Калашников, Михаил Тимофеевич

Википедиысь материал

РАН экспертиза

Logo-ran.png
Экспертизаез ортчытӥз
Россиысь Тодосъёсъя Академия
Пыр-поч лыдӟе
Aprove.svg

Экспертиза РАН

Arrow-Right.png
Logo-ran.png
Экспертизаез ортытӥз
Россиысь Тодосъёсъя Академия
Поыр-поч лыдӟе
Learning.svg

Материалъёс басьтэмын Б.Н. Ельцин нимо библиотекаысь

Arrow-Right.png
Library.png
Та гожтосын Б.Н. Ельцин нимо Президент библиотекалэн фондысьтыз материалъёс кутэмын
Рос-прос учке
Михаил Тимофеевич Калашников
Kalashnikov Mikhail (1).jpg
СССР-ысь Вылӥ Кенешлэн депутатэз[d]
1950 — 1958
СССР-ысь Вылӥ Кенешлэн депутатэз[d]
1966 — 1989
Вордӥськемын 10-тӥ шуркынмонэ 1919({{padleft:1919|4|0}}-{{padleft:11|2|0}}-{{padleft:10|2|0}})[2][3][…]
Кулэмын 23-тӥ толсуре 2013({{padleft:2013|4|0}}-{{padleft:12|2|0}}-{{padleft:23|2|0}})[3][4] (94 года)
Атаез Тимофей Александрович Калашников
Анаез Александра Фроловна Калашникова[d]
Кузпалыз Екатерина Викторовна Калашникова[d]
Нылпиосыз куинь аслаз но одӥг сюрнылыз
Дышетскемез
Учёной степенез техника тодосъёсъя доктор[d] (1971)
Ужудысэз инженер-конструктор, тодосчи
Ужез ыбылӥськон ожтӥрлык[d]
Данъетъёсыз
Кунсьӧр данъетъёсыз:
Конфессиональной данъетъёсыз:'
Данъян грамотаосыз:
Военной службаез
Служить карон аръёсыз 1938—2013[1]
Кытысь луэмез СССРFlag of the Soviet Union.svg СССР→РоссияFlag of Russia.svg Россия
Кыӵе войскоосын вал СССР-ысь Ожтӥрлыко Кужымъёс → РФ Ожтӥрлыко Кужымъёс
Званиез
Генерал-лейтенант
генерал-лейтенант
Ожмаськонъёс Быдӟым Атыкай ож
Ужан интыез
Логотип РУВИКИ.Медиа Медиафайлъёс РувикиМедиа пушкын

Михаи́л Тимофе́евич Кала́шников (10-тӥ шуркынмонэ 1919[2][3][…], Курья[d], Алтай шаер — 23-тӥ толсуре 2013[3][4], Иж)[5][6] — совето но росси вакытысь пыӵал тӥрлык кылдытӥсь. Техника наукаосъя доктор (1971), генерал-лейтенант (1999), быдэс дуннелы тодмо луэм Калашников автоматэз (АК) кылдытӥсь.

Росси Федерацилэн Героез (2009), Социалистической Ужысь кык полэс Герой (1958, 1976), l степенё Сталин премилэн (1949), Ленин премилэн (1964) но Росси Федерациысь Кун премилэн (1997) лауреатъёсыз. Куинь Ленин орденъёслэн (1958, 1969, 1976) но Данлыко апостол Андрей Первозванныйлэн орденэзлэн (1998) кавалеръёсыз[7].

Россиысь Гожъяськисьёслэн но дизайнеръёслэн огазеяськонъёссылэн ёзчиез. СССР-ысь Вылӥ Кенешлэн 3—4 (1950—1958) но 7—11 (1966—1989) ӧтчамъёсысь депутат[7].

