Джоунз, Дэниэл

Даниэль Джонс
Вордӥськем дырыз	12-тӥ куарусёнэ 1881({{padleft:1881|4|0}}-{{padleft:9|2|0}}-{{padleft:12|2|0}})
Вордӥськем интыез	Лондон, Великобританилэн но Ирландилэн Огазеям королевствоез[d]
Кулэм дырыз	4-тӥ толсуре 1967({{padleft:1967|4|0}}-{{padleft:12|2|0}}-{{padleft:4|2|0}}) (86 лет)
Кулэм интыез	Джерадс-Кросс[d], Бакингемшир[d], Бакингемшир[d], Англия, Великобритания
Кун	Великобритания Великобритания
Тодос удысэз	фонетика
Ужан интыез	Лондонысь Университетской колледж[d] Париж университет[d]
Дышетскемез	Кембридж университетлэн Королевской колледжез[d]

Даниэль Джонс (яке Дэниел Джоунз, Дэниел Джонс, англ. Daniel Jones, 12-тӥ куарусёнэ 1881, Лондон — 4-тӥ толсуре 1967, Джерадс-Кросс^[d], Бакингемшир^[d]) — британ фонетист, фонетикаез эскерисьлэн француз лингвистлэн Поль Пассилэн бӧрысьчиез. Лондонысь Университетской колледжен кивалтӥз.

Даниэль Джонс

Улон сюресэз

Вордӥськиз 1881-тӥ арын 12-тӥ куарусёнэ Лондонын. Дышесткиз Юниверсити-колледжлэн школаяз но Кингс-колледжын (Кембриджысь университет). 1907-тӥ арысен Юниверсити-колледжын, нырысь — лектор, собере ини доцент но профессор луыса ужаз.

Наука ласянь кивалтӥсез вал Поль Пасси, тодмо француз фонетист. Джоунзлэн ужъёсыз быдэсак сӥземын пӧртэм кылъёслэн фонетиказылы: англи, хинди, сечвана, ӟуч, француз, китай. Уно саклык висъялляз фонетической транскрипциез кылдытон но азинтон ужлы. Со — англи но мукет герман кылъёслэсь фонетиказэ возьматӥсь транскрипци системалэн авторез (Джоунзлэн транскрипциез).

Ужаз Европаысь, Америкаысь но Индиысь пӧртэм университетъёсын. Би-би-си-ын фонетикая валтӥсь консультант луыса ужаз.

Пыриськиз Поль Пассилэн кичӧлтэмезъя кылдытэм Фонетикая Каллыккуспо Организацилэн ужаз: отын со 1907-1927-тӥ аръёсы секретарьлэн воштӥсез луыса ужаз, 1928-тӥ арын огазеяськонлэн секретарез луиз. Со сяна, 1907—1940-тӥ аръёсы Джоунз ужаз «Le maître phonétique» нимо журналын: нырысь — валтӥсь редакторлэн воштӥсез луыса, собере, 1941—1950-тӥ аръёсы валтӥсь редактор луыса.

Кулӥз 1967-тӥ арын 4-тӥ толсуре.

Ужъёсыз

Тужгес тодмоосыз:

• Phonetic Transcriptions of English Prose, 1907;
• Intonation Curves, a Collection of Texts in Which Intonation is Marked by Means of Curved Lines, 1909;
• Fondamenti di grafia fonetica, 1933 (Америндо Камиллиен ӵош гожтэмын);
• An Outline of English Phonetics, 1939;
• The Pronunciation of Russian, 1923 (М. В. Трофимовен ӵош гожтэмын);
• An English Pronouncing Dictionary, 1948;
• The Pronunciation of English, 1949;
• The Phoneme, Its Nature and Use, 1949.

Валэктонъёс