Глазкарысь В. Г. Короленко нимо инженерно-педагогической университет

Википедиысь материал
Глазкарысь В. Г. Короленко нимо инженерно-педагогической университет
(ГИПУ)
Udmurtia Glazov asv2019-05 img02.jpg
Международное название Glazov State University of Engineering and Pedagogics named after V.G. Korolenko
Кылдон арез 1939
Тип кун
Студенты 2500-лэсь ятыр
Профессора 10
Преподаватели 300
Интыяськемез Россия Глазкар
Юридический адрес 427621, Россия, Удмурт Элькун, Глазкар, Первомайской ульчаысь 25-тӥ юрт.
Сайт ggpi.org

Глазкарысь В. Г. Короле́нко нимо инженерно-педагогической университет (ФГБОУ ВО ГИПУ) — дышетӥсьёсты дасянъя вылӥ дышетсконни, интыяськемын Удмурт Элькунлэн Глазкараз. 1939-тӥ арын кылдытэмын, быдэс нимыз — «Глазкарысь педагогикая В. Г. Короленко нимо педагогикая кун институт» вылӥ дышетсконнилэн бюджет чотын ужась федерал учреждениез, озьы ик «ГГПИ» аббревиатура кутӥське. Удмуртиысь вашкала вылӥ дышетсконниос пӧлысь одӥгез луэ.

Историез

[Тупатыны | вики-текстэз тупатыны]

Вуз 1939-тӥ арын 21-тӥ тулыспалэ Удмурт АССР-ысь Калык Комиссаръёслэн Советсылэн[ru] 168 номеро постановлениезъя кылдытэмын дышетӥсьёсты дасянъя Глазовысь институт сямен. 1946-тӥ арын 31-тӥ толсуре РСФСР-ысь калыкез югдытонъя министрлэн[ru] 1023 номеро приказэныз институтлы В. Г. Короленко ним сётэмын.

1998-тӥ арын институтлэн филиалэз Ижкарын усьтӥськиз. Институтлэн ёзъёсыз озьы ик Удмуртиысь ваньмаз педагогикая колледжъёсын кылдӥзы: Можгаын (1999), Сарапулын (1999), Эграын (1999), Воткаын (1999), Уваын (2002), Дэбесын (2001), Ярын (2005), Балезиноын (2006)[1].

2023-тӥ арын 26-тӥ инвожое Россиысь просвещениея министрлэн приказэзъя Глазкарысь В. Г. Короленко нимо педагогикая кун институт нимзэ но статуссэ воштӥз: со Глазкарысь В. Г. Короленко нимо инженерно-педагогической университет луиз[2].

Кивалтӥсьёсыз

[Тупатыны | вики-текстэз тупатыны]

Ректор (директор), кивалтэм аръёссы:

  • Н. И. Королёв (1939-тӥ—1941-тӥ аръёс)
  • Г. Д. Мартинсон (1941-тӥ—1942-тӥ аръёс
  • П. Г. Наговицын (1942-тӥ—1947-тӥ аръёс)
  • Н. А. Верещагин (1947-тӥ—1952-тӥ аръёс)
  • А. С. Бабинцев (1952-тӥ—1955-тӥ аръёс)
  • К. А. Бодренков (1955-тӥ—1959-тӥ аръёс)
  • В. Г. Гусев (1959-тӥ—1971-тӥ аръёс)
  • В. А. Евстафьев (1971-тӥ—1982-тӥ аръёс)
  • В. С. Черепанов (1982-тӥ—1992-тӥ аръёс)
  • Г. А. Поздеев (1992-тӥ—2004-тӥ аръёс)
  • А. А. Мирошниченко (2004-тӥ—2014-тӥ аръёс)
  • Я. А. Чиговская-Назарова (2014-тӥ арысен)

Структураез

[Тупатыны | вики-текстэз тупатыны]

Вузысь дышетонэз ог 300 ӧнерчиос радъяло, соос пӧлын наукая 38 докторъёс но профессоръёс, наукая 125 кандидатъёс[1].

Институтлэн ваньбураз пыро: 3 дышетон корпусъёс, улоно кадь ӟеч лэсьтэм 4 общежитиос, студентъёсты сюдон комбинат, спортэн вырон 2 зал, тренажёръёсын вырон 5 зал, санаторий-профилакторий, библиотека (2 абонемент но 2 лыдӟиськон зал). 2009-тӥ арын толсуре ГГПИ-ын институтлэн историезлы но Глазкарын педагогикая дышетонлэн азинскемезлы сӥзем музей усьтӥськиз. Институтын дышетон бакалавриатлэн, специалитетлэн, магистратуралэн но аспирантуралэн программаосызъя радъямын[1].

Факультетъёсыз

[Тупатыны | вики-текстэз тупатыны]
  • Математикая факультет
  • Филологияя факультет
  • Педагогикая но художестволы дышетонъя факультет
  • Историяя факультет
  • Школа азьын дышетонъя факультет
  • Кунгож кылъёсъя факультет
  • Физической факультет
  • Социальной но информационной технологиосъя факультет
  • Информационной но социальной коммуникациосъя колледж

2020-тӥ арын 1-тӥ пӧсьтолэзе институтлэн Дышетонъя кенешез[ru] институлэсь ужзэ умоятон, оптимизация ортчытон но составзэ статусэзлы тупатон вылысь указ поттӥз, соин валче таӵе факультетъёс кылдытэмын:

  • Информатикая, физикая но математикая факультет
  • Социальной коммуникациосъя но филология факультет
  • Педагогикая но художестволы дышетонъя факультет
  • Историяя но лингвистикая факультет

Кафедраосыз

[Тупатыны | вики-текстэз тупатыны]
  • Математикая, теорияя но математикалы дышетон методикая кафедра
  • Физикая но физикаысь дидактикая кафедра
  • Информатикая, теорияя но информатикалы дышетон методикая кафедра
  • Ӟуч кылъя, удмурт кылъя, литературая но дышетон методикая кафедра
  • Психологияя кафедра
  • Педагогикая кафедра
  • Историяя но историез дышетон методикая кафедра
  • Удмурт филологияя но шаертодонъя кафедра
  • Гуманитарной наукаосъя кафедра
  • Романо-германской филологияя кафедра
  • Англи филологияя кафедра
  • Крезьгурлы дышетонъя кафедра
  • Школа азьын нылпиосты дышетонъя кафедра
  • Педагогикая но покчиосты дышетон методикая кафедра
  • Мугорез кыдатон культурая но улон-вылонын утиськонъя кафедра

Озьы ик учке

[Тупатыны | вики-текстэз тупатыны]

Валэктонъёс

[Тупатыны | вики-текстэз тупатыны]
  1. ↑ 1 2 3 Туганаев, 2008, с. 278.
  2. ↑ Пединститута в Глазове больше нет: вуз получил статус университета. Дата обращения: 29 толшоре 2025.

Литература

[Тупатыны | вики-текстэз тупатыны]

Чӧлсконъёс

[Тупатыны | вики-текстэз тупатыны]
«https://udm.ruwiki.ru/w/index.php?title=Глазкарысь_В._Г._Короленко_нимо_инженерно-педагогической_университет&oldid=311776»-ысь басьтэмын