Камбаркаысь машина лэсьтон завод
| Камбаркаысь машина лэсьтон завод | |
|---|---|
 | |
 | |
| Типез | ООО |
| Кылдэм арез | 1767 |
| Интыяськемез |
 Россия: Камбарка, (Удмуртия) |
| Удысэз | Машиностроение |
| Поттэм вузэз | Тепловозъёс, гыбед нуллон вагонъёс, самосвал вагонъёс, платформаос но мукет секыт арбериослы чаклам вагонъёс, самоходной электростанциос, ужын кутӥськись но калыкез нуллӥсь автомотрисъёс |
| Сайт | zavod-kmz.ru |
 |
|
 Медиафайлъёс РувикиМедиа пушкын | |
Камбаркаысь машина лэсьтон завод («Камбаркаысь машина лэсьтон завод» ООО, КМЗ; ӟуч: Камбарский машиностроительный завод) — тепловозъёс но мукет чугун сюрес техника поттӥсь завод. Удмуртиысь Камбаркаын интыяськемын.
Заводлэн историез
1767-тӥ арын заводэз Демидов ӟуч заводчикъёс Корт лэсьтон завод мастерскойёсты сямен кылдытӥзы вал. Заводэз ӝутон борды 6 арлы вазьгес, 1761-тӥ арын, басьтӥськизы[1]. 1919-тӥ арысен Камбаркаысь экипажной заводлэсь нимзэ нуллӥз[2]. 1933-тӥ арысен Литейно-механической завод нимамын вал. 1944-тӥ арысен Камбаркаысь машиностроительной завод нимамын[3].
Кылдытэм бере нырысетӥ дас арзэ завод корт ӵыжатонэн (араз 60 сюрс тоннаозь) но нюлэс дасянэн выриз. XIX даур пумын завод тарантасъёс лэсьтӥз (заводэн ӵыжатэм кык тарантасъёс Парижын дуннеысь адӟытонэ экспонатъёс сямен поттэмын вал). XX даур кутсконын завод вагонеткаос, пу рамаослэсь платформаос, бычкыосты шерыны станокъёс, цепьёс лэсьтӥз. Отӥяз заводын пилорамаос, чугун сюреслэсь вылӥ люкетсэ юнматонын кутӥськись тӥрлык поттыны ӧдъяз. 1950-тӥ арысен лымы сузян техника, нюлэс дасянын кутӥськись трелёвочной лебёдка, пассажиръёсты нуллыны чаклам вагонъёс но сюбег чугун сюрес колеялы мотовозъёс поттыны кутскиз. 1983-тӥ арын Лейпцигысь калыккуспо адӟытонын ТГМ40 тепловоз зарни медален но нырысетӥ степенё медален пусъемын вал[4].
Заводын поттэм тепловозъёс промышленной лыдъяськись сюбег колеяен паськыт чугун сюресъёс вылтӥ (гыбед ворттон, сик поттон, заводъёс бордысь), озьы ик быдэс Совето Союзысь нылпи чугун сюресъёс вылтӥ вӧлмизы.
Заводлэн куд-ог цехъёсыз ужало XIX—XX дауръёс вискын пуктэм но татчыозь утиськем Вавилов купечъёслэн юртъёсазы.
Заводлэн историез 1964-тӥ арын усьтэм Камбарка ёрослэн историезлы но лулчеберетэзлы сӥзем музейын адӟытэмын.
Ужан ӧрыз
750 мм пасьталаем чугун сюресъёслы проект лэсьтон[5]:
- Инженерия, геодезия но геология ласянь эскерон;
- Сюрес вожъёслы чаклам интыен тырон-ӝоктон пунктъёсын чугун сюрес трассаез лэсьтон;
- Трасса вылысь ужъёслэсь быдӟалазэс, выжъёс вамен выжонъёсты чакласа, валан;
- Чугун сюреслэсь поездэз вормись кужымъёсты лыдъян, поездлэсь чаклам секталазэ чотан, оборотсэ дыръя валан;
- Инфраструктураез умоятон ужъёслэсь быдӟалазэс но дырзэс лыдъян, подвижной составез тупатъян-утялтонэз санэ басьтыса;
- Эксплуатациен валче ыштонъёсты дунъян.
750 мм пасьталаем чугун сюресъёс ӝутон:
- Полотно ӝутон;
- Чугун сюреслэсь вылӥ люкетсэ лэсьтон;
- Искусственной сооружениос пуктон;
- Инфраструктура кылдытон.
