥз. 1970-тӥ аръёсысен корт кальциез кунгож сьӧры вузаны ӧдъязы^[3].

1957-тӥ арын куартолэзе заводын корт циркониез поттонъя цех пуктыны кутскизы. 1959-тӥ арын ӵыжатэм цирконийлэсь нырысетӥ слитокъёссэ басьтӥзы.

1966-тӥ арын завод Ужысь Горд Знамя нимо орденэн пусъемын^[7].

1966-тӥ арын шуркынмонэ завод ӵыжатэм цирконийлэсь арбериос лэсьтон вылысь нимысьтыз прокатъя но прессъя цехъёс пуктыны кутскиз. 1973-тӥ арын инвожое цирконийлэсь гумыосты лэсьтон проектын чаклам кужымен ӧръяськиз. 1978-тӥ арын производствоын ӟечлыкез умоятонэн кивалтон системаез кылдытӥзы но улонэ пыӵатӥзы.

Росси Федерациын

1990-тӥ арын ЧМЗ ОАО конверсияя программаосты быдэстон борды кутскиз, озьы ик производствоез выльдон-азинтон пумысен выль сюресъёс утчаны ӧдъяз.

Рынокен экономикае выжыса, предприятие ыштонъёс адӟиз. Лэсьтоно вуз трослы кулэсмиз, обороналы кулэ луись кӧня ке пумо валтӥсь продукция потэмысь дугдӥз, таин валче табышез шуак усиз. Лэчыт югдурысь потон вылысь производствоен герӟаськымтэ но герӟаськем коньдон кисьтон ужъёс кулэстэмын вал. Кылдытэмын предприятиен кивалтонъя пайдаё система.

1992-тӥ арын ЧМЗ ОАО-лэн кивалтӥсьёсыз TQM (Total Quality Management — ӟечлыкен огъя кивалтон) принципъёс вылын лэсьтэм ӟечлыкен кивалтон системаез предприятиын кылдытон пумысен огкылысь кенешизы, та выллем системаосты пыӵатыны азьвыл но вырылӥзы ни вал. Инъетлы 9000 сериысь ISO калыккуспо стандартъёс басьтэмын вал.

1995-тӥ арын предприятилэн вуззэ дуннеысь рыноке поттыны луонлыкез кылдӥз. Таин валче дуннеысь стандартъёслы тупамон луон вылысь производствоез выльдон но выль ӧре поттон ужпумъёс кылдӥзы.

Удмурт Элькунысь Кун комитетлэн ваньбур кусыпъёс пумысен 1996-тӥ арын 28-тӥ южтолэзе кутэм решениезъя предприятие «Чепца механикая завод» усьтэм акционер огазеяськон луиз.

Туала вакыт

2014-тӥ арын 17-тӥ шуркынмонысен предприятие нимзэ воштӥз но «Чепца механикая завод» акционер огазеяськон луиз.

2022-тӥ 29-тӥ оштолэзе «Чепца механикая заводысь» коллектив производствоез вылӥ ӝутэмез понна Росси Федерациысь «Ужын вормонъёс басьтэмез понна» дано гадьпусэн пусъемын^[8].

Ужез

ЧМЗ АО цирконий, ядер чистотаен цирконий ӵыжатэмъёс; ниобий-титанэз ӵыжатэм инъет вылын но ниобий-олово герӟетъёс вылын лэсьтэм сверхпроводниковой материалъёс поттэ.

Озьы ик ӵыжатэм цирконийлэсь арбериос лэсьтэ (гумыё но куар кадь векчи тӥрлык); корт кальций^[9].

Термоядерной ИТЭР [ӟуч] (удм. реакторез кылдытон калыккуспо программае сверхпроводящий материалъёсты лэсьтӥсь сямен пыриськиз^[10].

2019-тӥ арын куартолэзе огкылэ вуэмын вал: ЧМЗ «3D-принтеръёслы» кулэ луись титан сплавъёслэсь порошок лэсьтыны кутскоз^[11]. Со принтеръёсты «ТВЭЛ [ӟуч] (удм.» компание пырись «Русатом — Аддитивные технологии» ООО лэсьтоз. Чакламын вал: 2020-тӥ арысен ЧМЗ эскерон сямен эмъян удысын кутӥськись титанлэсь протезъёс лэсьтыны кутскоз

2019-тӥ арын гудырикошконэ ЧМЗ заводын уран тетрафторид лэсьтон вакытэ кылдэм кылем-мылемъёсты утялтон борды эскерон сямен промышленной амалэн басьтӥськиз^[12]. Та уран поттонысь кылем-мылемъёсты 70 процентлы быдтыны юрттӥз. Россиын сооружениос пыдсысь радиокативной кылем-мылемъёсты утялтонъя нырысетӥез проект. Со ЧМЗ-лы кылем-мылемъёслэсь выль вуз поттыны юрттоз, кылсярысь, полиуранат аммонийлэсь концентратсэ. Отӥяз та концентрат «ТВЭЛ» компанилэн мукет предприятиосаз умоятон вылысь келямын луоз но топливоен ужась ядер циклэ выльысь берытскоз.

