Тол Бабайлы гожтэт

Википедиысь материал
Письмо Деду Морозу.jpg

Тол Бабайлы гожтэт (ӟуч: Письмо́ Де́ду Моро́зу )— Выль ар азьын кутӥськись сям, вӧлмемын Россиын но мукет кунъёсын[1]. Тол Бабайлы гожтэтын ӵемысь ар ӵоже басьтэм вормонъёссы, вуоноезлы малпанъёссы сярысь но кузьым курыса гожто[2].

Сям сярысь

Ку но кызьы кылдӥз Тол Бабайлы гожтэт гожъян сям шуыса, шонерак вераны уг луы. Одӥг версияя, со сям асьме доры славянъёслэсь вуэмын: соос Толсур уе малпанъёссэс кагаз вылэ гожтыса сутылӥзы[3].

Мукет малпанъя, со сям шундыӝужанпал кунъёсысь вуэмын, отын Санта-Клауслы гожтэт гожъяло[4].

1998-тӥ арын Великий Устюг карын (Вологда улос) росси Тол Бабайлэн официальной юртъерез усьтэмын[5]. Сое усьтон арын резиденцие 13 сюрс гожтэт вуиз, арысь аре гожтэтъёслэн лыдзы йылӥз[6]. 2024-тӥ арын 1-тӥ толшоре Тол Бабай 4 688 536 гожтэт басьтӥз[7].

Статистикая учкыса (тодэтъёс 2024-тӥ арысь басьтэмын), Тол Бабай быдэс Россиын но СНГ кунъёсын улӥсь нылпиослэсь арлы быдэ 400 сюрслэсь ятыр почта пыр лэзем но 500 сюрс пала электрон гожтэт басьтэ[8].

Котькуд ар со почта 18-тӥ шуркынмонысен усьтӥське[9] — Тол Бабайлэн вордӥськем нуналаз[10]. Нош гожтэтэз арлэн котькыӵе вакытаз гожтыны луэ[11].

Великий Устюгысь Тол Бабай сяна, Россилэн кунъёсаз но пӧртэм улосъёсаз улӥсь калыкъёслэн асьсэ Тол Бабайёссы ужало: (Кыш Бабай, Тол Бабай, Урал Мороз но мукет), соослы но озьы ик гожтэт гожтыны луэ[2].

Тол Бабайлы гожтэтъёслы нимазъям ящик

4-тӥ толсуре Россиын Тол Бабайлы куронъёсын но гожтэтъёсын вазиськон нунал[12]. Та нуналэ почтамтъёсын Тол Бабайлы гожтэтъёслы нимазъям ящикъёс потто[13].

Гожтэт-шаблон

Гожтэтлэн огкадь гожтон кабез ӧвӧл, ваньмыз быгатэмзыя гожъяло.

Гожтэтын луыны быгатэ[2]:

  • ӟечбуръяськон;
  • вакчияк гожтӥсь мурт сярысь;
  • ар ӵоже лэсьтэм ӟеч ужъёс сярысь;
  • вуоноезлы малпанъёс сярысь;
  • кузьым курон;
  • Тол Бабаез вуись Выль арен но Толсурен ӟечкылан.
Образец письма Деду Морозу.jpg

Тол Бабайлы гожтэт сяна луэ лэзьыны открытка, салам яке бандероль[3].

Гожтэт келян амалъёс

Аспӧртэмлыко амалъёс

Тол Бабай синпӧртмась луэ бере — со ачиз быгатэ басьтыны гожтэтэз. Со понна сое кельтыны кулэ:

  • кыз улэ[14];
  • кезьыт азе (морозилка, балкон);
  • укно сьӧры куштоно но мукет.
Тол Бабайлы гожтэтъёс

Почта пыр

Тросэз гожтэтъёс вуо почта пыр Великий Устюгысь таӵе интыпусъя: 162390, Вологда улос, Великий Устюг кар, Октябрь нимо пролка 1А номеро юрт[15][16].

Торл Бабайлэн юртъерез Мускоын но вань. Отчы гожтэтэз лыктыса вайыны яке почта пыр таӵе интыпусъя келяны луэ: 109472, Москва, Кузьминской нюлэс, Волгоград проспект, вл. 168-тӥ номеро юрт[17].