Пинал дырыз

Михаил Калашников вордӥськиз Алтай шаерын Курья гуртысь крестьян семьяын. Дас укмыс нылпиос пӧлысь со дас сизьыметӥез вал, пӧлысьтызы тямысэз гинэ улэп кылизы, тросэз пичиысен висьыса кулӥзы. 1930-тӥ арын атайзэс — Тимофей Александровичез, кулак радэ пыртса, семьяеныз валче Алтай улосысь Томск палъёсысь Нижняя Моховая гуртэ келязы. Миша пичи дырысеныз техникаен но пӧртэм механизмъёсын тунсыкъяськиз. Школаын физикаез, геометриез но литератураез яратылӥз. Сизьым классэз йылпумъяса, Алтай улосысь вордскем гуртаз — Курьяла бертӥз. Отын уже интыяськыны ӧз быгаты. Курьялан одӥг ар дышетскыса, выльысь Сибирьын улӥсь анаез но сюратаез доры кошкиз. Отын, справка басьтон понна, ужкагазъёсаз интыысь комендатуралэсь печатьсэ мыдланьтӥз (кулак пиналъёслы со вакытэ справка ӧз сётӥськылы)[8]. Мукет тодэтъёсъя, 1936-тӥ арын, М. Т. Калашников, паспорт басьтон понна, вордскем дырзэ воштӥз[9]. Кӧня ке толэзь ортчыса, выльысь Курьяла берытскиз, отын нырысьсэ пыӵалтӥрлыкен тодматскиз, ас киыныз Браунинг пистолетэз сэрттӥз. 18 арес тырмыса, Казах ССР-ысь Алма-Ата улосэ кошкиз, отын 1936 —1938-тӥ аръёсы Туркестано-Сибирь чугун сюреслэн 3-тӥ политотделаз Матай станциын технической секретарь луыса ужаз[7][10]. Токарьёсын, слесарьёсын, машинистъёсын эшъяськыса, техникаен тунсыкъяськонэз юнмаз.

Арми службаез

Сӥзьыл 1938-тӥ арын Калашниковез Горд Армие басьтӥзы. Киевской Особой военной округе шедиз. Младшой командиръёсты дышетон курсъёсты йылпумъямез бере, сое танке механик-водителе юнматӥзы. Службазэ 12-тӥ танковой дивизиын Стрый карын (Украиналэн шундыпуксён палаз) ортчиз.

Татын со быгатонлыкъёссэ шарае поттӥз — танк пушкаосысь ыбылонъя инерционной счётчик, танклэн башня висъёстӥз ТТ пистолетысь ыбылӥськонлэсь ӟечлыксэ умоятӥсь ёзъёс но танклэсь моторесурссэ чакланъя счётчик кылдытӥз. Танклэсь моторесурссэ чаклась прибор егит танкистлэн серийной производствое пуктэм ужъёсыз пӧлысь нырысетӥез вал. Озьы ке но, Быдӟым Атыкай ож кутскемен, сое радъяны ӧз кылды. Калашников сярысь Киевской Особой военной округысь армилэн генералэзлы Георгий Константинович Жуковлы ивортэм бере, генерал сое докладэн дораз ӧтиз но ӟеч ужез понна именной чассэ кузьмаз[11]. Кенешемзы бере[12] Калашниковез, опытной образецъёс кылдытон понна, Киевысь танковой технической училищее келязы, испытаниос йылпумъяськем бере, ӵошатон испытаниос ортчытон понна — Москвае, собере, быдэс сериен поттонэз радъян понна — Ленинградысь Ворошилов нимо заводэ .

Быдӟым Атыкай ож

Быдӟым Атыкай оже Калашников 1941-тӥ арын гудырикошкон толэзе старшой сержант званиен танклэн командирез луыса вуиз[12], коньывуон толэзе Брянск котырын ожмаськонын секыт сӧсырмыны шедиз[13]. Госпитальын эмъяськыкуз выль автомат тӥрлык кылдытон сярысь малпаськиз. Госпитальлэн библиотекаысьтыз ож сярысь книгаос лыдӟыса, аслэсьтыз но эшъёсызлэсь ожын кутӥськись ожтӥрлык сярысь веранъёссэс лыдэ басьтыса, чертежъёс дасяны кутскиз[14]. Та удысын Калашниковылы туж юрттӥзы Быдӟым Атыкай ож кутскытозь кудаз ке НИИ-ын ужам но стрелкой оружиез но солэсь историзэ ӟеч тодӥсь лейтенант-десантниклэн дэмланъёсыз[15].

