Г. Д. Красильниковлэн Алнашысь музей-юртэз

Википедиысь материал
Г. Д. Красильниковлэн Алнашысь мемориал музей-юртэз
Мемориальный дом-музей Г.Д.Красильникова в Алнашах, Удмуртия.jpg
Кылдытэмын 1991
Интыяськемын
Адресэз Удмурт Элькун, Алнаш черкогурт, Красильниковлэн ульчаез, 16-тӥ юрт

Красильниковлэн музей-юртэз (ӟуч: Дом-музей Г. Д. Красильникова) — Удмурт Элькунысь Алнаш черкогуртысь музей. Геннадий Красильников гожъяськисен, Удмурт АССР-ысь Гожъяськисьёслэн огазеяськонзылэн тӧроеныз (1963—1974) пуктэм но улэм юртын усьтэмын.

Историез

Геннадий Красильников вордӥськиз, будӥз но улӥз Удмурт Элькунысь Алнаш черкогуртын. 1959-тӥ арын со корка ӝутӥз, татчы кышноеныз но пиеныз улыны пыриз. 4 ар ортчыса, сое Ижкаре ужаны ӧтизы, озьы со элькунлэн шоркараз выжиз. Кӧня ке ар ортчыса, Красильниковъёс Алнашысь корказэс вузазы[1][2].

1975-тӥ арын, гожъяськись кулэм бере, ӝутэм коркаез борды мемориал пул шуккон сярысь, урамлы Красильниковлэсь нимзэ сётон сярысь огкыл юнматэмын вал. Гожъяськисьлэсь туспуктэмъёссэ, арбериоссэ, экспонатъёсты бичан-люкан вылысь бадӟым уж нуиськиз, троссэ музейлы пал кылем кышноез но апаез сётӥзы[3].

1991-тӥ арын 5-тӥ пӧсьтолэзе Красильниковлэсь мемориал музей-юртсэ усьтӥзы[4]. Со Удмурт Элькунысь шаертодонъя музейлэн ёзэз луиз, бератаз — «Алнаш ёрос» муниципал кылдытэтлэн Алнашысь историяя но литературая музей" муниципал бюджет ужъюртлэн ёзэз[1][2].

Экспозициез

Музейысь «Г. Д. Красильниковлэн улонэз но творчествоез» валтӥсь экспозициын  [ӟуч] (удм. 300-лэсь ятыр арбериос утисько, соос Красильниковлэн улонэныз но творчествоеныз герӟаськемын[5][6].

Экскурсиос сяна, музейысь ӧнерчиос школаосын дышетскисьёс но бадӟымъёс понна урокъёс, лекциос, квестъёс, пумиськонъёс но мукет ужрадъёс ортчытъяло[3].

Красильниковлэн ульчаезлэн шулдыръяськонэз

Красильниковлэн мемориал музеез Красильников нимо ульчалэсь праздниксэ радъянлы кичӧлтӥсь но сое радъясь луиз. Ужрад арлы быдэ гожъяськисьлэн вордскем нуналаз — 7-тӥ пӧсьтолэзе — музейлэн азбараз ортче. Шулдыръяськонэ Красильниковлэн урамаз улӥсьёсты сяна, быдэс элькунысь литераторъёсты ӧтьыло[6].

Валэктонъёс

  1. ↑ 1 2 Мемориальный дом-музей Г. Д. Красильникова [ӟуч] udm360.ru. Эскеремын 10.09.2025 арын
  2. ↑ 1 2 Мемориальный дом-музей Г. Д. Красильникова [ӟуч] Алнашский историко-литературный музей муниципального образования «Алнашский район». Эскеремын 10.09.2025 арын
  3. ↑ 1 2 Мемориальный дом-музей Г. Д. Красильникова в селе Алнаши [ӟуч] Живая Удмуртия. Эскеремын 10.09.2025 арын
  4. ↑ О музее [ӟуч] Алнашский историко-литературный музей муниципального образования «Алнашский район». Эскеремын 10.09.2025 арын
  5. ↑ Выставка «Жизнь и творчество Г. Д. Красильникова» [ӟуч] Культура.РФ. Эскеремын 10.09.2025 арын
  6. ↑ 1 2 Алнашский музей (5 июля 2025) Мемориальный дом-музей Г. Д. Красильникова в Алнашах отмечает своё 30-летие [ӟуч] vk.com. Эскеремын 10.09.2025 арын

Чӧлсконъёс

«https://udm.ruwiki.ru/w/index.php?title=Г._Д._Красильниковлэн_Алнашысь_музей-юртэз&oldid=507523»-ысь басьтэмын