Чухванцев, Валерий Николаевич

Рувикиын таӵе фамилиен мукет муртъёс сярысь гожтосъёс вань. Учке: Чухванцев.

Валерий Николаевич Чухванцев
Вордӥськем дырыз	11-тӥ шуркынмонэ 1961(1961-11-11) (64 арес)
Вордӥськем интыез	Ижевск, Удмурт АССР, РСФСР, СССР
Кунмуртлыкез	Россия Россия
Кыӵе войскоез	Росси Федерацилэн Ожгар-омыр кужымъёсыз
Служить карон аръёсыз	1981—?.
Званиез	подполковник
Ожмаськонъёс/ожъёс	СССР-ын калыккуспо вачевуонъёс, Суданын миротворческой операция, Нырысетӥ чечен ож, Кыкетӥ чечен ож
Данъетъёсыз

Валерий Николаевич Чухванцев (ворд. 11-тӥ шуркынмонэ 1961, Ижевск) — совето но росси военной лётчик, Россилэн Героез (2008), подполковник, 1-тӥ классъем военной лётчик.

Улон сюресэз

Вордӥськиз 1961-тӥ арын 11-тӥ шуркынмонэ Ижкарын Удмурт АССР-ын. Шоръёзо школаез йылпумъямез бере  — 1981-тӥ арысен — СССР-лэн Ожтӥрлыко Кужымъёсаз. 1983-тӥ арын Саратовысь лётчикъёсты дасянъя вылӥ военной авиационной училищез йылпумъяз. Пӧртэм авиационной вертолётной частьёсын служить кариз. СССР-лэн азьвыл интывылаз калыккуспо ожтӥрлыко вачевуонъёсты быдтонэ пыриськиз: Суданын ООН-лэн калыккуспо миротворческой операцияз (Суданын ООН-лэн Миссиезлэн Росси авиационной группалэн 1 ротациез) 2006-тӥ арын куартолэзьысен — толсурозь; Нырысетӥ но кыкетӥ чечен ожъёсы. Кема дыр ӵоже службазэ нуиз Уйпал-Кавказ военной округысь ВВС но ПВО-лэн 4-тӥ армиезлэн отдельной вертолётной полкезлэн 55-тӥ но 4-тӥ армиосаз (Краснодар шаерысь Кореновск кар), майор званиен вертолётной эскадрильялэн командирезлэн воштӥсез луыса. Полкысь боевой лётчикъёс пӧлысь одӥгез тужгес опытноез. 2008-тӥ арозь ог 2 000 пол боевой лобанъёсы потаз: ожгарчиосты нуон-ваён но десантировать карон, ож лудысь сӧсырмемъёсты эвакуировать карон, музъем вылын ожмаськись подразделениосы ожтӥрлык но боеприпасъёс вуттон. В. Чухванцевлэн огъя лобан дырыз 3 600 часлэсь ятыр люкаськиз.

Подвигез

2008-тӥ арын 17-тӥ куартолэзе вертолётной эскадрильялэн командирезлэн воштӥсезлы Валерий Чухванцевлы Чечен Элькунысь боевикъёсын котыртэм Урус-Мартановской ёросысь войсковой спецназ группаысь сӧсыр ожгарчиосты эвакуировать карыны приказ сётэмын вал. Вертолётэн пуксьыны луонтэм интыын лётчик омырын ошиськон режимен возькыны решение кутӥз. Куинь секыт сӧсырмем ожгарчиосты машинае ӝутытозь, секыт Ми-8 группалэн позициез вадьсын омырын сылӥз. Со вакыт боевикъёс дугдылытэк ыбылӥзы. Чухванцевлэн вертолётэз ог дасо интыетӥ пасяськиз, редукторной отсекез, бурпал двигателез, экипажлэн кабинаез но грузовой кабинаез сӧриськиз. Вертолёт пушласянь ӝуаны кутскиз.

Кыксэ сӧсырмем ожгарчиез ӝутыса, куинетӥзэ кабинае пыртыны вуытэк, лётчик одӥг ужась двигателен ӝуась машиназэ омыре ӝутыны быгатӥз, 8 иськем пала гурезьёс вадьсытӥ лобыса, Тандо черкогурт котырысь асьме воинской часте вуиз . Со дыр ӵоже трос вылын лобем сӧсыр ожгарчиез но мукетъёссэ кабинаысь поттыса, экипажен ӵош ӝуась вертолётэз кысӥзы. Огдырлы тужгес зол сӧриськемъёссэ тупатъяса, машиназэ аслаз аэродромаз вуттӥз.

2009-тӥ арын подполковник Чухванцев 55-тӥ отдельной вертолётной полкын служить кариз, командирезлэн воспитательной ужъя воштӥсез луыса.

Ож бере

Запасэ лэземын. Ужа авиационной двигательёс кылдытӥсь но поттӥсь «Климов» ОАО-ын (Объединенная двигателестроительная корпорация). ОАО «Климов» первичной профсоюз огазеяськонэн кивалтэ .

Данъетъёсыз

• «Зарни Кизили» медаль (2008-тӥ арын 19-тӥ куарусёнэ гожтэм 927-тӥ номеро косэт),
• Куинь Мужество орденэз,
• «За военные заслуги» орден,
• Эшъяськон орден,
• «За отвагу» медаль,
• Нестеровлэн медалез,
• СССР-лэн медальёсыз,
• РФ-лэн медальёсыз.

Чӧлсконъёс

• Валерий Николаевич Чухванцев [ӟуч] «Герои страны» сайт.

Валэктонъёс