Калашниковлэн нырысетӥ пистолет-пулемётэз

Тазалыксэ юнматон понна, старшой сержантэз толэзьем отпуске келязы. Матайын, депоын ужась ӧнерчиосын ӵош куинь толэзь куспын со пистолет-пулемётэзлэсь нырысетӥ опытной модельзэ кылдытӥз. Собере Калашниковез, Муско авиационной институтлэн дышетон мастерскойёсаз (ож вакытэ Казахстанлэн шоркараз эвакуировать каремын вал), образецез ӟечгес карон вылысь, Алма-Атае келязы. Берлогес Калашниковлэсь кылдытэм образецсэ Ф. Э. Дзержинский нимо военно-инженерной академилэн кивалтӥсезлы А. А. Благонравовлы  [ӟуч] (удм. — пыӵалтӥрлык поттон удысысь тодмо тодосчилы возьматӥзы.

Калашниковлэн кылдытэмез пумысен Благонравовлэн огъя малпанэз сокем ӟеч ӧй вал ке но, ужзэ аспӧртэмлыко шуиз но старшой сержант Калашниковлы дышетсконзэ азьланьтыны дэмлаз. Бӧрысьгес Калашниковлэн пистолет-пулемётэз РККА-лэн Артиллерияя валтӥсь управлениезлы возьматэмын вал. Отысь ӧнерчиос та ожтӥрлыклэсь шекъёссэ но ӟеч палъёссэ пусйизы. Озьы ке но, ожын кутыны ӧз лэзе. Пумкылъянын тазьы верамын:

Калашниковлэн пистолет-пулемётэз, ППШ-41 но ППС-эн ӵошатыса, дуногес усе, лэсьтонэзъя но шуггес луэ, ӝег фрезерной ужъъёсты но дефицитной ёзъёсты кулэ каре. Соин, ӟеч палъёссэ лыдэ басьтыса но (секталаезъя капчигес, кузьдалаезъя вакчигес, тылпоттонэз одӥген, переводчикез но предохранителез ӟеч валчеямын, компактной шомполэз но мукет), промышленностьын кулэяськонэз ӧвӧл.

1942-тӥ арысен Калашников РККА-ысь ГАУ-лэн Стрелковой но миномётной вооруженилэн центральной научно-исследовательской полигоназ ужаз. 1944-тӥ арын самозарядной карабинлэсь опытной образецсэ кылдытӥз. Серийной поттонэ басьтэмын ӧй вал ке но, солэн ог люкетэз автомат кылдытонлы инъет луиз.

Ож бере

1945-тӥ арысен Михаил Калашников В. С. Дейкин инженер-майорен, В. Ф. Лютый конструкторен, инженер-капитанэн валче Щуровской полигонын[16] 7,62×39 промежуточной патронъёслы, 1943-тӥ арысь образецъя автомат пыӵал лэсьтон борды басьтӥськиз. 1947-тӥ арын Калашниколэн автоматэз, ӵошатсконын вормыса, уже кутыны лэземын вал. Разработкаос мынон дыръя вуоно кузпалыныз тодматскиз — В. А. Дегтярёв нимо конструкторской бюроысь чертёжницаен, Екатерина Моисееваен[17].

1948-тӥ арын южтолэзе[18] артиллерилэн Валтӥсь маршалэзлэн Н. Н. Вороновлэн косэмезъя, Михаил Калашниковез Ижысь мотозаводэ ыстӥзы, «АК-47» автоматэн нырысетӥ опытной партиез лэсьтонэз радъян но технической документацизэ дасян понна. Уж вакчи дыр куспын быдэстэмын вал: Мотозаводын поттэм 1500 автомат[18], войсковой эскеронъёс пыр азинлыко потэмез бере, Совето Армие сётэмын вал. 1949-тӥ арын Калашников нырысетӥ степенё Сталин премиен но Горд Кизили орденэн пусъемын. Бӧрысь, 2009-тӥ арын, Калашников «Metro Москва» газетэ интервью сётыкуз, азинлыко ужез сярысь тазьы вераз[19]:

Солдат солдатлы пыӵал кылдытӥз. Мон ачим рядовой вал, соин ӟеч тодӥсько, кыӵе шуг-секытъёсын пумиськылоно луэ солдат… Конструкцизэ тупатыку, мон военной частьёсы вуылӥ, отысь ӧнерчиосын кенешылӥ. Соку ик солдатъёс ас малпанъёссэс вераллязы, маиз соослы кельше, нош маиз бордын ужаны, тупатыны кулэ на. Озьы кылдӥз огшоры, оскымон ӟеч пыӵал. АК пӧртэм условиосын ужа. Сюйын кылльыса, вуэ шедьылыса но ӝужытысь усьысано умой ыбылэ. Со туж огшоры автомат. Но пусйыны кулэ, огшоры луисьсэ котьку но секытгес лэсьтыны.