2024-тӥ арын Тол Бабайлы гожтэтъёс келян ящикъёс быдэс карын пуктылэмын вал. Нырысьсэ соос кылдӥзы Муско зоопаркын, «Зарядье» паркын, Космонавтикалы сӥзем музейын но «Москвариумын»[18].

Электрон почта пыр

Тол Бабай озьы ик электрон почта пыр гожтэт басьтыны быгатэ, таӵе адресъя: postcard@ao-dedmoroz.ru[16].

Валэктонъёс

  1. ↑ Вера в чудо: таджикистанцы пишут письма Деду Морозу
  2. ↑ 1 2 3 Письмо Деду Морозу: как написать, адреса доставки, шаблоны, варианты оформления, КП. Эскеремын: 12 шуркынмонэ 2024 арын.
  3. ↑ 1 2 Эдуард Юсупов. Как написать письмо Деду Морозу: на какой адрес отправить, шаблон правильного оформления, Lenta.RU (23 коньывуонэ 2023). Эскеремын: 12 шуркынмонэ 2024 арын.
  4. ↑ This Is How Letters to Santa Were First Delivered by the U.S. Mail
  5. ↑ Банкротство Деда Мороза: почему главный волшебник стал убыточным проектом, РИА Новости (3 толшоре 2022). Эскеремын: 12 шуркынмонэ 2024 арын.
  6. ↑ Как правильно написать письмо дедушке Морозу, Халва медиа (27 шуркынмонэ 2023). Эскеремын: 12 шуркынмонэ 2024 арын.
  7. ↑ Российский Дед Мороз
  8. ↑ 4 декабря – День заказа подарков и написания писем Деду Морозу
  9. ↑ Готовимся к Новому году: традиция писать письма Деду Морозу, Детское радио. Эскеремын: 12 шуркынмонэ 2024 арын.
  10. ↑ День рождения Деда Мороза, РИА Новости (18 шуркынмонэ 2023). Эскеремын: 12 шуркынмонэ 2024 арын.
  11. ↑ Дедушка мечты: что россияне пишут в письмах Деду Морозу, Известия (3 толсуре 2020). Эскеремын: 12 шуркынмонэ 2024 арын.
  12. ↑ Сегодня нужно написать письмо Деду Морозу, Парламентская газета (4 толсуре 2019). Эскеремын: 12 шуркынмонэ 2024 арын.
  13. ↑ День заказа подарков у Деда Мороза на Новый год 2023 - 2024, РЕН ТВ (4 толсуре 2023). Эскеремын: 12 шуркынмонэ 2024 арын.
  14. ↑ Елизавета Луговская. 6 способов отправить письмо Деду Морозу — и получить на него ответ. Инструкция для родителей, Мел. Эскеремын: 12 шуркынмонэ 2024 арын.
  15. ↑ Письмо Деду Морозу: как правильно написать и куда отправлять, Известия (18 шуркынмонэ 2023). Эскеремын: 12 шуркынмонэ 2024 арын.
  16. ↑ 1 2 Контакты
  17. ↑ Письмо Деду Морозу [ӟуч]
  18. ↑ РСН МО В Москве открывается почта Деда Мороза: более 150 ярких ящиков для писем по всему городу!**

Литература

  • Шарикова Г. Ю. Новогодние чудеса «Заповедной Мордовии» // Мордовский заповедник. 2018. № 15.
  • Сухотерина Т. П., Евсеева К. Р. Жанр праздничной коммуникации «новогоднее письмо» в пространстве естественной письменной речи // Мир науки, культуры, образования. 2016. № 6.
  • Сухотерина Т. П., Евсеева К. Р. «Детское письмо» как жанр естественной письменной речи // Культура и текст. 2016. № 1.
  • Липовка В. О. Анализ писем учащихся как способ выявления ценностных ориентаций подростков (на примере писем Деду Морозу) // Научно-педагогическое обозрение. Pedagogical Review. 2014. № 3.

Чӧлсконъёс

«https://udm.ruwiki.ru/w/index.php?title=Тол_Бабайлы_гожтэт&oldid=485569»-ысь басьтэмын