Кравцов, Станислав Эдуардович
| Станислав Эдуардович Кравцов | |
|---|---|
 | |
| Вордӥськем дырыз | 2-тӥ куартолэзе 1970 |
| Вордӥськем интыез | Таганрог, РСФСР, СССР |
| Кулэм дырыз | 8-тӥ гудырикошконэ 1996 (26 арес) |
| Кулэм интыез | Грозный, Россия |
| Кунмуртлыкез |
 Россия |
| Званиез | капитан |
| Ожмаськонъёс/ожъёс | Нырысетӥ Чечен ож |
Станислав Эдуардович Кравцов (1970 — 1996) — Уйпал Кавказ ожгар округысь 58-тӥ армилэн 205-тӥ нимаз мотострелковой бригадаысьтыз разведчикъёслэн нимаз батальонзылэн командирез, капитан, Россиысь Герой (кулэмез бере).
Улон сюресэз
Вордӥськиз 1970-тӥ арын 2-тӥ куартолэзе Ростов улосысь Таганрог карын ӟуч семьяын. 1987-тӥ арын Таганрогысь 9 номеро шор ёзо школаез быдтӥз, собере дышетскыны пыриз Алма-Атаысь вылӥ командной училищее, сое 1991-тӥ арын зарни медален йылпумъяз. Училище бере служить кариз Германиын, Войскоослэн шундыпуксён группаязы, 1992-тӥ арысен — Урал ожгар округын, Пермь шаерысь Чайковский ёросысь Марковский посёлокын мотострелковой взводлэн но разведка роталэн командирез луыса. 1994-тӥ арысен — Уйпал Кавказ ожгар округын взводлэн командирез, собере роталэн командирез луыса, нош бӧрысь нимаз разведывательной батальонлэн штабеныз кивалтыны юнматэмын вал[1].
1995-тӥ арын южтолэзьысен разведка батальонлэн командирез чотын Нырысетӥ Чечен оже пыриськиз, кык пол сӧсырмылӥз[1].
1996-тӥ арын 7-тӥ гудырикошконэ капитан С. Е. Кравцов приказ басьтӥз Грознойлэн шораз пырыны но Правительстволэн юртаз котыртэм частьёсты мозмытыны. Отчы мыныкуз, батальон засадае шедиз, но Кравцов ожгарчиосыныз атакаез палэнтыны но асьмелэнъёс доры потыны быгатӥз. Ӵуказеяз, 8-тӥ гудырикошконэ, батальон солэн кивалтэмез улсын нош ик Грознойлэн шораз пырыны турттэ вал, но нош ик засадае сюриз. Секыт сӧсырмыса, Кравцов кивалтонзэ азьланьтӥз. Тыл улысь сое ожгарчиосыз поттӥзы, но росси ожгар базае мынон сюрес вылысен егит командир кулӥз. Ватэмын Таганрогын[1].
.jpg)
Росси Федерациысь азьмуртлэн 1996-тӥ арын 6-тӥ толсуре поттэм («ворсам») косэтэзъя Станислав Эдуардович Кравцовлы Росси Федерациысь Герой ним сётэмын (кулэмез бере).
Данъетъёсыз
- Росси Федерациысь Герой
- Мужество орден (30.01.1996)
- «За отвагу» медаль
Буре ваён
- Пермь шаерысь Марковский посёлокын 2015-тӥ арысен Геройлэн бюстэз сылэ.
- Солэсь нимзэ нуллэ Таганрогысь одӥгез урам.
- Таганрогысь 9 номеро школа борды Геройлы сӥзем буре ваён пул ошемын.
Валэктонъёс
- ↑ 1 2 3 Кравцов Станислав Эдуардович Герои страны
Чӧлсконъёс
- Герои страны
- «Ты этим ножом головы не резал?» Майор Вячеслав Измайлов о чеченском конфликте, боевиках и заложниках
| Быдӟым Атыкай оже пыриськем муртъёс | |
|---|---|
| Уйпал Кавказысь боевой операциосы пыриськем муртъёс | |
| СВО-е пыриськем муртъёс | |
