Курягин, Юрий Герасимович

Юрий Герасимович Курягин
Вордӥськем дырыз	15-тӥ тулыспалэ 1977({{padleft:1977|4|0}}-{{padleft:2|2|0}}-{{padleft:15|2|0}})
Вордӥськем интыез	Владивосток, РСФСР, СССР
Кулэм дырыз	31-тӥ толсуре 1999({{padleft:1999|4|0}}-{{padleft:12|2|0}}-{{padleft:31|2|0}}) (22 года)
Кулэм интыез	Веденский район[d], Чечня, Россия
Кунмуртлыкез	Россия Россия
Кыӵе войскоез	зарезь пехота
Служить карон аръёсыз	1994 — 1999
Званиез	лейтенант
Частез	Уйпал флотысь зарезь пехоталэн 61-тӥ отдельной бригадаез
Ожмаськонъёс/ожъёс	Нырысетӥ чечен ож, Кыкетӥ чечен ож
Данъетъёсыз

Ю́рий Гера́симович Куря́гин (1977-тӥ арын 15-тӥ тулыспалэ — 1999-тӥ арын 31-тӥ толсуре) — Краснознамённой Уйпал флотысь зарезь пехоталэн офицерез, Росси Федерацилэн Героез (28.03.2000, кулэмез бере). Лейтенант (1999).

Улон сюресэз

Юрий Курягин вордӥськиз 1977-тӥ арын 15-тӥ тулыспалэ Владивостокын удмурт семьяын. Пичи дырыз Удмуртиын Камбарка карын ортчиз.

Пичи дырысеныз, атаез но песятаез сямен, ожгарчи луэмез потэ вал. 8-тӥ класс бере Екатеринбургысь суворовской военной училищее пыриз, 1994-тӥ арын сое йылпумъяз.

Со дырысен Россилэн Ожтӥрлыко кужымъёсаз. 1999-тӥ арын Санкт-Петербургысь вылӥ огъявойсковой командной училищеез йылпумъяз.

1999-тӥ арын Мурманск улосысь Спутник каргуртэ интыяськем Уйпал флотлэн зарезь пехотаезлэн 61-тӥ отдельной бригадалэн 876-тӥ отдельной десантно-штурмовой батальонлэн десантно-штурмовой взводэзлы командире юнматэмын. Со арын ик куарусёнэ отдельной усиленной десантно-штурмовой батальонлэн взводэзлы командире пуктэмын но, Чечен Элькунын ортчись контртеррористической операцие пыриськон вылысь, Уйпал Кавказэ ыстэмын.

1999-тӥ арын 2-тӥ шуркынмонысен Курягинлэн взводэз нырысетӥ боевой задачаос борды басьтӥськиз. 30-тӥ толсуре взвод боевикъёслэн ог 15 муртъем группировкаенызы Харачой каргурт котырын ожмаськонэ пыриськиз. Со вачевуонын Курягинлэн пыдыз сӧсырмыны шедиз, озьы ке но, со взводзэ ӧз кельты. Мукет нуналаз ог сю пала боевикъёс огнемётъёсын но ручной гранатаосын выльысь взводлэн позициосыз вылэ урдскизы. Ачиз Курягин ньыльзэ соос пӧлысь быдтыны быгатӥз.

Ыбылӥськонын роталэн командирез бырыны шедем бере, командованиез Юрий Курягин ас вылаз басьтӥз. Автоматысь но подствольной гранатомётысь ыбылыса, со тушмонлэсь пулемётной расчётсэ но одӥгзэ гранатомётчиксэ быдтӥз. Ачиз кыкетӥзэ сӧсырмыны шедиз. Собере Курягин кивалтэм улсын асьме ожгарчиос эшшо кӧня ке тушмон атакосты пазьгыны быгатӥзы на. Одӥгаз ожмаськонын Курягин тушмон снайпер пуля улэ шедиз.

2000-тӥ арын 28-тӥ южтолэзе Росси Федерацилэн Президентэзлэн Косэтэзъя, сэзь но геройлыко ожмаськемез понна, лейтенант Курягин Юрий Герасимович быремез бере Росси Федерацилэн Героез дано нимын пусъемын.

Ватӥзы удмурт ожгарчиез 2000-тӥ арын 13-тӥ толшоре Камбарка карын, шай вӧзысь нимаз интые. Отчы Аллея славы лэсьтыны чаклало вал. Но писпуос улӟымтэен Буре ваён площадь пуктӥзы. 2021-тӥ арын отын Россиысь Геройлэсь Юрий Курягинлэсь бюстсэ усьтӥзы.

Семьяез

Атаез — Герасим Александрович, анаез — Надежда Николаевна. Юрий Курягинъёслэн куинь пиоссы пӧлысь бадӟымез вал.

Герасим Александрович мичман луыса служить кариз.

1979-тӥ арын Курягинъёс Владивостокысь Удмуртие, Камбаркае, бертӥзы.

Буре ваён

Россиысь Геройлэн Юрий Курягинлэн бюстэз Камбаркаысь Буре ваён площадьын

• Камбаркаын Геройлэн нимыныз одӥгез ульча но 3 номеро школа нимамын.
• 2021-тӥ арын 9-тӥ толсуре Камбаркаысь Буре ваён площадьын Юрий Курягинлы синпелет пуктэмын.
• 2003-тӥ арын пыраклы пыртэмын Екатеринбургысь Суворовской военной училищелэн 1-тӥ ротаезлэн лыдметаз.
• Юрий Курягинлэн нимыз Спутник каргуртысь бырем ожгарчиослы сӥзем гранит плита вылын гожтэмын.
• Спутник гарнизонын Ю. Г. Курягинлэн улэм юртаз мемориал пул юнматэмын.

Валэктонъёс

Чӧлсконъёс

• Юрий Герасимович Курягин [ӟуч] «Герои страны» сайт.

• Курягин Юрий Герасимович // Кольская энциклопедия. В 5 т. Т. 2. Е — К / Гл. ред. А. Н. Виноградов. — СПб. : ИС ; Апатиты : КНЦ РАН, 2009. — С. 480-481.
• Курягин Юрий Герасимович Межрегиональная общественная организация «Союз Кадет Урала». Эскеремын 2010-10-03 арын

• «Кезьыт кизили» («Холодная звезда») и «Кавказысь Ташбака вырйылын» (« Высота Черепаха на Кавказе») // Г. Г. Грязев. «Вамыш» («Шаг») на удм. языке. — Ижевск: Удмуртия, 2014. С. 55-90.

Литература

• Вспомним поименно. — Североморск, 2001.