Камбарка ёрослэн историезлы но лулчеберетэзлы сӥзем музей

РФ Лулчеберетъя министерство

Министерство культуры Российской Федерации

Камбарка ёрослэн историезлы но лулчеберетэзлы сӥзем музей
Кылдытэмын	1964
Адресэз	Удмурт Элькун, Камбарка кар, Ленин ульча, 54-тӥ юрт
Сайтэз	kambarka-museum.ru

Камбарка ёрослэн историезлы но лулчеберетэзлы сӥзем музей (ӟуч: Музей истории и культуры Камбарского района) — Удмуртиысь Камбаркаысь коммерческой луисьтэм муниципал бюджет ужъюрт.

Историез

1930-тӥ аръёсы Камбарка ёрослэсь историзэ эскерон-тодон бордын ужам Александр Яковлевич Новиков но Пётр Александрович Плешаков кичӧлтэмен но интыысь шаерчиос дурбасьтэмен, 1964-тӥ арын музей кылдытэмын.

1962-тӥ арын музеез усьтыны Камбаркаысь кар кенеш разрешение сётӥз.

1963-тӥ арын музейлы азьвыл аптекалэсь начар но тупатъямез кулэ карись юртсэ висъязы.

1966-тӥ арын 1-тӥ толшоре музейын ньыль сюрслэсь ятыр экспонатъёсыз вал, таӵе ёзъёсыз ужазы: «Демидовщина», «Вашкала улон-вылон», «Революционной движение», «Советъёслэн властьсы понна нюръяськон», «Промышленность, калык образование, лулчеберет, спорт».

1975-тӥ арын, юртъер куашкан калэ вуэмен, музей пытсамын вал.

1978-тӥ арын толшоре музей выль юртын усьтӥськиз .

1979-тӥ арысен 1982-тӥ арозь ужъюрт Удмурт элькун музее пырылӥз.

1983-тӥ арысен 2000-тӥ арозь «Шор Прикамьелэн историезъя но лулчеберетэзъя музейлэн» ёзэз вал.

Экспозициосыз

2024-тӥ арын со Камбарка ёросын огназ муниципал музей вал. Экспозициосын ёрослэн историезъя, лулчеберетэзъя, промышленностезъя но инкуазезъя материалъёс адӟытэмын. Музеен люкам валтӥсь экспонатъёс «Камбарка исторической», «Сикъёсын, лудъёсын но шуръёсын улӥсьёс», «Ожлэн чузъяськемез», «Шолья пужы» экспозициосъя залъёсын возьматэмын. Экспозициос аспӧртэм сямен лэсьтэмын: сяме пырем адӟытонъёс мультимедиез уже кутыса быдэстэмын. Камбаркаысь Д. Ширшов купечлэн юртаз экускурсиос радъяло. Озьы ик XIX—XX дауръёс вискын пуктэм Вавилов купечъёслэн юртъёсынызы тодмат — отын али Камбаркаысь машина лэсьтон заводлэн цехъёсыз ужало.

Ужез

Музейын таӵе темаосъя экскурсиос радъясько:

• Камбарка заводлэн историез;
• Кустарной амалэн вуз поттон;
• Ожлэн чузъяськемез;
• Лудъёсын но сикъёсын улӥсьёс;
• Камбаркаысь машина лэсьтон завод.

Музей дышетон услугаос сётэ:

• «Музей амалъёсъя школьникъёсты визьнодан» программая лекциосъя цикл;
• «Вакыт» программая бадӟымъёслы кенешонъёсъя-лекциосъя цикл.

Музейын ог 19 000 утёно единица лыдъяське, таос пӧлысь 13 400-эз — валтӥсь фондысь арбериос. Музее араз шорлыдын 12 700 куноос вуыло.

Валэктонъёс