Вавилов купечъёслэн юртъёссы
| Вавилов купечъёслэн юртъёссы | |
|---|---|
 | |
| Юрт сярысь ивортон | |
| Интыяськемез | Камбарка |
| Кун | |
| Лэсьтыны кутскемын | XIX—XX дауръёс вискын |
 |
|
Вавилов купечъёслэн юртъёссы (ӟуч: Дома купцов Вавиловых) — Удмурт Элькунысь Камбаркаысь излэсь но пулэсь юртъёс. Пуктӥськемъёс XIX—XX дауръёс вискын кылдэмын. Ньыль пӧлысь кыкез корка утиськемын.
Историез
Иван Степанович Вавилов
Камбаркаысь Плотинной ульчаысь нырысетӥ коркаез (али — Советской) ӝутӥз интыысь купеч, басмаен вузкарись Иван Степанович Вавилов. Улыно-вылыно из юрт борды мукет лэсьтӥськемъёс но вал на. Нырысетӥ этажаз Вавилов магазин усьтӥз, кыкетӥяз семьяеныз улӥз, отын ик утялскисьёссылэн-пӧраськисьёссылэн висъетъёссы вал[1].
Революция бере юртэз национализировать каризы. Нырысь отын РКП(б)-лэн райкомез интыяськиз, бератаз — ВЛКСМ.
1950-тӥ аръёсы коркаез тупатъязы но Игнатий Вавиловлэн юртэныз одӥг липетэн огазеязы[2].
Игнатий Степанович Вавилов
Иван Степановичлэсь адӟем карыса, Игнатий Степанович Вавилов выныз ӵыжы-выжыезлэсь кӧня ке метр кемын гинэ аслыз коркаен магазин пуктӥз. Таиз купеч корт арбериосын но сиён-юонэн вузкариз[2].
Революция бере юртэз национализировать каризы. Большевикъёслы пумит ӝутӥськон вакытэ гулбечъёсаз арестованнойёсты возизы.
Одӥг липетэн огазеям Вавиловъёслэсь юртъёссэс Камбаркаысь машина лэсьтон заводысь служащийёслы кабинетъёс чот висъязы[1][3].
Выльдӥськон-тупатъян ужъёс бере коркалэн вылкыметаз «А. Ф. Д. 1909» дурыса гожтэм кылдӥз. Интыысь шаерчиос кытысь потэмзэ валаны выро[2].
Александр Васильевич но Фёдор Васильевич Вавиловъёс
Иван но Игнатий Вавиловъёслэн коркаосынызы артэ пуктӥськизы Александр Васильевич но Фёдор Васильевич агай-вынъёссы. Таослэн коркаоссы быдэсак излэсь ӧй вал, соин ик ӝог вужмизы. 1918-тӥ арын соосты интыысь муниципал кивалтэтлы сётӥзы.
2024-тӥ арын ивортонъёсъя, пусъем коркаос интыын ужа Камбаркаысь машина лэсьтон заводлэн дуриськон цехез но кортэз ӟурдатыса воштонъя-тупатонъя (ӟуч: термической) участокез[1].
Туала югдур
2024-тӥ арын ивортонъёсъя, Вавилов купечъёслэн утиськем юртъёсазы ужа Камбаркаысь машина лэсьтон завод. Муртъёслы татчы пыраны алэмын. Камбаркаысь музей историысь юртъёсы экскурсиос радъялля, но ӧнерчиос учкымон коркаослэсь вылтуссэс гинэ адӟытыны быгато[3][4].
Валэктонъёс
- ↑ 1 2 3 Дома купцов Вавиловых в городе Камбарка [ӟуч] Центр развития туризма Удмуртской Республики. Эскеремын 08-11-2025 арын
- ↑ 1 2 3 Дома купцов Вавиловых [ӟуч] Историческийбагаж.рф. Эскеремын 08-11-2025 арын
- ↑ 1 2 Маршрут выходного дня в Камбарском районе [ӟуч] vpered-balezino.ru (19-06-2023). Эскеремын 08-11-2025 арын
- ↑ Добро пожаловать в Камбарку [ӟуч] udmurt.center. Эскеремын 08-11-2025 арын
Чӧлсконъёс
- Камбарка от а до я [ӟуч]