Пасси, Поль Эдуард
| Поль Эдуард Пасси | |
|---|---|
| фр. Paul Passy | |
 | |
| Вордӥськем нуналыз | 13-тӥ толшоре 1859[1] |
| Вордӥськем интыез | Версаль |
| Кулон нуналыз | 21-тӥ южтолэзе 1940 (81 год) |
| Кулэм интыез | Бур-ла-Рен |
| Кун | |
| Ужудысэз | лингвист, политик, филолог, преподаватель университета, берыктӥсь |
| Атаез | Фредерик Пасси |
По́ль Эдуа́рд Пасси́ (фр. Paul Édouard Passy; 1859—1940) — француз кылчи, фонетист.
Улон сюресэз
Поль Пасси вордскиз адӟем карымон француз семьяын. Солэн атаез, Фредерик Пасси, тодмо экономист но политик, 1901-тӥ арын Анри Дюнанэн ӵош Нобель премилэн нырысетӥ лауреатэз луиз.
Пасси пичи дырысеныз дышетӥз англи, немец, итальян кылъёсты но санскритэз. 1878-тӥ арын католичествоысь протестантизме выжиз[2], нош бергес Франциын христиан социализмес кылдытӥсь луиз.
Озьы ик 1878-тӥ арын университетэз йылпумъяз[3] но 10 ар ӵоже кун школаосын англи но немец кылъёслы дышетӥз.
1886-тӥ арын Пасси фонетикая дышетӥсьёслэсь ассоциацизэс кылдытӥз, бӧрысь со Фонетикая калыккуспо ассоциация (Association phonétique international) луиз. Кема аръёс ӵоже ачиз ик огазеяськонлэн валтӥсь секретарез но кивалтӥсез вал, нош 1927-тӥ арысен — президентэз. Со сяна, Пасси Фонетикая калыккуспо алфавитэз кылдытон уже пыриськиз[2].
Пасси фонетикая но француз кылын вераськонъя урокъёс сётъяз. Одӥгез дышетскисьёсыз пӧлысь — Дэниэл Джоунз.
1894-тӥ арын Искусствоосъя вылӥ школаысь огъя но ӵошатон фонетикая кафедрае интыяськиз (со ужинты ӵапак Пасси понна кылдытэмын вал), нош 1897-тӥ арысен директорлэн юрттӥсез луиз. 4 аръем вис каронзэ лыдъятэк (1913-тӥ арын, армиын службаез кузятонлы пумит вераськемез бере, ужезлэсь палэнтэмын вал), Искусствоосъя вылӥ школаын Пасси ужаз 1926-тӥ арозь, пенсие потытозяз.
1896-тӥ арысен лыдӟиз лекциос но нуиз практической занятиос Сорбоннаын. Отын со вал нырысетӥез дышетӥсь, кудӥз куриз аслаз занятиосаз нылкышноосты но лэзьяны.
Валэктонъёс
- ↑ Brozović D., Ladan T. Paul Passy // Hrvatska enciklopedija (хорв.) — LZMK, 1999. — 9272 с. — ISBN 978-953-6036-31-8
- ↑ 1 2 Jean Baubérot: Paul Passy. In: Dictionnaire prosopographique de l’EPHE, École pratique des hautes études, Stand 5. Juli 2017.
- ↑ Patrick Dubois: Le dictionnaire de pédagogie et d’instruction primaire de Ferdinand Buisson. Répertoire biographique des auteurs. Institut national de recherche pédagogique, 2002, S. 113, Eintrag Passy (Paul).