Камбарка

Кар
Камбарка
Флагез Гербез
56°16′ с. ш. 54°12′ в. д.
Кун	Россия
Историез но географиез
Кылдэмын	1767
Быдӟалаез	26,473
Шор интыезлэн ӝуждалаез	75
Часовой поясэз	UTC+04:00
Улӥсез
Улӥсез	▼10 080 мурт (2021)
Цифровой идентификаторъёс
Телефон кодэз	34153
Почта индекс	427950–427959
Камбарка
Медиафайлъёс РувикиМедиа пушкын

Камбарка — Удмуртиысь кар, Камбарка ёрослэн центрез. Улӥсьёсыз – ог 11 сюрс адями (2014).

Историез

Камбарка городлэн историез меӵак герӟаськемын татын завод кылдытонэн. 21-тӥ феврале 1741-тӥ арын Урал заводъёслэн кузёзы Акинфий Демидов башкиръёслэсь музъемзэс басьтӥз. 1761-тӥ арын татын ӝутӥськыны ӧдъяз кык завод — корт ӵыжатон но пул пилён. Завод паськытамен валче бордаз бадӟыманы ӧдъяз посёлок но. 1917-тӥ-1923-тӥ аръёсы Камбарка Пермь улосысь Осинск уездлэн шорсюлмыз вал. 1924-тӥ арын сое огазеязы Удмурт Республикае но думизы Сарапул ёрос борды. 1924-тӥ арын нимаз ёрослы люкизы но бордаз 14 сельсовет пыртӥзы.

Граждан ож вакытысь Иж-Вотка восстание пыриськемъёс ки улысь Камбаркаез кык пол мозмытъяз Азинлэн дивизиез. 1919-тӥ арын городысь пристаньын кык нунал сылӥз «Красная звезда» агитпароход. Татын большевикъёслэн партизылы дурбасьтыса, агитацие пыриськиз Н. К. Крупская.

1929-тӥ арын Камбарка заводэз ужасьёслэн посёлокенызы нимазы. 1933-тӥ арын городлы выль шокчон сётӥз татын усьтӥськем выль машина лэсьтон завод. Отын чугун сюрес платформаос поттыны ӧдъязы, озьы ик тепловозъёс но лэсьтӥзы. Калыклы уж инты ӵекто газ тӥрлык поттонъя завод (1992), машина лэсьтон завод.

1945-тӥ арын посёлокез город нимазы. 1955-тӥ арын городын усьтӥськиз нырысетӥ лесотехнической техникум. 1960-тӥ арын — крезьгуръя школа. 1964-тӥ арын городын кылдӥз ёрослэн но городлэн историзылы сӥзем музей.

Промышленность

Али Камбарка тодмо луэ татысь люизитэз — яд суретъёсты — быдтонъя заводлэн ужаменыз. Уго совето аръёсы татчы люказы быдэс Совето Союзысь 90 процентсэ люизитэз. Заводын чакламын таӵе яд суретъёсты быдтыны, нош азьланяз татын промышленность азинскыны кулэ.

Социальной удыс

Туннэ городын вань 4 шор ёзо школа, нылпиослы крезьгуръя школа, искусствоосъя школа, 7 нылпи сад, 3 библиотека, больница. Городын печатлаське «Камская новь» газет.

1964-тӥ арын Камбарка ёрослэн историезлы но лулчеберетэзлы сӥзем музей кылдытэмын. Со 1930-тӥ аръёсы Камбарка ёрослэн историзэ эскерон-тодон бордын ужам Александр Яковлевич Новиков но Пётр Александрович Плешаков кичӧлтэмен но интыысь шаерчиос дурбасьтэмен усьтӥськиз.

Учкымон интыос

• 1888-тӥ арын пуктэм Д. Ширшов купечлэн улыно-вылыно юртэз;
• XIX—XX дауръёс вискын пуктэм Вавилов купечъёслэн юртъёссы. Отын али Камбаркаысь машина лэсьтон заводлэн цехъёсыз ужало.

Валэктонъёс