Насибуллин, Игорь Леонидович
| Игорь Леонидович Насибуллин | |
|---|---|
| Игорь Леонидович Насибуллин | |
 | |
| Вордӥськем дырыз | 14-тӥ пӧсьтолэзе 1995 |
| Вордӥськем интыез | Курск улос, Россия |
| Кулэм дырыз | 29-тӥ южтолэзе 2022 (26 арес) |
| Кулэм интыез | Украина |
| Кунмуртлыкез |
 Россия |
| Ожмаськонъёс/ожъёс | Украинаысь военной действиос (2022-тӥ арысен) |
| Данъетъёсыз |
 |
Игорь Леонидович Насибуллин[1] (1995-тӥ арын 14-тӥ пӧсьтолэзе, Курск улос, Россия — 2022-тӥ арын 29-тӥ южтолэзе, Украина[2]) — офицер-танкист. Росси Федерацилэн Героез[3].
Улон сюресэз
Игорь Насибуллин вордӥськиз 14-тӥ пӧсьтолэзе 1995-тӥ арын Курск улосын военнойлэн семьяяз. Атаез, Леонид Гыльмиярович — запасысь майор, солэн пиосыз, Игорь но Александр, атайзы сямен ик, военнойлэсь ужудыссэ бырйизы[4]. Выжыезъя удмурт[5].
Берлогес Насибуллинъёслэн семьязы Башкириысь Янаул ёросэ улыны выжиз[6]. Дышетскиз Вуж Варяш шоръёзо школаын. Пинал дырысеныз офицер луыны малпаз[7].
Школа бере Кемеровоысь радиоэлектроникая кадет корпусын дышетскиз, собере Кузонысь Краснознамённой Вылӥ танковой командной училищеез йылпумъяз. Службазэ ортчиз Белгород улосын мотострелковой дивизилэн танковой полказ.
2022-тӥ арысен Украинаысь военной действиосы пыриськиз. Росси Федерациысь Обороная министерстволэн ивортэмезъя, противотанковой управляемой ракета шонерак Насибуллинлэн танкез шоры вуиз. Оператор-наводчиксэ ӝуась танкысь поттыкуз, Насибуллин ачиз бырыны шедиз. Шундыпуксёнпал военной округысь войскоосын командовать карись Игорь Насибуллинэз Росси Федерацилэн Героез дано нимын пусйиз (кулэмез бере)[8].
Ас улонэз
Игорь Насибуллин семья кылдытыны ӧз вуы. 2022-тӥ арын гужем Нинаен кузпалъяськыны малпало вал[9].
Буре ваён
Башкортостанысь Вуж Варяш черкогуртын Россиысь Геройлы Игорь Насибуллинлы но Быдӟым Атыкай ожын но мукет локальной ожъёсын быремъёслы сӥзем сквер кылдытэмын[10].
Игорьлэн дышетскем школаяз 2022-тӥ арын 1-тӥ куарусёнэ Россиысь Героез буре ваён пул шуккемын. Улослэн тӧроез Радий Хабиров Игорьлэн дышетскем классаз Геройлэсь именной партазэ кылдытыны косӥз[7].
Интыысь депутат кенешлэн решениезъя, Вуж Варяш гуртысь Парковой урамлы Игорь Насибуллинлэн нимыз сётэмын[7].
2023-тӥ арын куартолэзе «Ротный Насибуллин» фильмлэн презентациез ортчиз. Фильм кылдытэмын «Герои» документальной проект улсын БСТ каналысь творческой группаен[11].
2023-тӥ арын Янаул карын Ожгар но ужан данлыклы сӥзем монумент вӧзы Игорбь Насибуллинлэн узвесь бюстэз интыямын. Синпелетэз сӥё-дано усьтон ужрад ортчиз Геройлэн вордӥськем нуналаз — 14-тӥ пӧсьтолэзе[12].
2024-тӥ арын 3-тӥ толшоре Вуж Варяш черкогуртын Россилэн Героезлы Игорь Насибуллинлы сӥзем волейболэн шудонъя турнир ортчиз[13]. Озьы ик Янаул ёросын ортчыло бырем офицерез буре ваёнлы сӥзем адӟытонъёс но мукет ужрадъёс[14][15].
2024-тӥ арын «Росси Федерацилэн Геройёсыз. Специальной военной операцие пыриськемъёс» сериысь гвардилэн старшой лейтенантэзлы Игорь Насибуллинлы сӥзем почта марка поттэмын[16].
Данъетъёсыз
- Росси Федерацилэн героез
- Генерал Шаймуратовлэн орденэз[7]
Валэктонъёс
- ↑ Вытаскивал товарища из горящего танка: офицеру из Башкирии посмертно присвоено звание Героя России. Рассказываем о подвиге [ӟуч]
- ↑ Уроженец Курской области посмертно удостоен звания Героя России [ӟуч]
- ↑ Офицер из Башкирии Игорь Насибуллин посмертно удостоен звания Героя России [ӟуч]
- ↑ Офицер Игорь Насибуллин из Янаульского района Башкирии погиб на Украине [ӟуч]
- ↑ Раушания Гарифуллина Радий Хабиров: «Ребята, которые сегодня воюют там, на Донбассе, учили разные языки» Янаульские зори.
- ↑ В селе Старый Варяш Янаульского района Башкирии решено назвать улицу именем Героя России Игоря Насибуллина [ӟуч]
- ↑ 1 2 3 4 В селе Старый Варяш Янаульского района появится улица Героя России Игоря Насибуллина Официальный сайт Главы Республики Башкортостан.
- ↑ Офицер из Башкирии Игорь Насибуллин стал Героем России. Что известно о его подвиге.
- ↑ Руслан Мамонов Офицер из Башкирии Игорь Насибуллин стал Героем России. Что известно о его подвиге Комсомольская правда-Уфа.
- ↑ Миляуша Булатова Писпуос будозы шаермес утисьёсты данъяса [удм.] Ошмес.
- ↑ Гульдария Юсупова Журналисты Башкирского спутникового телевидения сняли документальный фильм «Ротный Насибуллин» Россиысь журналистъёслэн огазеяськонзы.
- ↑ В Башкирии открыли бюст Герою России Игорю Насибуллину ИА "Башинформ".
- ↑ Оля Нигаматуллина В Янаульском районе прошёл турнир по волейболу памяти Героя России Ошмес.
- ↑ Оля Нигаматуллина Адӟытон дано улосчиосынымы тодматэ [удм.] Ошмес.
- ↑ Оля Нигаматуллина Школаысь музее кык удмурт Геройёслы сӥзем стенд усьтӥзы [удм.] Ошмес.
- ↑ Вероника Никитина В почтовое обращение вышла марка, посвящённая участнику СВО из Башкирии [ӟуч] АИ "Башинформ".
| Быдӟым Атыкай оже пыриськем муртъёс | |
|---|---|
| Уйпал Кавказысь боевой операциосы пыриськем муртъёс | |
| СВО-е пыриськем муртъёс | |