Туала югдур

«Чепца механикая завод» АО — дуннеысь одӥгез бадӟымез но Россиын огназ цирконийлэсь но солэн сплавъёсызлэсь, корт кальцийлэсь, гафнийлэсь но пичи температураен сверхпроводящой материалъёслэсь вузъёс лэсьтӥсь луэ. Ниобий, титан но таослэн ӵыжатэмъёссылэсь лэсьтэм арбериосты поттонын валтӥсь инты басьтэ. ЧМЗ АО-лэн вузэз атом энергетикая, химияя, мувӧй но газ кыскон но эмъян удысъёсъя предприятиосын кутӥське.

ЧМЗ АО-ын удысысь металлургияя центр (ОЦМ) кылдытэмын. Со ужбергатон удысысь вить валтӥсь ӧръёсъя азинске: музъемысь шер кутӥськись элементъёсты поттон но керамика; нимысьтыз станокъёсын вурысъёстэк лэсьтэм гумыосты поттон; сверхпроводящой материалъёс; кальций поттон; выль вузъёсты лэсьтонъя проект. «ТВЭЛ» компанилэн кивалтӥсьёсыз верамъя, 2018-тӥ арын ЧМЗ-ын поттэм металлургияя вузлэсь табышез, «ТВЭЛ» компание пырись вань выль ужбергатонъёсын ӵошатыса (ядер удысысь луисьтэм ужбергатон), 25 процентэз луэ^[13].

Чепца механикая завод Глазкарын ужась валтӥсез предприятие луэ; 70 процентсэ бюджетсэ тырмытэ, 60 процентэзлы калыклы уж сётэ^[14].

Валэктонъёс

↑ «ЧМЗ» АО-лэн 2014-тӥ ар понна отчётэз
↑ Годовой отчет
↑ ¹ ² ³ ⁴ «№ 544» История создания и развития АО «Чепецкий механический завод»
↑ Предприятия № 41-60
↑ История предприятия ОАО "Чепецкий механический завод".
↑ Завод № 540 НКВ
↑ Чепецкий механический завод (ОАО ЧМЗ) Живая история атомной отрасли.
↑ Указ Президента Российской Федерации от 29 апреля 2022 года № 245 «О награждении государственными наградами Российской Федерации»
↑ Гл. ред. В. В. Алексеев. Чепецкий механический завод, АО // Уральская историческая энциклопедия. — УрО РАН, Институт истории и археологии. Екатеринбург: Академкнига [ӟуч]. — 2000.
↑ Чепецкий механический завод (ЧМЗ) Российское атомное сообщество. Эскеремын 2012-27-12 арын
↑ Чепецкий механический завод станет площадкой по производству материалов для 3D-принтеров www.chmz.net. Эскеремын 2019-05-28 арын
↑ На Чепецком механическом заводе стартовал уникальный проект по переработке отходов уранового производства www.chmz.net. Эскеремын 2019-08-23 арын
↑ Росатом Госкорпорация «Росатом» ядерные технологии атомная энергетика АЭС ядерная медицина www.rosatom.ru. Эскеремын 2019-06-15 арын
↑ Экономика Официальный портал МО город Глазов. Эскеремын 2012-27-12 арын

Чӧлсконъёс

[ot2014-1] «ЧМЗ» АО-лэн 2014-тӥ ар понна отчётэз

[otch2019.pdf-2] Годовой отчет

[elib-3] ¹ ² ³ ⁴ «№ 544» История создания и развития АО «Чепецкий механический завод»

[4] Предприятия № 41-60

[chmz-5] История предприятия ОАО "Чепецкий механический завод".

[6] Завод № 540 НКВ

[7] Чепецкий механический завод (ОАО ЧМЗ) Живая история атомной отрасли.

[8] Указ Президента Российской Федерации от 29 апреля 2022 года № 245 «О награждении государственными наградами Российской Федерации»

[9] Гл. ред. В. В. Алексеев. Чепецкий механический завод, АО // Уральская историческая энциклопедия. — УрО РАН, Институт истории и археологии. Екатеринбург: Академкнига [ӟуч]. — 2000.

[10] Чепецкий механический завод (ЧМЗ) Российское атомное сообщество. Эскеремын 2012-27-12 арын

[11] Чепецкий механический завод станет площадкой по производству материалов для 3D-принтеров www.chmz.net. Эскеремын 2019-05-28 арын

[12] На Чепецком механическом заводе стартовал уникальный проект по переработке отходов уранового производства www.chmz.net. Эскеремын 2019-08-23 арын

[13] Росатом Госкорпорация «Росатом» ядерные технологии атомная энергетика АЭС ядерная медицина www.rosatom.ru. Эскеремын 2019-06-15 арын

[14] Экономика Официальный портал МО город Глазов. Эскеремын 2012-27-12 арын

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

«ТВЭЛ» топливо компанилэн структураез
ядерной топливо поттон	АО «МСЗ» ПАО «НЗХК» АО «ЧМЗ» АО «МЗП»
висъям сублимат комплекс	АО «АЭХК» АО «УЭХК» АО «ПО «ЭХЗ» АО «СХК»
газэн ужась центрифугоасты поттӥсь заводъёс	АО «ВПО «Точмаш» ПАО «КМЗ» ООО «УЗГЦ»
наукая но эскеронъя институтъёс но конструктор бюро	АО «ВНИИНМ им. А.А. Бочвара» ООО «ННКЦ» АО «ОКБ-Нижний Новгород» АО «Центротех-СПб» ООО «Уралприбор» АО «Центральный проектно-технологический институт» (нимысьтыз статусэн)
Та ивортон ТВЭЛ компанилэн официальной сайтаз