26-тӥ толсур — Григориан дырпусъя — арлэн 360-тӥ нуналыз (касьян аре — 361-тӥез). Ар пумозь 5 нунал кылемын.
☀️ Ижкарын Шунды 9 час 4 минутэ ӝужа, пуксе 15 час 50 минутэ. Югыт нуналлэн кыстӥськемез 🕒 6 час 46 минут.
🌕 Тыр толэзь (будэмез 16.71 нунал).
Нунал тодметъёс
- Евстратлэн нуналыз. Та уе вӧтам вӧтъёс возьмато, мар луоз азьланяз. Туннэысен 12 нунал ӵоже чаклало, кыӵе луоз вуоноез толэзь. Туннэ нуналъя учко толшорез. Туннэ одно ик чечы сиёно, шуо, озьы, пе, тазалык юнмалоз. Пересьёслэн оскемзыя, туннэ сьӧд кужымъёс гурт пудо-животлы пӧрмытскыса, адями котыре вуыны быгато. Соин пуны-коӵышез корка пыртэмлэсь ало, гуртын улӥсьсэ педло потэмлэсь эскеро.
- Коӵоос сюрес вылын пуко ке — шунытскоз.
- Писпуос туннэ гӧртэмын ке — кезьытскоз.
- Шунды пилем сьӧры ватскыса пуксе ке — уйин жобаськоз.
Нимнуналзэс пусъё
- Аркадий, Арсений, Евгений, Евгения, Анастасия.
Праздникъёс но буре ваён нуналъёс
Йӧскалык праздникъёс
Луэм учыръёс
Удмуртиын
- 1865 — Сарапул карын пожарной охрана кылдытэмын.
- 1918 — Сарапулын усьтӥськиз Быдэс Россиысь удмурт нылкышноослэн партиостэм I-тӥ конференцизы.
- 1929 — «Долой неграмотность» нырысетӥ удмурт областной съезд ас ужанзэ ӧдъяз.
- 1937 — УАССР-ысь Совнарком борды нюлэсъёсты утёнъя удмурт территориальной управление кылдытэмын.
- 1988 — Кияса ёросын инкуазез утёнъя комитет кылдытэмын.
Россиын но дуннеын
- 1825 — офицер-декабристъёс асьсэлэсь солдатъёссэс Сенатской площаде поттӥзы.
- 1898 — Мария но Пьер Кюри нырысьсэ радий кылдэтэз шедьтэмзы сярысь ялӥзы.
- 1941 — Кыкетӥ дунневыл ож: Керченско-Феодосийской десантной операци кутскиз.
- 1973 — музъем вылэ пуксиз «Союз-13» космической корабль.
- 1974 — лэземын «Салют-4» космической станци.
- 1991 — Вылӥ Кенеш СССР-ез быдтон сярысь ялӥз.
- 1606 — нырысьсэ пуктэмын «Король Лир» трагедия.
- 1790 — Людовик XVI «Духовенстволэсь гражданской устройствозэ» умоен лыдъяз.
- 1806 — Ньылетӥ коалицилэн ожез: Голымин котырын но Пултуск котырын ӟучъёслэн французъёсын ожмаськемзы.
- 1943 — Нордкап муныр дорын Германилэн «Шарнхорст» линейной крейсерез Баренц зарезе выйтэмын.
- 2004 — Индийской океанын музъем зурканэн сэрен, туала историысь тужгес шимесэз цунами кылдӥз. 220 сюрс пала адями бырыны шедиз.
Вордӥськизы
- Удмуртиысь тодмо муртъёс
- Россиысь но дуннеысь тодмо муртъёс
Кулӥзы
- Удмуртиысь тодмо муртъёс
- Россиысь но дуннеысь тодмо муртъёс
- 1933 — Анатолий Луначарский, совет вакытысь мер но политика удысын ужась, гожъясьчи, искусствовед, АН СССР-лэн академикез.
- 1988 — Херлуф Бидструп, Даниысь карикатураосты суредась.
- 2009 — Ив Роше, Yves Rocher будос косметикаез кылдытӥсь.
- 2017 — Владимир Шаинский, СССР-ысь но Россиысь композитор, РСФСР-ысь калык артист.
Австралия, 
Великобритания, 
Новая Зеландия, 
Канада, 
Кирибати, 
Науру — Кузьымлэн нуналыз.
Словения — Огъя луон нунал.