Чуркин, Михаил Ксенофонтович

Рувикиын таӵе фамилиен мукет муртъёс сярысь гожтосъёс вань. Учке: Чуркин.

Михаил Ксенофонтович Чуркин
Вордӥськем дырыз	27-тӥ гудырикошконэ 1972(1972-08-27) (54 арес)
Вордӥськем интыез	Глаз, Удмурт АССР, РСФСР, СССР
Кулэм дырыз	22-тӥ тулыспалэ 2000({{padleft:2000|4|0}}-{{padleft:2|2|0}}-{{padleft:22|2|0}}) (27 лет)
Кулэм интыез	Аргун гурезьёс вискын[d], Чечня, Россия
Кунмуртлыкез	Россия Россия
Кыӵе войскоез	морская пехота[d]
Служить карон аръёсыз	1989-тӥ — 2000-тӥ аръёсы
Званиез	капитан
Частез	специальной назначениен 12-тӥ отдельной бригада
Командовать кариз	разведгруппаен
Ожмаськонъёс/ожъёс	кыкетӥ чечен ож
Данъетъёсыз

Михаил Ксенофонтович Чуркин (мукет тодэтъёсъя Константинович) (ворд. 1972-тӥ арын 27-тӥ гудырикошконэ Глазкарын ― 2000-тӥ арын 22-тӥ тулыспалэ Чечняын Аргун гурезьёс вискын) ― специальной назначениен 12-тӥ отдельной бригадалэн разведгруппаезлэн командирез. Удмуртиысь Росси Федерацилэн Героез (кулэмез бере).

Улон сюресэз

Вордӥськиз 1972-тӥ арын 27-тӥ гудырикошконэ Удмурт АССР-ын Глазкарын. Отысь 4-тӥ номеро школаын дышетскиз, «Патриот» спортклубын шундыӝужанпал нюръяськонъёсын выриз.

1989-тӥ арысен Росси Федерацилэн Ожтӥрлыко кужымъёсаз служить кариз. 1993-тӥ арын Омскысь вылӥ общевойсковой командной училищеез йылпумъяз. Дышетскемез бере службазэ зарезь пехотаын азьланьтӥз. Собере Свердловск улосысь Асбест каре Росси Федерацилэн Ожтӥрлыко Кужымъёсызлэн Генеральной Штабезлэн Разведкая Валтӥсь управленилэн специальной назначениен 12-тӥ отдельной бригадаяз выжтӥзы.

1999-тӥ арын шуркынмонысен аслаз подразделениезлэн командирез чотын Чечен Элькунын мынӥсь боевой действиосы пыриськиз. 2000-тӥ арын 22-тӥ тулыспалэ Чуркинлэн разведгруппаез азе ужпум пуктӥзы: Аргун изкыремез (ущелье) быдэсак эскерыса потоно, сьӧразы мынӥсь мотострелковой подразделение ыштонъёстэк ортчыны мед быгатоз шуыса. Но нырысетӥез разведгруппа засадае шедиз. Чуркин сӧсырмиз. Ожгарчиоссэ потыны, сӧсырмемъёсты изкыремысь поттыны косӥз, нош ачиз боевикъёслэсь сюрессэс пытсаны кылиз. Чуркинэн ӵош ожмаськонзэ ас мылкыдызъя азьланьтӥз снайпер-разведчик Дмитрий Шектаев. Лыдзыя чечен боевикъёс трослы уногес вал. Чуркин но Шектаев тушмонэз ӝегатыны быгатӥзы, кӧнязэ ке быдтӥзы, но асьсэос кыксы ик бырыны шедизы: Шектаев пуштэм гранаталэсь, Чуркин — паховой артериез пасяськыса.

Михаил Чуркин ватэмын Глазкарын.

Данъетъёсыз

Росси Федерацилэн Президентэзлэн 2000-тӥ арын 26-тӥ пӧсьтолэзе гожтэм Косэтэзъя Михаил Чуркинлы кулэмез бере Росси Федерацилэн Героез дано ним сётэмын. Михаил Чуркинлэсь «Зарни Кизили» медальзэ кышноезлы но пиезлы 2000-тӥ арын 30-тӥ шуркынмонэ Асбестын сётӥзы.

Семья

Михаил Чуркин кышнояськемын вал. Кузпалыз — Юлия, вордскиз Гриша пизы.

Буре ваён

• М. Чуркинлэн но Д. Шектаевлэн ӵош служить карем эшъёссы ас киын корт обелиск лэсьтӥзы но пуктӥзы сое Аргун изкыреме — Геройёслэн бырем интыязы.
• Геройлэн нимыз Глазкарысь одӥгезлы ульчалы сётэмын.
• Глазкарысь «Аллея славы» Мемориал комплексын но Свердловск улосысь Асбест карын специальной назначениен 12-тӥ отдельной бригадалэн интывылаз Михаил Чуркинлэн бюстэз пуктэмын.
• Глазкарын вордӥськем но боевой действиосы но локальной вачевуонъёсы пыриськемъёслы сӥзем мемориалын буре ваён пул юнматэмын.
• Ижкарысь 73-тӥ номеро школалэн Совето Союзлэн но Росси Федерацилэн Геройёсызлы сӥзем музейын Михаил Чуркинллы сӥзем бам но 11-тӥ номеро нылпи садын экспозиция кылдытэмын.
• Глазкарысь 4 номеро школаын Геройлы сӥзем стенд пуктэмын, школа борды буре ваён пул юнматэмын.

Валэктонъёс