Полигонъёсы ӵем потаменыз но трос ыбылӥськонъёсын сэрен Михаил Калашниковлэн пельыз пумен лябомиз[17].

1971-тӥ арын исследовательско-конструкторской ужъёсыз но выль изобретениосыз понна Калашниковлы техника наукаосъя доктор учёной степень сётэмын[7]. Со 16 пӧртэм росси но кунсьӧр академиослэн академиксы луэ[20]. Изобретениослы 35 авторской свидетельствосыз вань. 1956-тӥ арын «техник-лейтенант» звание сётэмын, 10 ар ортчыса — технической службалэн майорез. 1967-тӥ арын запасысь подполковник, кык ар ортчыса — полковник[21]; 1994-тӥ арын — генерал-майор, 1999-тӥ арын, 80 арес тырмонэныз валче — генерал-лейтенант[22].

Берло аръёсыз

2012-тӥ арын Михаил Калашников, тазалыкез лябӟемен, ужысьтыз кошконо луиз. Толсуре Удмуртиысь клинико-диагностической центре тазалыксэ эскерыны келямын вал.

2013-тӥ арын гужемлэн кутсконаз конструкторлэн тазалыкез нош лябӟиз. Соку сое МЧС-лэн Ил-76 самолётэныз Москвае вуттӥзы. Татын оружейниклы тромбоэмболия лёгочной артерии  [ӟуч] (удм. диагноз пуктэмын вал[23].

Москваын йӧнатӥськемез бере, куарусёнэ Калашников Ижкаре берытскиз[24].

Россилэн Азьмуртэз Владимир Путин Михаил Тимофеевич Калашниковен люкиськон ужрадын.
27-тӥ толсуре 2013-тӥ арын

2013-тӥ арын 23-тӥ толсуре, 95 аресказ мыныкуз улонысь кошкиз[25]

Ижкар Михаил Тимофеевич Калашниковен люкиське.
26-тӥ толсуре 2013-тӥ арын

Быдэс дуннелы тодмо луэм оружейникен люкиськон ужрад 25-тӥ но 26-тӥ толсуре ортчиз, 26-тӥ толсуре Ижысь Свято-Михайловской соборын панихида радъямын вал[26]. Удмуртилэн тӧроезлэн Косэтэзъя 26-тӥ но 27-тӥ толсуре 2013-тӥ арын элькунын траур нунал ялэмын[27].

Михаил Калашников 2013-тӥ арын 27-тӥ толсуре Федеральной военной мемориальной шайысь Геройёслэн Пантеоназы ватэмын[28]. Быдӟым оружейникен люкиськыны Россилэн азьмуртэз Владимир Путин но мукет вылӥ ужоскето муртъёс вуылӥзы[29]. Москваын ортчытэм панихидае 60 сюрслэсь ятыр адями люкаськылӥз[30].

Семьяез

Владимир Путин Михаил Калашниковлэн нылыныз но пиеныз,
27-тӥ толсуре 2013-тӥ ар

М. Т. Калашниковлэн семьяез[31]:

  • Атаез — Тимофей Александрович Калашников (Калашник) (1883—1930) — крестьян, вордӥськиз Харьков губерниысь Ахтыр уездысь Славгородын (али Сумской улос). Анай-атаеныз Кубане кошкиз (Отрадное), татын кузпалъяськиз. 1912-тӥ арын семьяеныз Столыпинской аграрной реформая Алтае кошкиз.
  • Анаез — Александра Фроловна Калашникова (1884—1957) — вордӥськиз Орловской губерниын трос нылпиё бай крестьян семьяын.
  • Нырысетӥ кышноез — Екатерина Даниловна Астахова — вордӥськемын Алтай шаерын, Матай станциысь чугун сюрес депоын ужаз[32].
    • Пиез — Виктор (1942—2018) — 1956-тӥ арын, анаез кулэм бере, атаез доры Иже лыктӥз.
      • Внукъёсыз: Михаил но Александр.
  • Кыкетӥ кышноез — Екатерина Викторовна Калашникова (Моисеева) (1921—1977)[33] — ужудысэзъя техник-конструктор.
    • Сюрнылыз: Нелли (1942) — Екатерина Викторовналэн нылыз (нырысетӥ кузпалызлэсь).
      • Внукъёсыз: Александра но Евгения.
    • Нылыз: Елена (1948) — М. Т. Калашников нимо улоскуспо мер фондлэн тӧроез (2002-тӥ арысен).
      • Внукез: Игорь Красновский.
    • Нылыз: Наталья (1953—1983)[34].

