Дэбесысь Сибирь трактлэн историезлы сӥзем ёрос музей

Википедиысь материал
Gerb-icon.png

РФ Лулчеберетъя министерство

Arrow-Right.png
Gerb-big.png
Министерство культуры Российской Федерации
«Дэбесысь Сибирь трактлэн историезъя ёрос музей» лулчеберетъя муниципал бюджет ужъюрт
Музей Сибирского тракта в Дебёсах. 01.jpg
Кылдытэмын 1989
Интыяськемын РоссияFlag of Russia.svg Россия, УдмуртияFlag of Udmurtia.svg Удмуртия
Адресэз 427060, Росси Федерация, Удмурт Элькун, Дэбес ёрос, Дэбес черкогурт, Советской ульча, 27-тӥ юрт
Кивалтӥсез Тронина Евгения Юрьевна
Сайтэз deb-musei.ru

Дэбесысь Сибирь трактлэн историезлы сӥзем ёрос музей (вакч. — «Дэбесысь Сибирь трактлэн историезъя ёрос музей» МБУК; ӟуч: Дебёсский районный Музей истории Сибирский тракт") — Удмурт Элькунысь лулчеберетъя муниципал бюджет ужъюрт, экспозициосыз Сибирь тракт, солэн Росси Федерацилэн улоназ инты басьтэмез, V—X дауре Дэбес ёросын улэм удмуртъёслэн выжыоссы, черкогуртлэн XVII даур шорысь—XX даур кутсконысь историез сярысь верало. 1989-тӥ арын кылдэмын. Музейлэн валтӥсь фондаз 3500-лэсь ятыр экспонатъёс адӟытэмын[1][2].

Дэбес ёросысь Дэбес черкогуртысь Советской ульчаысь 27-тӥ юртын интыяськемын. 1822-тӥ арын пуктэм юртын ужа, татын нырысь-валысь Быдӟым Сибирь трактлэн валъёсын но этапен ортчись сюресэз вылысь улӥ чинъёс понна чаклам казармаос вал. Юртъер улосэн утёно лулчеберетъя объектъёс пӧлы пыртэмын[1][2].

Историез

1989-тӥ арын 29-тӥ шуркынмонэ Удмурт АССР-ысь Дэбес ёросысь Калык депутатъёслэн кенешысьтызы быдэсъясь комитет «Дэбес черкогуртын музей комплекс усьтон сярысь» 38-256 номеро пуктэт юнматӥз[3].

1991-тӥ арын куарусёнэ Сибирь трактлэн историезлы сӥзем музей комплекс усьтӥськиз. Музей пӧлы Сибирь тракт вылысь валъёсын но этапен пунктлэн улӥ чинъёслы чаклам казармазылэн юртэз пыремын, со «Этапной юрт/Пермь чугун сюрес кылдэмлэсь азьло политикая заключённойёсты Сибире нуон сямен пересыльной пункт луыса ужам» юртъер улосэн утёно лулчеберетъя лэсьтос луэ, озьы ик 1,2 иськем кузьда вашкалаысь выльысь улӟытэм сюрес участок шедемын. Та музей дуннеысь тужгес кузь сюресъёс пӧлысь луэ. Сибирь тракт вылысь историяя но лулчеберетъя аспӧртэм синпелетъёс утиськемын[4][5].

Дэбесысь Сибирь трактлэн историезлы сӥзем ёрос музейлэн валтӥсь ужпумез — почта нуллон, вузкарон но кандалаосын сюреслэсь — XVIII—XIX дауръёсысь Сибирь трактлэсь — историзэ тодэ ваён но возьматон[4].

