Тол Бабай

Википедиысь материал
Тол Бабай
Удмурт Тол Бабай.jpg
Удмурт выжыкылысь тол персонаж
Мифология Удмурт мифология
Интыез Удмуртия
Кин луэмез воргорон
Со выллем персонажъёс Лымыныл
Улон интыез Тол Бабайлэн юртъерез
Атрибутъёс песьтэр, синпӧртмась боды


Тол Бабай (ӟуч: Дед Мороз) ― толэн герӟаськем удмурт синпӧртмась, ӟуч Дед Мороз выллем[1][2]. Ӟуч кылэ берыктыса «Тол песятай» шуэмез возьматэ.

Тол Бабай сярысь дауркыл

Вашкала дауркылъя, азьвыл аръёсы, куке адями но кылдэмын ӧй вал на, Каргурезь котырын бадӟым визьтэм макеос ― Алангасаръёс улӥллям (ӟуч: великаны). Одӥг нуналэ Музъем вылэ адямиос вуиллям. Алангасаръёс  [ӟуч] (удм. туж кышкаллям соослэсь, уката но ― адямилэн визьнодо луэмезлэсь. Соку со бадӟым макеос, адямиослэсь кышкаменызы, Каргурезь пушкы ватскыны малпаллям. Алангасаръёс пӧлысь тужгес пичиез, вордӥськем интыез шоры гурезь йылысен берпумзэ учкон понна, берлань берытскем. Самой со вие музъем улэ пырон пась пытсаськем, соин валче, пыраклы ышиллям азьвыл татын улэм алангасаръёс. Пичи алангасар гурезь йылэ чылкак огназ кылем[3].

Мукет алангасаръёс сямен ӝужыт со ӧвӧл будэм, озьы ке но, огшоры адямиослэсь трослы ӝужытгес вылэм. Со дырысен пичи алангасар та дуннеын огназ улыны кутскем. Шуг-секытъёслэсь кышкатэк, каллен-кален визьнод люкам. Кыр пӧйшуръёслэсь но тылобурдоослэсь куараоссэс валаны дышем, пелляськон-куриськон кыл тодэм, будосъёслэсь йӧнатӥсь кужымзэс валам. Нош огпол паймымон боды шедьтэм. Музъем улэ ышем алангасаръёсын улэмезлэсь нокыӵе пытьыез ӧвӧл кылем[4]

Огпол толалтэ солэн улонэз чутрак воштӥськем ― малпамтэ шорысь нюлэс дурын нылпиосын пумиськем[3]. Аспӧртэм пересез адӟыса, нылпиос солэсь ӧвӧл кышкаллям, ӧвӧл пегӟиллям. Солы пумит, шумпотыса соин шудыны кутскиллям. Соку огназ улӥсь муртлэн чурытомем сюлэмыз шунам. Алангасар, тау карыса, пичи эшъёсызлы кузьым лэсьтыны малпам. Бодыеныз огпол шуккыса, кыралысь лымы соку ик шунаса бырем но со интые чебересь сяськаос потӥллям! Коньыос, солэн косэмезъя, соку ик тужгес тырооссэ ӵыжинъёсты бичаса ваиллям. Шумпотэм нылпиос алангасарез Тол Бабай шуыны кутскиллям[4].

Лымыныл

Со дырысен Тол Бабай пиналъёсын эшъяськем, толалтэ соосты кузьымъёсын шумпоттылэм, соосын ӵош шудылэм. Аръёс ортчемъя, пересьлэн ужъёсыз тросгес но тросгес луиллям, огназлы соосты быдэсъяны секыт луэм. Соку, Жоб Куазь  [ӟуч] (удм. солы лымы пырыослэсь юрттӥсь кылдытэм. Тол Бабай сое аслэсьтыз нуноксэ сямен яратыса, Лымыныл ним понэм[5]. Со дырысен удмурт Лымыныл аслаз песятаезлы куно пумиталляны но кузьымъёс лэсьтылын, юртъер котырын юрттыны кутскем[4].

Бӧрысьгес Тол Бабайлэн мукет выжыкыл юрттӥсьёсыз кылдӥллям: Обыда (ӟуч: Лесная кикимора), Нюлэсмурт (ӟуч: Леший), Вумурт (ӟуч: Водяной).

