Ушаков, Антон Борисович
| Антон Борисович Ушаков | ||
|---|---|---|
 | ||
| Вордӥськем дырыз | 16-тӥ куартолэзе 1972 | |
| Вордӥськем интыез | ||
| Кулэм дырыз | 21-тӥ южтолэзе 1995 (22 года) | |
| Кулэм интыез | ||
| Кунмуртлыкез |
 → |
|
| Кыӵе войскоез | ВДВ, Генеральной Штаблэн валтӥсь управлениез (ГРУ) | |
| Служить карон аръёсыз | 1990-1992, 1994-1995 | |
| Званиез |
 |
|
| Частез | специальной назначениен 3-тӥ отдельной гвардейской бригада | |
| Ожмаськонъёс/ожъёс |
Карабах ож, Нырысетӥ чечен ож |
|
| Данъетъёсыз |
|
|
Антон Борисович Ушаков (16-тӥ куартолэзе 1972, Глаз, Удмурт Автономной Советской Социалистической Республика — 21-тӥ южтолэзе 1995, Аргун[d], Чечня) — Россиысь ожгаруж быдэсъясь, Нырысетӥ чечен оже пыриськем мурт, Росси Федерацилэн Героез (29.01.1997, кулэмез бере).
Улон сюресэз
Вордӥськиз 1972-тӥ арын 16-тӥ куартолэзе Удмурт АССР-ысь Глазкарын. Глазысь 10-тӥ номеро школаез йылпумъямез бере профессионально-технической училищеын дышетскиз, собере Глазкарысь связь герӟетын электромонтёр луыса ужаз[1].
1990-тӥ арын куартолэзе Совето Армие мынӥз, кык ар ӵоже воздушно-десантной войскоосын службазэ ортчиз. Карабах оже пыриськиз. Запасэ лэземзы бере Глазкаре берытскиз но ас удысэзъя ужзэ азьланьтӥз[1].
1994-тӥ арын контрактъя Приволжск военной округысь Генеральной Штаблэн Валтӥсь разведывательной управленилэн специальной назначениен 3-тӥ гвардейской отдельной бригадаяз службае гожтӥськиз (Самара улосысь Рощинский каргурт)[1].
1995-тӥ арын 1-тӥ южтолэзьысен — Нырысетӥ чечен оже пыриськиз[1].
1995-тӥ арын 21-тӥ южтолэзе специальной назначениен куинь группаысь разведотрядлы Гудермес котырысь Гойтен-Корт гурезьысь боевикъёслэсь опорной пунктсэс быдтыны косэмын вал. Отысь боевикъёс армейской авиациез ыбылыса возизы, соин сэрен асьме передовой частьёслэн Гудермесэ пырон наступленизы ӝегаз. Уйин 8 мурт, старшой лейтенант И. В. Жарков кивалтэм улсын, тушмонлэсь огневой точкаоссэ быдтон вылысь, гурезьёс пала потӥзы. Соосты спецназлэн кык мукет группаосыз прикрывать каризы. Уллапал ласянь — разведроталэн десантной группаез, миномётъёсын но крупнокалиберной пулемётъёсын. Гвардилэн старшинаез Антон Ушаков валтӥсь группалэн тыловой дозораз пуктэмын вал. Нап бус пӧлтӥ спецназ группа боевикъёслэн позициоссы доры матэктӥз, кутскиз ближней бой. Берлань чигнакузы Антон Ушаков пулемёт очереден зол сӧсырмыны шедиз. Ожмаськон 3-4 час котыр кыстӥськиз, со дыр ӵоже Ушаков ож бусыын курадӟыса кыллиз. Плащ-палатка вылын кыскыса тыл улысь поттэм бере, бер вал ини: басьтэм яралэсь Ушаков кулӥз. Ӵук ӟардыку, бронегруппа вуэмен валче, Гойтен-Корт гурезез асьмелэнъёс басьтӥзы[2].
Ватэмын Глазкарын.
Росси Федерацилэн Президентэзлэн 1997-тӥ арын 29-тӥ толшоре гожтэм косэтэныз «специальной заданиез быдэстыкуз сэзь но кышкасьтэм луэмез понна», гвардилэн старшинаезлы Ушаков Антон Борисовичлы кулэмез бере Росси Федерацилэн Героез дано ним сётэмын[1]. Наградной документъёсаз пусъемын вал, Ушаков ас мугорыныз командирзэ старшой лейтенантэз И. В. Жарковез тушмон пулялэсь утиз. Операцие пыриськемъёс ваньмыз Мужество орденэн пусъемын[2].
Буре ваён
- Глазкарын Ушаковлэн улэм ютаз буре ваён пул шуккемын (Гайдарлэн урамез, 18-тӥ номеро юрт).
- Глазкарысь 10-тӥ номеро шор ёзо школалы А. Б. Ушаковлэн нимыз сётэмын (2020)[3].
- 2019-тӥ арын Тольяттиын Центральной военной округын специальной назначениен 3-тӥ отдельной гвардейской бригадалэн интыяз Геройлы бюст пуктэмын[4].
- Глазовын Данлыко аллеяысь мемориал комплексын Геройлы бюст пуктэмын[5].
Валэктонъёс
- ↑ 1 2 3 4 5 Антон Борисович Ушаков [ӟуч] «Герои страны» сайт.
- ↑ 1 2 Бой за высоту Гойтен-Корт [ӟуч] Военное обозрение (13 февраля 2012). Эскеремын 16 куарусёнэ 2025 арын
- ↑ С 20 марта школа № 10 носит имя Героя России Антона Борисовича Ушакова [ӟуч] Bezформата (23.03.2020). Эскеремын 16 куарусёнэ 2025 арын
- ↑ В Тольятти увековечат подвиг глазовчанина Антона Ушакова [ӟуч] gorodglazov.com (06.03.2019). Эскеремын 16 куарусёнэ 2025 арын
- ↑ Ушаков Антон Борисович [ӟуч] glazov-gov.ru. Эскеремын 16 куарусёнэ 2025 арын
Литература
- Лапина Т. Ты с нами, Антон!: в поселке Птицефабрик установлена мемориальная доска в честь Героя России Антона Ушакова // Красное знамя. — 2009.
- Удмуртская Республика: энциклопедия. Ушаков Антон Борисович / В. В. Туганаев. — Ижевск, 2008. — 683 с.
- Вершинина Н. Мальчишки с одного двора: о воинах-интернационалистах К. Люкине и А. Ушакове // Удмуртская правд. — 2007.
- Сафонова Т. В. Ушаков Антон Борисович. История города Глазова. Вехи XX века: учеб. пособие. — Глазов, 2003. — 91 с.
Чӧлсконъёс
- Антон Бочаров Антон Борисович Ушаков [ӟуч] «Герои страны» сайт. Эскеремын 2020-10-11 арын
| Быдӟым Атыкай оже пыриськем муртъёс | |
|---|---|
| Уйпал Кавказысь боевой операциосы пыриськем муртъёс | |
| СВО-е пыриськем муртъёс | |