Чугун сюрес техникаез но кыскись-нуись составез вуттон:
- 750 мм пасьталаем чугун сюрес колеяез лэсьтыны, тупатъяны но возьыны техника;
- Маневръёсын ужан но составъёсты поттӥсь тепловозъёс;
- Бригадаосты нуллӥсь автомотрисъёс;
- Пассажиръёсты нуллыны вагонъёс, пӧртэм секталаез вормись грузовой вагонъёс;
- Нимысьтыз чугун сюрес техника.
Чугун сюрес техникаез тупатон но сервисъя утялтон-чаклан:
- Техника ласянь тупатъян-чаклан(ТО);
- Шоро-куспо тупатъян (СР);
- Рос-прос тупатъян (КР);
- Запчастьёс вуттон.
Поттоно вуз
Камбаркаысь машина лэсьтон завод «сюбег» чугун сюрес колеялы чаклам (750 мм — 1067 мм колея) путевой машинаосты, составъёсты кыскись нуись техника поттэ. Завод пӧртэм пумо грузовой вагонъёсты, самоходной электростанциосты, «сюбег» чугун сюрес колеяослы чаклам мукет предприятиосын азьвыл поттэм сыӵе ик вуз поттыны дась. Со гыбед ворттӥсь пӧртэм модификациен вагонъёс, самосвал вагонъёс, платформаос, цистернаос, транспортёръёс, хоппер-дозаторъёс, сцеп вагонъёс но мукет грузовой вагонъёс, ужын кутӥськись но пассажиръёсты нуллӥсь автомотрисъёс, озьы ик соослы воштос ёзъёс. 2013-тӥ арысен АМ-3С рельсаосын автобусъёс[6] но Муско метролы МТК-1, АГМс, АГМу мотовозъёс поттыны кутскиз[7].
Тепловозъёс:
- ТГМ40 (1982-тӥ арысен);
- ТУ4 (1962-тӥ—1974-тӥ аръёсы);
- ТУ5 (1967-тӥ—1973-тӥ аръёсы);
- ТУ6 (1968-тӥ—1971-тӥ аръёсы);
- ТУ6А (1973-тӥ—1988-тӥ аръёсы);
- ТУ7 (1971-тӥ—1986-тӥ аръёсы);
- ТУ7 (1986-тӥ арысен);
- ТУ8 (1988-тӥ арысен);
- ТУ10 (2010-тӥ арысен).
Дрезинаос:
- ТУ8Г (1988-тӥ арысен);
- ТУ8П (1988-тӥ арысен).
Вагонъёс:
- Сцеп-вагонъёс;
- Цистернаос;
- Платформаос;
- Пассажиръёсты нуллон ВП750 вагонъёс;
- Гыбед нуллон ТСВ6А вагонъёс;
- Нюлэс ворттон платформаос;
- 47-641 модельем самосвал вагонъёс (думпкар).
Рельсаос вылын ворттылӥсь автобус:
- АМ-ЗП
Путевой машинаос:
- Лымы сузясь СП2;
- Лымы сузясь ЛД 24;
- Лэсьтӥськонын кутӥськись ТУ6СПА поезд.
ТУ7А 
ТУ8Г 
ТУ8П 
ТГМ40 
Чугун сюрес тырись кран 
Лэсьтӥськонын кутӥськись ТУ6СПА поезд 
Чугун сюрес тырись кран 
Гыбед нуллон ТСВ6А вагонъёс
Валэктонъёс
- ↑ Камбарка. История возникновения [ӟуч] iz-article.ru. Эскеремын 19.08.2025 арын
- ↑ Е. М. Ушакова Камбарский завод на заре советской истории: 1919—1923 гг. [ӟуч] Комитет по делам архивов при Правительстве Удмуртской Республики. Эскеремын 19.08.2025 арын
- ↑ Камбарский машиностроительный завод: к новым заказам готов [ӟуч] Евразия Вести (2007). Эскеремын 19.08.2025 арын
- ↑ История завода [ӟуч] zavod-kmz.ru. Эскеремын 19.08.2025 арын
- ↑ Наша продукция [ӟуч] zavod-kmz.ru. Эскеремын 19.08.2025 арын
- ↑ Владимир Полыгалин (04 октября 2013) И полетит стрижом по рельсам [ӟуч] gudok.ru. Эскеремын 19.08.2025 арын
- ↑ В Удмуртии начнут собирать рельсовые автобусы [ӟуч] lenta.ru (03 июля 2015). Эскеремын 19.08.2025 арын
Чӧлсконъёс
- Камбарский Машиностроительный Завод [ӟуч], zavod-kmz.ru. Эскеремын: 19 гудырикошконэ 2025 арын.
- TU46.002 in ZSSK Словакия (čeština), uzkorozchodky.hys.cz. Эскеремын: 19 гудырикошконэ 2025 арын.