Ува (каргурт)

Ува
	Каргурт
Ува
	56°58′47″ с. ш. 52°10′38″ в. д.GЯO
Кун	Россия;
Федерацилэн асмосэз	Удмуртия
Муниципал ёрос	Ува
Гурт поселение	Ува
Тӧро	Головин Владимир Анатольевич
Историез но географиез
Кылдытэмын	1923-тӥ арын
Каргурт	2012-тӥ арысен
Быдӟалаез	14,1 км²
Часовой пояс	UTC+4:00
Улӥсез
Улӥсез	↘19 057 мурт (2021)
Улӥсь калыклэн ӵемлыкез	1457,6 адями/км²
Йӧскалыкъёс	ӟучъёс, удмуртъёс
Официальной кылъёс	удмурт, ӟуч
Лыдпус тодметъёс
Телефон код	+7 34130
	427260
Код ОКАТО	94244551000
Код ОКТМО	94644466101
	uva.udmurt.ru
	Ува Москва Ижевск Ува Ува

Эскерем гожтос

Ува́ — каргурт, кивалтонъя центр но Ува ёросысь тужгес бадӟымез улон инты. 1938—2012-тӥ аръёсы кар типъем посёлок лыдъяське вал^[2].

Интыяськемез

1923-тӥ арын Ва шур дуре нимаз дыре чаклам ужъёсы Ува-Тукля, Рябово, Кильцем, Пекшур, Русская Тукля матысь гуртъёсысь нюлэс корасьёс вуизы. Ар ортчыса, со интыын лесопунктлэн контораезлы шуыса, нырысетӥез юрт пуктэмын вал. Та бордысен ик вуоно каргуртлэн историез кутскиз. Калык верамъёсты чакласа, Ува кыл у (реки) Ва"^[3] шуэм бордысь кылдэм. Интыяськемын Ва шур дурын, Ижлэсь 93 иськемлы палэнын. Улӥсез 19 сюрс 800 адями (1998-тӥ арлы). Соос пӧлын ӟучъёс — 62,7 %, удмуртъёс — 32,2 %, бигеръёс — 3,2 %, мукет калыкъёс — 1,9 %. Кылдэмын 10-тӥ июле 1924-тӥ арын. Нырысь-валысь нюлэс корасьёслэн каргуртсы шуыса лыдъяськиз. 1930-тӥ арын Ува черкогуртын гыбед (торф) поттонъя ужъёс мытэмын. 1934-тӥ арын усьтӥськиз Уваез Ижен герӟась чугун сюрес. 1935-тӥ арын 23-тӥ толшоре Ува черкогурт Ува ёрослэн центрез луиз. Нош 1938-тӥ арын Ува черкогурт ужасьёслэн каргуртсы инлыкен юнматэмын.

Инфраструктура

Ува каргуртын интыяськемын «Юность» культурая юрт но «Восток» кинотеатр. Со сяна, Ува черкогуртын ужзэс радъяло Удмурт Элькунысьсь Йӧскалык но Суредаськон искусствоосъя музейёслэн ёзъёссы. Усьтэмын 270 интылы чаклам ёрос эмъяськон юрт. Ува каргуртлэсь кыдёкын ик ӧвӧл «Ува» санаторий интыяськемын. Каргуртын сыло 6 синпелетъёс но искусстволы сӥзем монументъёс вань. Потэ «Увинская газета». Со вӧлме Ува ёросысь вань гуртъёсы. Редакторез — Пётр Люкин.

Дышетон

Ува каргуртын вить школа ужа. Быдӟым Атыкай ож аръёсы Ува каргуртысь 1-тӥ номеро школаын директор луыса ужаз быдэс дуннелы тодмо луэм педагог В. А. Сухомлинский. Та вакытэ со интыын 3 удысъя педучилище усьтэмын. Уваын озьы ик лэсьтӥськисьёсты дасянъя 27 номеро ПТУ вань. Усьтэмын пиналъёслы чаклам спортъя школа, Нылпи устолыкъя центр.

Нылпи садъёс

«Малышок» ― 1 номеро нылпи сад
«Теремок» ― 2 номеро нылпи сад
«Семицветик» ― 3 номеро нылпи сад
«Алёнка» ― 4 номеро нылпи сад
«Берёзка» ― 5 номеро нылпи сад
«Тополёк» ― 6 номеро нылпи сад
«Солнышко» ― 7 номеро нылпи сад
«Росинка» ― 8 номеро нылпи сад
«Ягодка» ― 9 номеро нылпи сад
«Родничок» ― 11 номеро нылпи сад
«Радость» ― 12 номеро нылпи сад

Школаос

1 номеро школа
2 номеро школа
4 номеро школа.

