Д. Ширшов купечлэн юртэз
| Д. Ширшов купечлэн юртэз | |
|---|---|
 | |
| Юрт сярысь ивортон | |
| Интыяськемез | Камбарка |
| Кун | |
 |
|
Д. Ширшов купечлэн юртэз (ӟуч: Дом купца Д. Ширшова) — Удмурт Элькунысь Камбаркаысь улыно-вылыно юрт, карысь учкымон инты. 1888-тӥ арын пуктэмын. Адресэз: К. Маркс ульча, 60.
Историез
1888-тӥ арын Камбаркаын Дмитрий Ширшов купечлы пуктэмын. Архитекторлэн нимыз тодмо ӧвӧл[1].
ХХ даурлэн кутсконаз камбарка купеч начар югдуре шедиз, коньдонтэк кылиз но ваньбурзэ вузано луиз. Солэсь корказэ волостьысь кар кивалтэт нылкышно училищелы шуыса басьтӥз. 1909-тӥ арын юртъерын Камбаркаысь земской нылкышно училище усьтӥськиз. Висъетъёс тырмымтэен, 1913-тӥ арын корка борды одӥг этажъем пристрой ӝутӥзы[1][2].
1918-тӥ арын юртлэн нырысетӥ этажаз возизы арест улэ шедем Камбарка исполкомысь ёзчиосты но большевикъёсты[2].
1923-тӥ арын коркан кураськись нылпиослы интернат кылдӥз. 1926-тӥ арын выльдӥськон ортчиз, соин валче интернат интые профтехшкола ужаны ӧдъяз, татын кортэн но пуэн вырыны дышетылӥзы. 1930-тӥ арын дышетсконниын 800—900 мурт тодон-валан басьтӥз, соос «Уралмашзаводысь» цехъёсын тыршон вылысь токарьлы, слесарьлы, дурисьлы дышетскылӥзы[3].
1943-тӥ арын юртъерын 5876 номеро эвакогоспиталь интыяськиз[4].
Ож бере коркаез 5 номеро школалы висъязы, татын со 1980-тӥ арозь ужаз[2].
1980-тӥ—1990-тӥ аръёсы коркан Пионеръёслэн юртсы (бератаз — Творчествоя юрт) интыяськылӥз[3].
2024-тӥ арын ивортонъёсъя, Ширшовлэн юртаз Камбаркаысь ӝыт (сменаен) шор ёзо школа ужа. Коркалэн историез бадӟым бере, Камбарка музейысь ӧнерчиос татын куриськонъёсъя экскурсиос радъялляло[3].
Валэктонъёс
- ↑ 1 2 Камбарка [ӟуч] UDM.travel. Эскеремын 07-11-2025 арын
- ↑ 1 2 3 Дом купца Ширшова [ӟуч] UDM.travel. Эскеремын 07-11-2025 арын
- ↑ 1 2 3 Дом купца Ширшова [ӟуч] Центр развития туризма Удмуртской Республики. Эскеремын 07-11-2025 арын
- ↑ 75 мгновений войны. Камбарка [ӟуч] ФГБОУ ВО ИжГТУ им. М.Т. Калашникова (20-04-2020). Эскеремын 07-11-2025 арын
Чӧлсконъёс
- Дом купца Ширшова [ӟуч]