4-тӥ толсуре
4-тӥ толсур — Григориан дырпусъя — арлэн 338-тӥ нуналыз (касьян аре — 339-тӥез). Ар пумозь 27 нунал кылемын.
☀️ Ижкарын Шунды 8 час 53 минутэ ӝужа, пуксе 16 час 0 минутэ. Югыт нуналлэн кыстӥськемез 🕒 7 час 7 минут.
🌘 Вуж Толэзь (будэмез 24.24 нунал).
|
|||||||||||||||||||||||||||||||||||||||||||
| 2026-тӥ ар | |||||||||||||||||||||||||||||||||||||||||||
| Толшор | Тулыспал | Южтолэзь | Оштолэзь | Куартолэзь | Инвожо | Пӧсьтолэзь | Гудырикошкон | Куарусён | Коньывуон | Шуркынмон | Толсур |
Нунал тодметъёс
Введення нунал (ӟуч: Введение (Введение во храм Пресвятой Богородицы)). Та нуналэ, пе, ачиз Тол куинь кыткем валэн ульчаостӥ ортче. Введення вуиз ― толэз вайиз, шуэ калык.
- Туннэ куазь кезьыт ке ― вань толсур праздникъёсы кезьыт луоз.
Нимнуналзэс пусъё
- Мария.
Праздникъёс но буре ваён нуналъёс
Йӧскалык праздникъёс
- Банкъёслэн калыккуспо нуналзы.
Россия —
- Информатиклэн нуналыз.
- Тол Бабайлы куронъёсын но гожтэтъёсын вазиськон нунал.
Мексика — Ӧнерчи муртъёслэн нуналзы.
Тонга — Кунлык басьтон нунал.
Индия — Ожгар-зарезь флотлэн нуналыз
Тумошо праздникъёс
- Тол Бабайлы кузьым курыса гожтэт гожтон нунал.
Луэм учыръёс
Удмуртиын
- 1866 — Иж заводын непременной ужасьёсты но мастеровойёсты крепостной зависимостьлэсь мозмытон сярысь положение поттэмын.
Россиын но дуннеын
.JPG)
- 1639 — Джереми Хоррокс нырысьсэ эскериз Венералэсь шунды диск котыртӥ ортчемзэ.
- 1674 — француз иезуитъёс Чикагоез инъязы.
- 1829 — Уильям Бентинк Индиын пал кышноосты сутонэз дугдытӥз.
- 1872 — Атлантической океанын экипажен кельтэм «Мария Целеста» судно шараямын.
- 1946 — Москваысь «Малолитражной автомобиль плттон заводын» поттэмын нырысетӥез легковой автомобиль — «Москвич-400».
- 1948 — СССР-ын ЭВМ-лы патент сётэмын.
- 1976 — Шор Африкаысь Республикалэн президентэз Бокасса царствое венчаськиз.
.png)
Вордӥськизы
- Удмуртиысь тодмо муртъёс
- 1936 — Игорь Поздеев, Ижысь судмедэксперт, медицина наукаосъя кандидат.
- 1949 ― Николай Малышев, Удмуртиысь ӟуч кылбурчи.
- 1962 — Светлана Смирнова, удмурт политик.
- 1964 — Константин Пушкарёв, Ижысь спортсмен, спортъя мастер (кикбоксинг).
- Россиысь но дуннеысь тодмо муртъёс
- 1747 — Александр Баранов (кул. 1819), Уйпал Америкаысь ӟуч поселениослэн нырысетӥ кивалтӥсьсы (1790—1818).
- 1892 — Франсиско Франко, Испанилэн диктаторез.
- 1963 — Сергей Бубка, тодмо совето спортсмен, дуннелэн 35 полъем рекордсменэз.
- 1973 — Тайра Бэнкс, Америкаысь супермодель, актриса но кырӟась.
Кулӥзы
- Удмуртиысь тодмо муртъёс
- 1973 — Игнатий Гаврилов, удмурт кылбурчи, прозаик, драматург.
- Россиысь но дуннеысь тодмо муртъёс
- 1131 — Омар Хайям, Персиысь кылбурчи, математик, философ.
- 1642 — Арман Жан дю Плесси, герцог де Ришельё, француз кардинал, аристократ но кун ужчи.
- 1679 — Томас Гоббс, Англиысь философ-материалист но математик.
- 1798 — Луиджи Гальвани, Италиысь физик но физиолог.
- 1860 — Сергей Трубецкой, ӟуч князь-декабрист.
- 1902 — Чарльз Генри Доу, Америкаысь журналист, Доу-Джонс промышленной индекслэн авторез.
- 1945 — Томас Хант Морган, Америкаысь биолог, генетик, США-ысь Наукаосъя академилэн президентэз, Нобель премилэн лауреатэз (1933).
- 1967 — Дэниэл Джоунз, Великобританиысь кылчи но фонетист.
- 2009 — Вячеслав Тихонов, совето киноактёр, СССР-ысь калык артист.
Валэктонъёс