Данъетъёсыз

Дмитрий Медведев Михаил Калашниковез 90 арес тырмонэныз ӟечкыла
Михаил Калашников — Данлыко Андрей Первозванныйлэн орденэзлэн кавалерез Россиысь почта марка, 2014-тӥ ар,  [ЦФА [АО «Марка» АО] № 1883]

М. Т. Калашниковлэн данъетъёсыз Ижысь пыӵалтӥрлыклэн музеяз

Званисыз

  • Кык полэс Социалистической Ужысь Герой (1958, 1976);
  • Росси Федерацилэн Героез (2009).

Орденъёсыз

  • 1949-тӥ арын — Горд Кизили орден;
  • 1957-тӥ арын — Горд Знамя орден;
  • 1958-тӥ, 1969-тӥ, 1976-тӥ аръёсы — Ленин нимо орденъёсын;
  • 1974-тӥ арын — Октябрь революция орден;
  • 1982-тӥ арын — Калык эшъяськон орден;
  • 1985-тӥ арын — Быдӟым Отечественной войнаысь I степенё орден;
  • 1994-тӥ арын — Атыкай музъемез утемез понна II степенё орден;
  • 1998-тӥ арын — Дунчылкыт Андрей Первозванный нимо орден;
  • 1999-тӥ арын — Данъян орден (Белоруссия);
  • 2003-тӥ арын — Достык орден (Казахстан);
  • 2004-тӥ арын — Ожын вормонъёс басьтэмез понна орден;
  • 2005-тӥ арын — Рубин кирос орден;
  • 2006-тӥ арын — Карабобо кизили орден (Венесуэла);
  • 2007-тӥ арын — Быдӟым князь Димтрий Донской нимо I степенё орден;
  • 2009-тӥ арын — Алтай улосын вормонъёс басьтэмез понна орден.

Медальёсыз

  • 2009-тӥ арын — «Зарни кизили» медаль;
  • 1958-тӥ, 1976-тӥ аръёсы — «Серп и молот» медаль;
  • "За победу над Германией в Великой Отечественной войне 1941—1945 гг. медаль;
  • «Двадцать лет победы в Великой Отечественной войне 1941—1945 гг.» медаль;
  • «За отличие в охране государственной границы СССР» медаль;
  • «Тридцать лет Победы в Великой Отечественной войне 1941—1945 гг.» медаль;
  • «30 лет Советской Армии и Флота» медаль;
  • «Сорок лет Победы в Великой Отечественной войне 1941—1945 гг.» медаль;
  • «50 лет Победы в Великой Отечественной войне 1941—1945 гг.» медаль;
  • «Жуков» медаль;
  • «40 лет Вооружённых Сил СССР» медаль;
  • «50 лет Вооружённых Сил СССР» медаль;
  • «60 лет Вооружённых Сил СССР» медаль;
  • «70 лет Вооружённых Сил СССР» медаль;
  • «В память 800-летия Москвы» медаль;
  • «Символ Науки» медаль;
  • В. Г. Шухов нимо зарни медаль.

Премиосыз

  • 1948-тӥ арын — Сталин нимо премия;
  • 1949-тӥ арын — Сталин нимо премия;
  • 1964-тӥ арын — Ленин нимо премия;
  • 1997-тӥ арын — Россия Федерациысь дизайн удысъя кун премия;
  • 2003-тӥ арын — Россия Федерацилэн Президентэзлэн дышетон удысъя премиез;
  • 2009-тӥ арын — А. В. Суовров нимо литературая премия.

