Палящий, Александр Борисович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Палящий.
Александр Борисович Палящий
Palyashchy Aleksandr Borisovich.jpg
Вордӥськем дырыз 2-тӥ куартолэзе 1976(1976-05-02) (50 арес)
Вордӥськем интыез
Кыӵе войскоез артиллерия
Данъетъёсыз
Герой Российской Федерации
орден «За заслуги перед Отечеством» Орден Мужества
Герой ДНР Герой ЛНР

Александр Борисович Палящий (вордӥськемын 1976-тӥ арын) — Россиысь ожгарчи, подполковник. Россиысь Герой.

Улон сюресэз

Вордӥськиз 1976-тӥ арын 2-тӥ куартолэзе Казах СССР-ысь Темиртау карын, но со арын ик семьяеныз выжиз Эгра черкогуртэ. 4-тӥ классысен куасэн бызьылӥз, элькун ӵошатсконъёсын вормылӥз, спортъя мастере кандидат луиз. 1993-тӥ арын Эгралась 19 номеро шор ёзо школаез йылпумъяз[1][2]. Пыриз Екатеринбургысь вылӥ артиллерийской училищее[2]. Сое 1999-тӥ арын быдтыса, келямын вал службае Чечен Элькунэ. 2007-тӥ арын батареялэн командирез, Палящий майор пусъемын вал Мужество орденэн. 2008-тӥ арозь артиллерийской частьёсын пӧртэм ожгар заданиосты быдэсъяз. 2013-тӥ арын запасэ келямын[1].

2015-тӥ арысен — частной ожгар компаниын. 2023-тӥ арозь службаезъя вуылӥз Сирие, Ливие, Шор Африкае[3]. Кылдытъяз артиллерийской подразделениос[1][3].

2022-тӥ арын, нимысьтыз ожгар операция кутскем бере, аслаз подразделениеныз Луганск Калык Элькунэ вуиз, отын вакчи дыр ӵоже артиллерийской ёзэтъёс кылдытӥз[3]. Соледарез мозмытонъя операцие пыриськемез понна Луганск Калык Элькунлэн Героез нимын пусъемын, нош Артёмовскез (Бахмутэз) мозмытонъя операция понна — Донецк Калык Элькунлэн Героез нимын[1].

2022-тӥ арын Росси Федерациысь азьмуртлэн («ворсам») косэтэзъя, нимысьтыз заданиез быдэстыкуз, ассэ сэзь но геройлыко возьматэмез понна Александр Борисович Палящий Россиысь Герой нимын но «Зарни Кизили» медален пусъемын[1].

Улэ но ужа Краснодар улосын. Краснодар улосысь СВО-ысь ветеранъёслэн ассоциацизылэн кенешезлэн ёзчиез[1].

Позывноез — «Чепца»[3].

Семьяез

Александр Палящий кышнояськемын. Кузпалэныз, Эгралась нылкышноен, тодматскем, школаын дышетскыкуз. Кык пиоссы. Бадӟымез, атаез сямен, офицер луиз[3].

Данъетъёсыз

  • Россилэн Героез
  • Донецк Калык Элькунлэн Героез
  • Луганск Калык Элькунлэн Героез
  • «За заслуги перед Отечеством» 4-тӥ степенё орден
  • 4 Мужество орден
  • медальёс[1]

Валэктонъёс

«https://udm.ruwiki.ru/w/index.php?title=Палящий,_Александр_Борисович&oldid=486769»-ысь басьтэмын