1991-тӥ арысен Сибирь трактлэн историезъя музее Тыловай черкогуртысь шаертодонъя музей но пыре[6]. Тыловайысь шаертодонъя музей 1967-тӥ арын 11-тӥ шуркынмонэ Валентина Трофимовна но Ефим Савельевич Первушинъёс кичӧлтэмъя усьтэмын вал. Музейлэн архиваз 1960-тӥ арын Валентина Трофимовна Первушина кивалтэм улсын школысь дышетскисьёсын, «горд следопытъёс» отрядэ пыриськисьёсын гожтыса кельтэм летопись утиське[7]. Музей Удмурт Элькунысь «Устоез школа музей» ним басьтӥз. Тыловай школалэн азьвыл классъёсаз таӵе адӟытонъёс интыямын: этнография (XIX—XX дауръёсысь удмурт йӧскалык дӥсь, пужыятӥськон, куиськон (шулдыръяськонъёслы чаклам ӝӧккышетъёс, киӵушетъёс но валес котыръёс), крестьян ужысь тӥрлык, юртъерын кутӥськись тӥрлык, интыысь топонимика), ожгар данлыклы сӥзем зал (Граждан оже  [ӟуч] (удм. но Быдӟым Атыкай оже пыриськем аспал эшъёссылэн подвигзы), «Пичи родиналэн историез» (Тыловайлэн кылдэмез но татчы нырысетӥ выжыяськемъёс). Огез возьматон композиторлы, кырӟасьлы но дышетӥсьлы, СССР-ысь Композиторъёслэн огазеяськонысьтызы ёзчилы Корепанов-Камский Геннадий Михайловичлы сӥземын[8]. Музейын пумиськонъёс, шулдыръяськонъёс, лекциос, кенешонъёс радъяськыло[9].

Дэбесысь Сибирь трактлэн историезлы сӥзем ёрос музейлэн ужез кӧня ке ӧръёсъя мынэ: дышетон но югдытон уж, музей но тодон-валан сётон программа, наукая но эскеронъя уж, экспозициос но адӟытонъёс ортчытъян, тодосъя коллекциосты радъян, озьы ик фондысь материалъёсын ужан[5].

Дэбесысь Сибирь трактлэн историезлы сӥзем ёрос музейлэн экспозициосын но адӟытонъёсын площадез — 211,6 квадрат метр луэ, фондъёссэ утись залъёсыз — 25 квадрат метр[4].

Музеез кылдытӥсь «Дэбес ёрос» муниципал кылдытэт администрация луэ[1].

Музейлэн директорез — Тронина Евгения Юрьевна[1].

Юртэз

Музей 1822-тӥ арын пуктэм юртын интыяське, Александр I  [ӟуч] (удм. императорлэн указэзъя, татын нырысь-валысь Быдӟым Сибирь трактлэн валъёсын но этапен ортчись сюресэз вылысь улӥ чинъёс понна чаклам казармаос вал. «Этапной юрт/Пермь чугун сюрес кылдэмлэсь азьло политикая заключённойёсты Сибире нуон сямен пересыльной пункт луыса ужаз» нимо юртъер улосэн утёно лулчеберетъя объект пӧлы пыртэмын. Одӥг этажъем юртлэн быдӟалаез — 211,6 квадрат метр[2][5].

Экспозициосыз

Музейын 3 экспозициос ялан ужало:

  • «Государь сюрес»;
  • «Нюлэс пумиськонъёс»;
  • «Черкогурт, кытын бесъёс уг уло ни»[2].

Коллекциосыз

Музей фондын 3762 единица утёно арбериос возисько, соос пӧлысь 2965-ез — валтӥсь фонд луо[4]. Музейлэн фондаз удмуртъёслэн этнографиенызы но улэм-вылэменызы герӟаськем арбериос утисько[3].

Музейысь тужгес дуно луись коллекциос: живопись — 14 уж, вал букое юнматӥськись XIX даурысь гырлыос — 12 утёно единица[4].

Ужан вакытыз

Кызьы вуоно

«Ижкар—Дэбес» рейсовой автобусъёс черкогуртозь вутто[2].