Ижын Калашниковез буре ваён

2 манетъем азвесь коньдон.
2019-тӥ ар
Михаил Калашниковлэн 100 ар тырмонэзлы сӥзем почта марка (2019)
  • 2004-тӥ арын — Ижысь Михаил Калашниковлы сӥзем музейно-выставочной комплексын Михаил Калашниковлы улэп дыръяз синпелет пуктэмын (скульпторез Владимир Курочкин).
  • 2014-тӥ арын — 10-тӥ шуркынмонэ Ижысь «Калашников» концернлэн конструкторско-технологической центрезлэн юртаз Михаил Калашниковез буре ваён пул шуккемын, предприятилэн кивалтон юртаз — конструкторлэн бюстэз юнматэмын.
  • 2018-тӥ арын — Ижысь Михаил Калашниковлэн 40 арлэсь кема улэм юртаз барельефен буре ваён пул шуккемын[35].
  • 2014-тӥ арын 24-тӥ шуркынмонэ Калашниковлы сӥзем «Данлыко Андрей Первозванныйлэн орденэзлэн кавалеръёсыз» сериысь почта марка поттэмын.
  • 2019-тӥ арын 18-тӥ куарусёнэ, Михаил Калашниковлэн 100 ар тырмонэзлы сӥзьыса, почта блок поттэмын.
  • 2019-тӥ арын 5-тӥ куарусёнэ Росси Банк, «Россиысь тодмо муртъёс» сериысь «Пыӵалтӥрлык кылдытӥсь конструктор М. Т. Калашников, вордскем дырысеныз 100 ар тырмонлы сӥзьыса (10.11.1919)», 2 манетъем азвесь коньдон поттӥз[36].
  • Калашниковлэсь нимзэ нуллэ Россиысь тужгес бадӟымез пыӵалтӥрлык поттӥсь концерн «Калашников».
  • 1994-тӥ арын конструкторлэн нимыныз нимамын Ижысь проспект.
  • 1997-тӥ арын — Россиысь экономикая министерстволэн данъетэз — «Пыӵалтӥрлык кылдытӥсь М. Т. Калашников» пус юнматэмын.
  • 1999-тӥ арын — Научной но инженерной огазеяськон но Удмуртилэн Кивалтэтэз М. Т. Калашников нимо премия юнматӥз.
  • 2002-тӥ арын — Воткинскысь Кадет школалы М. Т. Калашниковлэн нимыз сётэмын.
  • 2002-тӥ арын — Ижысь Оружейной школаын Калашниковлы сӥзем премия кылдытэмын.
  • 2004-тӥ арын — Ижын Культурая кун ужъюрт — «М. Т. Калашниковлы сӥзем музей» усьтэмын.
  • 2012-тӥ арын — Ижысь техникая кун университетлы М. Т. Калашниковлэн нимыз сётэмын[37].
  • 2019-тӥ арын — тодмо конструктор сярысь «Калашников» биографической фильм пуктэмын. Солэн премьераез 2020-тӥ арын 20-тӥ тулыспалэ ортчиз[38].
  • 2025-тӥ арын Удмуртиын улӥсьёс аэропортлы Михаил Калашниковлэсь нимзэ сётон понна куара сётонэ пыриськизы[39].
  • Калашниковез буре ваён
  • Михаил Тимофеевич Калашниковлы Буре ваён пул