Туала Тол Бабай

Удмуртиын улӥсьёслэн асьсэлэн Тол Бабайзы 2006-тӥ арын кылдӥз[3]. Нырысь-валысь со Шаркан ёросысь Мыддорин гуртэ  [ӟуч] (удм. интыяськиз, берло солы отын люкытгес луиз[6]. Соин ик Шарканэ, Ижкарлэсь 90 иськеме, солы бадӟым вӧл-вӧл юртъер пуктӥзы. Отын со Лымынылын но аслаз юрттӥсьёсыныз кунооссэ пумиталля.

Тол Бабайлэн шубаез лемлет-лыз буёло, соин ик висъяське мукет Тол Бабайёслэсь[7]. Куасалтэм пу бодыен ветлэ, пельпумаз туй песьтэр нуллэ[6].

Ӟуч Тол Бабаен ӵошатыса, Шарканысез быдэс ар вис карылытэк ужа, куно пумита.

2017-тӥ арын Выль ар азьын удмурт Тол Бабай мукет тол персонажъёсын «Поле чудес» телепередачае пыриськиз. Озьы ик котьку мыло-кыдо пыриське пӧртэм выжыкыл ужрадъёсы: Великий Устюгын ӟуч Тол Бабайлэн но Костромаын Лымыныллэн вордӥськем нуналъёссылы сӥзем ужрадъёсы, Олонецысь тол шудонъёсы, Слюдянкаын «Ледяная сказка Байкала» (Иркутск улос) но мукет.

Юртъерез

Валтӥсь статья: Тол Бабайлэн юртъерез
Тол Бабайлэн юртаз, вырйылэ вуттӥсь падӟа

Тол Бабайлэн Шарканысь улон интыез усьтэмын 2012-тӥ арын 16-тӥ шуркынмонэ[8]. Тол Бабайлэн юртъер котыраз ик Обыдалэн (ӟуч: Баба Яга) коркаез ― Обыда-кар интыяськемын[3].

Ар куспын татын трос пӧртэм ужрадъёс но фестивальёс ортчыло. Татын со Лымынылын но мукет юрттӥсьёсыныз куно пумита, калыкез шулдыртэ. Тол Бабайлэн усадьбаяз ик «Выжыкыл геройёс Тол Бабайлэен шаераз  [ӟуч] (удм.» улоскуспо фестиваль ортчылэ[9][10].

Валэктонъёс

  1. ↑ Анна Клековкина (11.12.2015) Чем Тол Бабай из Удмуртии отличается от Дедов Морозов из Татарстана или Карелии [ӟуч] КП-Ижевск. Эскеремын 04.08.2025 арын
  2. ↑ Сергей Бобылев (28.12.2016) Тринадцать родственников Деда Мороза [ӟуч] ТАСС. Эскеремын 04.08.2025 арын
  3. ↑ 1 2 3 4 Никитина А. А., Немзорова Е. А. Тол Бабай [ӟуч] Живое наследие. Эскеремын 04.08.2025 арын
  4. ↑ 1 2 3 Ольга Соловьёва (02.01.2013) Холод-старец и Ледяная Девочка. Как появились удмуртские Дед Мороз и Снегурочка? [ӟуч] АиФ-Удмуртия. Эскеремын 04.08.2025 арын
  5. ↑ Культурно-туристический центр «Усадьба Тол Бабая» [ӟуч] Удмуртия 360 (03.12.2023). Эскеремын 04.08.2025 арын
  6. ↑ 1 2 Тол Бабай [ӟуч] Публичная библиотека Новоуральского городского округа. Эскеремын 04.08.2025 арын
  7. ↑ Зимний волшебник: топ-5 фактов о Тол Бабае [ӟуч] =Рамблер (3.12.2021). Эскеремын 04.08.2025 арын
  8. ↑ Проект комплексной реновации Усадьбы Тол Бабая [ӟуч] Центр территориального развития Удмуртской Республики.
  9. ↑ Межрегиональный фестиваль «Сказочные герои на родине Тол Бабая» [ӟуч] Центр развития туризма Удмуртской Республики. Эскеремын 04.08.2025 арын
  10. ↑ Элина Кумачёва (12.12.2019) Кыз ӝуатэмын, кузьымъёс дасямын [ӟуч] Удмурт дунне. Эскеремын 04.08.2025 арын
«https://udm.ruwiki.ru/w/index.php?title=Тол_Бабай&oldid=484359»-ысь басьтэмын