Экономика

Ува каргуртын 27 кун учреждениос, 12 кун предприятиос, 13 акционер дэм енлыкъёс, 11 филиал, 4 фонд, 4 муниципал предприятиос, 15 мукет предприятиос лыдъясько. Соос пӧлысь уноез нюлэс коранэн, пулэсь арбериос лэсьтонэн герӟаськемын. Тужгес бадӟымез — «Увадрев-холдинг». Отын корка пуктон материалъёс, мебель но мукет арбериос потто. Ужа гыбед поттонъя «Увинское» огазеяськон. Ӟеч радъямын сиён-юон поттон удыс. Азинлыко ужало Уваысь тылобурдо вордонъя фабрика, парсь будэтонъя но сӥль поттонъя предприятиос. Ува каргуртын дасяло йӧллэсь сиёнъёс-юонъёс, озьы ик нянь но ческыт пыжосъёс потто.

Гостиницаос но отельёс

«Маяк» отель, адрес: п. Ува, М. Горького урам, 99.
«Увинская» гостиница, адрес: п. Ува, Механизаторъёслэн урамзы, 6а
ООО «Перспектива» гостиница, адрес: п. Ува, 8-тӥ март нимо урам, 5.
ООО «Увадрев-Сервис» гостиничной комплекс.

Транспорт

Ува каргурт пыр ортче Ижевск — Кильмезь чугун сюрес, отын Ува-1 станция интыяськемын. Увае вуттэ Иж — Нылга — Ува автомобиль сюрес. Увын сюрес куинь пала вайяське: Вавоже, Сьӧлтае, Сюмсие.

Ува каргуртэтӥ ветлӥсь автобус калыкез 8 маршрутъя нуэ-вае.

Улӥсез

2018-тӥ арын 1-тӥ толшоре татын 20240 улӥсез лыдъяське вал. жителей, соос пӧлын 11374 ужась но 155 ужасьтэм мурт. Арлыдоослэн лыдзы 4181 адямик, 18 арес тырмымтэ нылпиос — 4747 мурт, 30 аресозь егитъёс — 4069 мурт^[4].

Численность населения
1959^[5]	1970^[6]	1979^[7]	1989^[8]	2002^[9]	2009^[10]	2010^[11]
11 554	↗14 219	↗15 496	↗18 249	↗19 358	↗19 862	↗19 984
2012^[12]	2021^[1]
↘19 934	↘19 057

5000

10 000

15 000

20 000

1989

2021

Улӥсь калыклэн лыдызъя, Россиысь тужгес бадӟым гурт улон интыос пӧлысь одӥгез лыдъяське.

Валэктонъёс

Чӧлсконъёс

85 лет Увинскому району

Ува (каргурт) — статья из Большой советской энциклопедии.
Ува в каталоге ссылок Curlie (dmoz)

Литература

Подшивалов А. А. Биография моего посёлка (ӟуч). — Ижевск: Удмуртия, 1974. — 103 с.

[2021RU-1] ¹ ² Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более(ӟуч) (XLSX) Эскеремын 2022-09-01 аре

[2] Постановление от 29 мая 2012 г. № 786-IV Об изменении статуса рабочего посёлка Ува Увинского района Удмуртской Республики Эскеремын 2013-05-19 аре

[_b95c31e9a912b92e-3] Подшивалов, 1974, с. 7.

[4] Паспорт МО «Увинское»

[1959C-5] Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу(ӟуч) Демоскоп Weekly. Эскеремын 2013-09-25 аре

[1970E-6] Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.(ӟуч) Демоскоп Weekly. Эскеремын 2013-09-25 аре

[1979D-7] Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.(ӟуч) Демоскоп Weekly. Эскеремын 2013-09-25 аре

[1989C-8] Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу(ӟуч)

[2002B-9] Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более(ӟуч)

[2009D-10] Численность постоянного населения Российской Федерации по городам, посёлкам городского типа и районам на 1 января 2009 года(ӟуч) Эскеремын 2014-01-02 аре

[2010E-11] Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более(ӟуч) Эскеремын 2013-11-14 аре

[2012A-12] Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года(ӟуч) Эскеремын 2014-05-31 аре

[1]

[2]

[3]

[4]

[5]

[6]

[7]

[8]

[9]

[10]

[11]

[12]