Вормонъёсыз но данъетъёсыз

  • 2023-тӥ арын гуртысь устоез муниципал лулчеберетъя ужъюрт но сыӵе ужъюртъёсын устоосыз ужасьёс понна «Лулчеберет» йӧскалык ӵектос улсын радъям вожвылъяськонын вормись. Дэбесысь Сибирь трактлэн историезъя ёрос музей устоез музей сямен дунъямын вал[11];
  • «Удмуртиысь лулчеберетъя мозаика» вожвылъяськонын вормись, со Удмурт Элькунысь Кивалтэт но Елена но Геннадий Тимченколэн благотворительной фондэз юрттэм улсын 2020-тӥ арысь «Сибирь тракт: туала вакытэ выжтон» проектъя быдэсмиз[12].

Ужез

Музейын таӵе экскурсиос ялан радъяськыло: «Государь сюрес», «Нюлэс пумиськонъёс», «Черкогурт, кытын бесъёс уг уло ни», озьы ик вашкала Сибирь тракт кузя валъёсын туризмъя маршрут. Музейын таӵе темаосъя занятиос ортчыло: «Нюлэсчи дорын куноын», «Ма со толерантность но солэн эсэпез», «Дауръёс пыр путешествие» лекциос но квест шудон[4].

Арлы быдэ музеен пусъёно нуналъёс но шулдыръяськонъёс: музеез кылдытон но усьтон нуналъёс, Музейёслэн калыккуспо нуналзы, Искусствоосъя уй, «Музей уй» калыккуспо акция, Атыкай музъемез утисьёслэн нуналзы[4].

Валэктонъёс

  1. ↑ 1 2 3 4 Муниципальное бюджетное учреждение культуры «Дебесский районный Музей истории Сибирского тракта» [ӟуч], goskatalog.ru. Эскеремын: 16 гудырикошконэ 2025 арын.
  2. ↑ 1 2 3 4 5 Дебёсский районный музей истории Сибирского тракта [ӟуч], truehistory.ru. Эскеремын: 16 гудырикошконэ 2025 арын.
  3. ↑ 1 2 Дебесский районный музей истории Сибирского тракта [ӟуч], culture.ru. Эскеремын: 16 гудырикошконэ 2025 арын.
  4. ↑ 1 2 3 4 5 6 7 Дебёсский районный музей истории Сибирского тракта [ӟуч], museum.ru. Эскеремын: 16 гудырикошконэ 2025 арын.
  5. ↑ 1 2 3 Общая информация [ӟуч], deb-musei.ru. Эскеремын: 16 гудырикошконэ 2025 арын.
  6. ↑ Структура [ӟуч], deb-musei.ru. Эскеремын: 16 гудырикошконэ 2025 арын.
  7. ↑ Валентина Трофимовна Первушина из Тыловая большую часть своей жизни посвятила истории малой родины [ӟуч], Новый путь. Эскеремын: 16 гудырикошконэ 2025 арын.
  8. ↑ Краеведческий музей с. Тыловай [ӟуч], Культура.РФ. Эскеремын: 16 гудырикошконэ 2025 арын.
  9. ↑ История Тыловайского музея [ӟуч], debib.udm.muzkult.ru. Эскеремын: 16 гудырикошконэ 2025 арын.
  10. ↑ Информация [ӟуч], deb-musei.ru. Эскеремын: 16 гудырикошконэ 2025 арын.
  11. ↑ В Удмуртии определены лучшие учреждения и работники культуры на селе [ӟуч], Сельская правда. Эскеремын: 16 гудырикошконэ 2025 арын.
  12. ↑ «Сибирский тракт: интеграция в современность» [ӟуч], debesy.udmurt.ru. Эскеремын: 16 гудырикошконэ 2025 арын.
«https://udm.ruwiki.ru/w/index.php?title=Дэбесысь_Сибирь_трактлэн_историезлы_сӥзем_ёрос_музей&oldid=507658»-ысь басьтэмын