М. Т. Калашников нимо пыӵалтӥрлыкъя адӟытон комплекс
РФ Лулчеберетъя министерство
| М. Т. Калашников нимо пыӵалтӥрлыкъя адӟытон-музей комплекс | |
|---|---|
.jpg) | |
| Кылдытэмын | 2004-тӥ арын |
| Адресэз |
 Удмуртия,  Ижкар, Бородин нимо урам, 19-тӥ номеро юрт. |
| Кивалтӥсез | Минервина Ольга Вячеславовна |
| Сайтэз | museum-mtk.ru |
 |
|
 Медиафайлъёс РувикиМедиа пушкын | |
М. Т. Калашников нимо пыӵалтӥрлыкъя адӟытон-музей комплекс (ӟуч: Музейно-выставочный комплекс стрелкового оружия имени М. Т. Калашникова) интыяськемын Ижкарын Октябрь ёросын, Шор площадьлэн лымшр палаз. Музей кылдытэмын 1996-тӥ арын, 2004-тӥ арын выль юртэ выжтэмын[1].
Историез
1996-тӥ арын 20-тӥ южтолэзе кылдытэмын пыӵалтӥрлыкъя валтӥсь конструкторлы М. Т. Калашниковлы сӥзем муниципал музей. Со арын ик «Прикампромпроект» институтлэн проектэзъя нимысьтыз музей-адӟытон комплекслы чаклам юрт пуктыны кутскемын.
Юртлы проект лэсьтон бордын ужазы архитекторъёс П. И. Фомин но А. А. Караваев [2][3].
2004-тӥ арын юрт Удмурт Элькунлы сётэмын. Тулыспал толэзе Удмурт Элькун Кивалтэтлэн 1347-р номеро Распоряжениезъя Музей-адӟытон комплекс культурая кун ужъюртъёс чотэ пыртэмын. Музеез усьтон ужрад ортчиз 4-тӥ шуркынмонэ, М. Т. Калашниковлэн 85 ар тырмонэзлы сӥзьыса [4]. Сӥё-дано ужрадэ пыриськизы Удмуртилэн азьмуртэз А. А. Волков, А. Б. Чубайс но ачиз М. Т. Калашников.
Адӟытон комплекс пыриське музейёслы сӥзем «Интермузей» огъяросси фестивале. 2005-тӥ арын «Тужгес устоез музей дебют» - жюрилэн нимысьтыз кузьыменыз пусъемын. Озьы ик Россиын ортчись «РОСТ-2005», «РОСТ-2006», «РОСТ-2007» адӟытонъёсы пыриськылӥз. 2005-тӥ арын Россиысь Туриндустрилэн Огазеяськоназ пыртэмын. 2008-тӥ арын Россилэн Данъян книгаяз пыртэмын. 2009-тӥ арын Росси Федерацилэн Кивалтэтэзлэн «Росси Федерациысь калыклы патриотизм мылкыд пыӵатонэ мыло-кыдо пыриськемез понна» данъян пусэн пусъемын[5].
Экспозициос
Экспозициослы висъям интылэн быдӟалаез 945 м², музейлэн фондаз 18 сюрс 500 единица возиське. Музейлэн экспозициосыз сӥземын М. Т. Калашниковлэн улэм-вылэмезлы, Ижысь пыӵалтӥрлык поттонлэн историезлы, вашкала но туала ожтӥрлыклэн образецъёсызлы[3]. Нылпиослы но школаын дышетскисьёслы нимысьтыз дышетон программаос но мастер класъёс чакламын. Паськыт кутӥсько мультимедиа луонлыкъёс. Музейын огнестрельной, травматической но пневматическоё пыӵалъёсысь ыбылӥськон тир ужа.
Юртъер котырыз
Музей интыяськемын Ижкарысь Бородин нимо ульчаын 19-тӥ номеро юртын. Татчы шугъяськытэк вуыны быгато Ижкарын улӥсьёс но, каре лыктэм куноос но. Комплекс азьын Михаил Тимофеевич Калашниковлы синпелет пуктэмын (скульпторез В. Б. Курочкин). Со асьме пыӵалпоттонын конструкторлэсь данзэ ӝутэ.
Музейлэн кулэлыкез
Музей адӟытон комплекс мыло-кыдо пыриське улослэн лулчеберетлы сӥзем ужрадъёсаз. Яланлыко адӟытонъёс сяна, татын радъяськыло дышетон программаос, мастер-классъёс но пыӵалтӥрлык поттон быгатонлыкъёсты вӧлмытонъя демонстрационной ужрадъёс. Музее, Удмуртиын улӥсьёс сяна, пӧртэм улосъёсысь но кунгож сьӧрысь куноос вуыло. Музей «КАМИС 2000» музей системае пыриське но лулчеберето кельтосэз утёнъя но азинтонъя проектъёсты улонэ пыӵатэ.
Галерея
- Музей адӟытон комплекслэн экспозициосыз, 2004-2019-тӥ аръёсы
Валэктонъёс
- ↑ Бюджетное учреждение культуры и дополнительного образования Удмуртской Республики "Музейно-выставочный комплекс стрелкового оружия имени М.Т. Калашникова"
- ↑ Туганаев, 2008, с. 144.
- ↑ 1 2 Туганаев, 2008, с. 490.
- ↑ Туганаев, 2008, с. 165.
- ↑ История музейно-выставочного комплекса [ӟуч] Музейно-выставочный комплекс стрелкового оружия имени М. Т. Калашникова. Эскеремын 2013-06-07 арын
Литература
- Удмуртская Республика : Энциклопедия / гл. ред. В. В. Туганаев. — 2-е изд., испр. и доп. — Ижевск : Издательство «Удмуртия», 2008. — 768 с. — 2200 экз. — ISBN 978-5-7659-0486-2.
Чӧлсконъёс
- Музейно-выставочный комплекс стрелкового оружия им. М.Т. Калашникова [ӟуч] Музеи России. Эскеремын 2013-06-07 арын
