Корепанов-Камский, Геннадий Михайлович

Эскерем гожтос

Геннадий Михайлович Корепанов-Камский
Валтӥсь тодэтъёс
Вордскем дырыз	18-тӥ гудырикошконэ 1929(1929-08-18)
Вордскем интыез	Ягвуково гурт, Удмурт АССР, СССР (али Удмуртиысь Дебес ёрос)
Кулэм дырыз	4-тӥ куартолэзе 2001(2001-05-04) (71 арес)
Кулэмын	Ижевск, Россия
Кун	СССР СССР Россия Россия
Ужудысэз	крезьгурчи
Данъетъёсыз

Ижысь Крезьгуро колледжлэн борддораз шуккем буре ваён пул

Геннадий Михайлович Корепанов-Камский (1929-тӥ арын 18-тӥ гудырикошконэ Дэбес ёросысь Ягвуково гуртын — 2001-тӥ арын 4-тӥ куартолэзе Ижын) — тодмо удмурт, совето но росси крезьгурчи, кырӟась (тенор) но дышетӥсь; 1969-тӥ арысен СССР-ысь Крезьгурчиослэн огазеяськонзылэн ёзчиез.

Улон сюресэз

Вордӥськиз 1929-тӥ арын 18-тӥ августэ Дэбес ёросысь Ягвуко гуртын. Туж вазь анай-атайтэк кылиз. Крезьгурлы быгатонлыкъёсыз пичи дырысеныз ик шӧдӥськизы: ас понназ бабалайкаен, гитараен но баянэн шудыны дышиз, гурт шулдыръяськонъёсын шудылӥз но кырӟалляз. Йылпумъяз Мускоысь П. И. Чайковский нимо консерваториез, кырӟанъя Г. И. Тицлэсь классэ . Собере дышетсконзэ азьлантӥз Кузонысь консерваториын (быгатонлыкъёссэ волятӥз А. С. Леманлэн но Н. Г. Жигановлэн композициоссыя), сое 1970-тӥ арын йылпумъяз. 1957-тӥ арысен 1965-тӥ арозь крезьгуръя Удмурт театрын валтӥсь актёр луыса тыршиз. 1965-тӥ — 1967-тӥ аръёсы Удмурт телевиденилэн но радиолэн хораз кырӟаз. 1970-тӥ арысен 1985-тӥ арозь Ижысь крезьгуръя училищеысь студентъёсты дышетӥз, 1971-тӥ арысен 1976-тӥ арозь Ижысь крезьгуръя училищеен кивалтӥз.

1973-тӥ арысен 1988-тӥ арозь — УАССР-ысь Крезьгурчиослэн огазеяськонзылэн правлениезлэн тӧроез вал. 1985-тӥ арысен 1988-тӥ арозь — УАССР-ысь Крезьгуро театрлэн кивалтӥсез.

Улонысь кошкиз 2001-тӥ арын 4-тӥ куартолэзе Ижын.

Геннадий Михайлович Корепанов-Камский ― Удмуртиысь Крезьгурчиослэсь огазеяськонзэс кылдытӥсьёс пӧлысь одӥгез, та огазеяськонэз пыд вылаз ӝутонын бадӟым уж лэсьтӥз, со ик нырысетӥ тӧроез луиз. Удмурт АССР-лэн Вылӥ Кенешезлэн 6-тӥ но 10-тӥ ӧтчамъёсаз депутатэ бырйиськылӥз.

Творчествоез

Г. М. Корепанов-Камский кылдытӥз нырысетӥ оперетта («Любушка») но «Италмас» балет. Нырысетӥ оперетталэн премьераез Удмуртиысь операя но балетъя кун театрлэн сцена вылаз ортчиз. Со сяна, Г. М. Корепанов-Камский уно пӧртэм операос, камерной сочинениос, нылпиослы чаклам гуръёс гожтӥз. Та крезьгурчилэн, ваньмаз сямен, ужъёсаз пыӵамын удмурт фольклор.

Ужъёсыз

• операос
  • «Россиянка» (1967-тӥ ар)
  • «Заговор» (1987-тӥ ар)
  • «Чипчирган» (1963-тӥ ар)операос;
• «Азин» (1978-тӥ ар) — крезьгуро драма
• «Когда поют соловьи» (1962-тӥ ар) — крезьгуро комедия
• симфония оркестрлы чаклам гуръёс но мукет
  • «Поэма о матери» (1955-тӥ ар)
  • «Вуж Мултан» (1976-тӥ ар)

Данъетъёсыз

• Пусъемын Горд Знамя орденэн, «Калыкъёслэн Эшъяськон орденэнызы» (1986-тӥ ар) но «Эшъяськон орденэн» (1996-тӥ).
• Удмурт АССР-ысь Искусство удысысь дано ужась (1960), Удмурт АССР-ысь Калык артист (1970), РСФСР-ысь Искусство удысысь дано ужась (1980).
• Лауреат Удмурт АССР-ысь Кун премилэн лауреатэз (1971, 1979).
• Удмурт Элькунлэн дано муртэз (1998).
• Дэбес ёрослэн дано муртэз (1999).
• Корепанов-Камскийлэн нимыз Данъян Книгаяз пыртэмын (1980).
  

  Ижысь Пушкинской ульчаысь буре ваён пул

Буре ваён

• Удмуртилэн Кивалтэтэз 2001-тӥ арын элькунысь таланто егит крезьгурчиос понна нимысьтыз Корепанов-Камский нимо данъетъёс юнматӥз.
• Г. М. Корепанов-Камскийлэн нимыз сётэмын Дебэсысь Искусствоосъя школалы.
• 2011-тӥ арын 19-тӥ гудырикошконэ Тыловай черкогуртын Корепанов-Камскийлэн Музей—юртэз усьтэмын.
• 2020-тӥ арын Удмурт Элькунлэн Кун Кенешез Г. М. Корепанов-Камскийлэсь вордӥськем нуналзэ элькунлэн буре ваён нуналъёсыз пӧлы пыртӥз.

Валэктонъёс