Можга

Кар
Можга
Можга
Гербез
56°27′ с. ш. 52°13′ в. д.
Кун	Россия
Историез но географиез
Кылдэмын	1835
Быдӟалаез	31 км²
Шор интыезлэн ӝуждалаез	150
Часовой поясэз	UTC+04:00
Улӥсез
Улӥсез	▼44 345 мурт (2021)
Цифровой идентификаторъёс
Телефон кодэз	34139
Почта индекс	427789–427798
mozhga-gov.ru
Можга
Медиафайлъёс РувикиМедиа пушкын

Можга — Удмуртиысь кар, Можга ёрослэн центрез.

Ижлэсь 93 иськемлы палэнын интыяськемын, Удмуртилэн лымшор но шундыпуксён палаз, Вало шур дурын. Солэн Сюгы вайшурез кар пыр бызьыса потэ. Можга пыр ортчо Горький чугун сюрес но Муское нуись федерал сюрес (Р320).

Историез

Нырысьсэ Можга сярысь гожтэмын вал 1710-1716-тӥ аръёсы Ландратской переписьын.

1754-тӥ арын, татын черк усьтӥськем бере, Можга гурт черкогуртлы пӧрмиз.

Можгалэн историез 1835 арын кутске. Соку Алабгоысь купец Фёдор Чернов Сюгы шур дурын пияла поттон завод пуктӥз. Берлогес со завод котырын Сюгинской нимо каргурт кылдӥз. Пияла поттон заводлэн нырысетӥ продукциез (тусьтыос, ӟенеликъёс) 1842-тӥ арын туж улӥ ӟечлыкен потӥз. Соин ик кузёз заводзэ мукет узырилы — Лебедевлы вузаз.

1892-тӥ арын завод мукет адями — А. П. Сырнев ки улэ шедиз. Но таиз но кема ужаны ӧз вутты — сое С. А. Шишков воштӥз. Продукцилэн ӟечлыкез ӝутскиз. 1902-тӥ арын заводэ Шишковлэн ӵыжы-выжыез - тодмо ӟуч гожъяськись А. Н. Толстой вуылӥз но пияла поттон заводлэсь ужамзэ вылӥ дунъяз. Можгаослэн ӟеч продукцизы Россиысь мукет каръёсы вӧлмиз. Пияла тусьты-пуньыез шумпотыса басьязы Алабгоын, Сызраньын, Самараын, Чистопольын.

1914-тӥ арын Можгаын Казань—Екатеринбург чугун сюрес лэсьтыны кутскизы. Та ужрад черкогуртлэсь экономиказэ шӧдскымон ӝутыны но азьланьтыны юрттӥз.

1924-тӥ арын 3-тӥ оштолэзе Сюгинский каргуртэз Красный нимазы. 1929-тӥ арын сое Можгалы воштӥзы. Нош 1963-тӥ арын Удмуртилэн карез инлык сётӥзы.

1954-тӥ арын Можгаын нырысьсэ пуктэмын вал 2 этажъем улон корка. 1969-тӥ арын карлэн лымшор но уйпал ёросъёсыз кылдӥзы. Та арын ик пуктӥзы кунокуа но вузкаронниос.

Экономикаез

Можга карысь промышленность удысын трос огазеяськонъёс кылдытэмын. Кылсярысь, «Дубитель», «Редуктор», «Можгинский конденсатор», «Авторемзавод «Можгинский», «Свет», «Можгинский лесокомбинат» но мукет.

Дышетон учреждениос

Можгалан ог дасо школаос но шор образовани сётӥсь дышетон ужъюртъёс:

• Можга педколледж (1922);
• Ветеринари колледж (1929);
• Эмучилище (1933);
• 2 ПТУ;
• Ижысь промышленностья но экономикая колледжлэн ёзэз.

Вань историен герӟаськем пӧртэм синпелетъёс, музей, 5 лулчеберетъя юрт, «Спутник» киноюрт но мукет.

1935-тӥ арын Можга карысь историяя но шаертодонъя музей усьтӥськиз. Туала вакытэ со Удмуртилэн лымшор палысьтыз методикая но лулчеберетъя центр луэ.

Улӥсьёс

Улӥсез — 48,3 сюрс адями лыдъяське. Соос пӧлын: ӟучъёс — 54,2%, удмуртъёс — 27,8%, бигеръёс — 14,9%, музон калыкъёс — 3,2 %.

Валэктонъёс

Чӧлсконъёс

• Можгалэн гербез  [ӟуч]