    Михаил Тимофеевич Калашниковлы Буре ваён пул

  • М. Калашниковлэн 100 ар тырмонэзлы сӥзем марка

    М. Калашниковлэн 100 ар тырмонэзлы сӥзем марка

  • М. Калашниковлы Москваысь синпелет

    М. Калашниковлы Москваысь синпелет

  • Ижкарын М. Калашниковлы сӥзем музее пырон азьыз

    Ижкарын М. Калашниковлы сӥзем музее пырон азьыз

  • М. Калашниковлэн 100 ар тырмонэзлы поттэм 2 манетъем коньдон

    М. Калашниковлэн 100 ар тырмонэзлы поттэм 2 манетъем коньдон

Библиография

  • Калашников М. Т. Записки конструктора-оружейника / Литературная запись М. М. Малыгина. — М.: Воениздат, 1992. — 304, [28] с. — (Военные мемуары). — 50 000 экз. — ISBN 5-203-01290-3.
  • Калашников М. Т. От чужого порога до Спасских ворот / авт. литератур. Записи Немченко Г. Л.; общ. ред. Неделин А. В.. — М.: Военный парад, 1997. — 496 с.
  • Калашников М. Т. Я с Вами шёл одной дорогой: Мемуары / ред. совет: И. Красновский [и др.]. — М.: Дом «Вся Россия», 1999. — 239 с.
  • Калашников М. Т. От чужого порога до Спасских ворот. — М.: Современник, 1999. — 366 с. — ISBN 5-270-01290-1.
  • Калашников М. Т., Калашникова Е. М. Калашников: траектория судьбы. — М.: Дом «Вся Россия», 2004, 2007. — С. 639.
  • Калашников М. Т. В вихре моей жизни. — 2008.
  • Калашников М. Т. Всё нужное — просто. — Ижевск: Некоммерческая организация «Ассоциация "Лига содействия оборонным предприятиям"», 2009. — [16] л. цв. ил., портр. 304 с. — ISBN 978-5-904540-01-2.
  • Ужанов А. Е. Михаил Калашников. — М.: Молодая гвардия, 2009. — Т. 1. — ISBN 978-5-235-03293-4.
  • Калашников М. Т. Более полувека на Ижмаше [ӟуч] // Военный парад : журнал. — 2002. — Май—июнь (т. 51, № 03). — С. 36—38. — ISSN 1029-4678.
  • Калашников М. Т. Всё нужное — просто. — СПб.: Logos, 2010. — Т. [лит. обраб. текста Н. М. Карапетян, Т. Л. Усовой под ред. А. М. Евдокимова]. — 3-е изд. — ил., портр. (В пер.) 348 с. — ISBN 978-5-87288-394-4.
  • Михаил Калашников, Елена Калашникова. Траектория судьбы. — М.: АСТ, 2015. — 591 с. — (Интеллектуальные биографии). — 3000 экз. — ISBN 978-5-17-091593-4.
  • Ужанов А. Е. Калашников. — М.: Молодая гвардия, 2017. — Т. 2. — ISBN 978-5-235-03988-9.

