Ефимов, Александр Александрович
| Александр Александрович Ефимов | |
|---|---|
 | |
| Вордӥськем дырыз | 25-тӥ шуркынмонэ 1994 |
| Вордӥськем интыез | Можга, Удмуртская Республика, Российская Федерация |
| Кулэм дырыз | 25-тӥ южтолэзе 2022 (27 арес) |
| Кулэм интыез | Харьков улос |
| Кунмуртлыкез |
 Россия |
| Служить карон аръёсыз | 2013 —2022 |
| Званиез | гвардиысь старшой лейтенант |
| Интыужез | роталэн командирезлэн воштӥсез |
| Данъетъёсыз |
   |
Александр Александрович Ефимов (1994-2022) — Россиысь ожгарчи, разведкая батальонысь роталэн командирезлэн воштӥсез, гвардиысь старшой лейтенант. Россия Федерациысь Герой (2022, кулэмез бере).
Улон сюресэз
Вордӥськиз 1994-тӥ арын 25-тӥ шуркынмонэ Удмурт Элькунысь Можга карын. Можгаысь 8 номеро гимназиын 8 классэз йылпумъяз, собере 1 номеро школае выжиз. 2013-тӥ арын пыриз Новосибирскысь вылӥ ожгар командной училищее, сое 2018-тӥ арын йылпумъяз[1][2].
2022-тӥ арын 24-тӥ тулыспалысен разведкая батальонысь роталэн командирезлэн воштӥсез луыса, Россилэн Украина пумысен политикаеныз герӟаськем ужрадъёсы пыриськиз. Россиысь обороная министерстволэн ивортэмезъя, 25-тӥ южтолэзе Харьков улосын тушмонэн ожмаськон дыръя Александр Ефимов гранаталэн пырыосыныз секыт сӧсыртэмын вал. Сое поттыкузы подчинённойёсыз бырыны быгатозы шуыса, со соослы котыртэмысь потыны приказ сётӥз, нош ачиз берпум патронозь тушмонъёсты ыбылӥз, бӧрысь гранатаен пуштытӥз ассэ но со доры матэктӥсь бандеровецъёсты[2][3].
Россия Федерацилэн азьмуртэзлэн («ворсам») косэтэзъя гвардиысь старшой лейтенант Александр Александрович Ефимов ассэ сэзь но геройлыко возьматэмез понна Россилэн Героез вылӥ нимын пусъемын (кулэмез бере). 2022-тӥ арын 24-тӥ шуркынмонэ Новосибирскын Россиысь Геройлэсь «Зарни Кизили» медальзэ Александр Ефимовлэн семьяезлы сётӥзы[2].
Семья
Александр Ефимов кышнояськемын вал, солэн пиез кылиз[2].
Буре ваён
2022-тӥ арын шуркынмонэ Можгалась 8 номеро гимназилы Александр Ефимовлэсь нимзэ сётон но школа юрт борды солы сӥзем буре ваён пул шуккон сярысь пумкылъян кутэмын вал[4]. Сиё-дано ужрад 9-тӥ толсуре, Геройёслэн нуналазы, ортчиз[5]. Озьы ик вордскем городаз А. Ефимовлэсь бюстсэ пуктӥзы[3].
Эшшо огез бюстэз сылэ Новосибирскысь Геройёслэн аллеяязы[3].
Со сяна, А. Ефимовлы сӥзем буре ваён пул шуккемын Ленинград улосысь Каменка посёлокын, отын А. Ефимов аслаз семьяеныз Выборгын службазэ ортчон вакытаз улӥз[3].
Валэктонъёс
- ↑ Уроженцу Удмуртии Александру Ефимову присвоили звание Героя России
- ↑ 1 2 3 4 Ещё один выпускник НВВКУ стал посмертно Героем России Родные берега.
- ↑ 1 2 3 4 В честь Александра Ефимова установили бюст Героя России Телесеть Можга
- ↑ Татьяна Иванцова Гимназии № 8 города Можги присвоят имя Героя России Александра Ефимова Удмуртская правда.
- ↑ Гимназии №8 города Можги присвоено имя Героя России, гвардии старшего лейтенанта Александра Ефимова Удмурт Элькунысь Кун Кенеш
| Быдӟым Атыкай оже пыриськем муртъёс | |
|---|---|
| Уйпал Кавказысь боевой операциосы пыриськем муртъёс | |
| СВО-е пыриськем муртъёс | |