Валэктонъёс

  1. ↑ запасын но отставкаын службазэ лыдъяса
  2. ↑ 1 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #122238516 // Gemeinsame Normdatei (нем.) — 2012—2016.
  3. ↑ 1 2 3 4 Bibliothèque nationale de France Autorités BnF (фр.): Усьтэм даннойёслэн платформазы — 2011.
  4. ↑ 1 2 Mikhail Timofeyevich Kalashnikov // Find a Grave (англ.) — 1996.
  5. ↑ Калашников : [арх. 26 южтолэзе 2020] / С. Б. Оганджанян // Большая российская энциклопедия [Электронный ресурс]. — 2015.
  6. ↑ Скончался оружейник Михаил Калашников [ӟуч] ТАСС. Эскеремын 18.09.2025 арын
  7. ↑ 1 2 3 4 Кто есть кто в Удмуртии / Гл. ред. Тонкова А.. — 3-е издание, переработанное и дополненное. — Ижевск: Регион-пресс, 2006. — С. 151. — 448 с. — 10 000 экз. — ISBN 5-93595-0042.
  8. ↑ Н. Ф. Иванов Михаил Калашников: «Я обманул Советскую власть, чтобы потом всю жизнь служить ей» [ӟуч] Российский писатель. Эскеремын 18.09.2025 арын
  9. ↑ Биография Михаила Калашникова [ӟуч] РИА Новости (2019-11-10). Эскеремын 18.09.2025 арын
  10. ↑ Горяинов и др., 2004, с. 14.
  11. ↑ Горяинов и др., 2004, с. 22.
  12. ↑ 1 2 Кашуба Г. С благословения Георгия Жуков [ӟуч] Красная звезда.
  13. ↑ Горяинов и др., 2004, с. 26.
  14. ↑ Фёдоров В. Г. Эволюция стрелкового оружия. — М.: Государственное военное издательство Наркомата обороны Союза ССР, 1938. — 317 с. Архивировано 30 инвожое 2009 года.
  15. ↑ Булдакова А. А. Жизнь и творчество конструктора [ӟуч] (pdf) Издательство «Славица».
  16. ↑ Алексей Коробейников Автомат Калашникова – символ Удмуртии [ӟуч] Геральдика Удмуртии. Эскеремын 18.09.2025 арын
  17. ↑ 1 2 Расим Полоскин Калашников [ӟуч] Первый канал. — документальный фильм.
  18. ↑ 1 2 История автомата Калашникова (АК-47) [ӟуч] АО «Ижевский мотозавод «Аксион-холдинг». Эскеремын 18.09.2025 арын
  19. ↑ Бобрович А. Михаил Калашников: „Стреляет не оружие. Стреляет человек“ // Metro Москва. — 2013. — 24 толсуре (№ 162). — С. 4. Архивировано 25 толсуре 2013 арын.
  20. ↑ Александров Г. Михаил Калашников: «Всё нужное — просто» [ӟуч] Аргументы и факты. Эскеремын 18.09.2025 арын
  21. ↑ Биография Михаила Калашникова [ӟуч] rg.ru. Эскеремын 17.09.2025 арын
  22. ↑ 80-лет Михаилу Тимофеевичу Калашникову [ӟуч] sinopa.ee. Эскеремын 17.09.2025 арын
  23. ↑ За Калашниковым прислали летающий госпиталь [ӟуч] utro.ru. Эскеремын 17.09.2025 арын
  24. ↑ Михаил Калашников вернулся в Ижевск после реабилитации в Подмосковье [ӟуч] Комсомольская правда. Эскеремын 17.09.2025 арын
  25. ↑ Михаила Калашникова похоронят в Ижевске [ӟуч] РБК (23 декабря 2013). Эскеремын 17.09.2025 арын
  26. ↑ Новости, 25.12.2013 [ӟуч] ТВ Звезда. Эскеремын 17.09.2025 арын
  27. ↑ В Удмуртии объявлен траур в связи с кончиной Калашникова [ӟуч] interfax. Эскеремын 17.09.2025 арын
  28. ↑ Похороны Михаила Калашникова пройдут в Москве 27 декабря [ӟуч] itar-tass. Эскеремын 17.09.2025 арын
  29. ↑ Калашникова похоронили с генеральскими почестями [ӟуч] news.mail. Эскеремын 18.09.2025 арын
  30. ↑ Как уходил Калашников [ӟуч] Udm-info. Эскеремын 18.09.2025 арын
  31. ↑ Калашников Михаил Тимофеевич [ӟуч] Официальный сайт Ижевска. Эскеремын 17.09.2025 арын
  32. ↑ Ошибка вызова Шаблон:cite web: Параметры url и title должны присутствовать ТАСС. Эскеремын 18.09.2025 арын
  33. ↑ Биография Михаила Калашникова [ӟуч] РИА Новости. Эскеремын 17.09.2025 арын
  34. ↑ Биография [ӟуч] Музей Калашникова. Эскеремын 18.09.2025 арын
  35. ↑ В Ижевске на доме Михаила Калашникова установили мемориальную доску [ӟуч] Комсомольская правда. Эскеремын 17.09.2025 арын
  36. ↑ Банк России выпускает в обращение памятные монеты из драгоценного и недрагоценного металлов [ӟуч] Банк России. Эскеремын 17.09.2025 арын
  37. ↑ Теперь ИжГТУ носит имя М. Т. Калашникова [ӟуч] Пресс-центр ИжГТУ (21.02.2012). Эскеремын 17.09.2025 арын
  38. ↑ Фильм о Михаиле Калашникове выйдет в прокат 20 февраля [ӟуч] ТАСС. Эскеремын 17.09.2025 арын
  39. ↑ Аэропорт Ижевска назовут в честь Михаила Калашникова, РБК. Эскеремын: 17 куарусёнэ 2025 арын.

Литература

  • Жуков В. Н. Второе рождение: Повесть о конструкторе-оружейнике М. Т. Калашникове. — М.: Воениздат, 1963. — 136 с. — (Герои-современники). — 30 000 экз.
  • Сост. Н. А. Красновская; фото А. С. Хисамутдинова. Михаил Калашников, великий русский оружейник: Фотоальбом. — Москва: Олма-пресс. Издательская программа Правительства Москвы, 2005. — 399 с. — ISBN 5-224-05163-0.
  • Гуманитарное образование и наука в техническом вузе: 100-летию со дня рождения М. Т. Калашникова посвящается: Сборник докладов Всероссийской научно-практической конференции с международным участием / В. А. Баранов. — Ижевск: Издательство ИжГТУ имени М. Т. Калашникова, 2018. — 913 с. — ISBN 978-5-7526-0781-3.
  • Калашников — это мир! / под ред. А. П. Горяинова и др. — Ижевск: Регион-пресс, 2004. — 152 с. — 5000 экз. — ISBN 5-93595-0033.

Чӧлсконъёс

«https://udm.ruwiki.ru/w/index.php?title=Калашников,_Михаил_Тимофеевич&oldid=507169»-ысь басьтэмын