Тол Бабайлэн юртъерез
| Тол Бабайлэн юртъерез | |
|---|---|
| ӟуч Усадьба Тол Бабая | |
 Тол Бабайлэн юртъерез гужем | |
| Огъя тодэтъёс | |
| tolbabay.net | |
| Интыяськемез | |
| 57°18′44″ с. ш. 53°53′06″ в. д.GЯO | |
| Кун | |
| РФ субъектъёс | Удмуртия |
| Район | Шаркан ёрос |
Тол Бабайлэн юртъерез ӟуч: Усадьба Тол Бабая — удмурт Тол Бабайлэн резиденциез, Удмуртиысь туристической гостиничной комплекс.
Интыяськемез
Тол Бабайлэн улон интыеныз лыдъяське Шаркан черкогурт[1]. Со Ижкарлэсь 90 иськемлы палэнэ интыяськемын[2]. Вырйылъёс котыре пуксеменыз, Шарканэз Удмурт Швейцария нимало. Ар ӵоже татын пӧртэм ужрадъёс но фестивальёс ортчыло.
Историез
Тол Бабайлэн юртъерез 2012-тӥ арын 16-тӥ шуркынмонэ усьтэмын. Татын Тол Бабай но Лымыныл Шарканэ лыктэм куноосты пумиталляло[3].
Юртъер котырын Тол Бабайлэн коркаез ӝутэмын[4]. Татын ик мукетыз тунсыко инты вань ― Обыдалэн, удмурт баба Ягалэн коркаез. Со Обыда-кар шуыса нимаське[2].
Юртъере пыронынгес бадӟым сцена пуктэмын, татысен Тол Бабай люкаськем калыклы вазиськылэ, татын театрализованной представлениос ортчыло. Со сяна, юртъер котырын вань на нылпи кар, вал гид, кафе-беседкаос, «Тол Бабай дорын» нимо гостиница[5].
Ужрадъёс
Тол Бабайлэн юртъераз кунояны вуылӥзы Великий Устюгысь Тол Бабай, Кыш Бабай но Кар Кызы (Татарстан), Чувашиысь Хель Мучи, Урал-Мороз, Байкалысь Тол Бабай но Вятские Поляныысь Метелица нимо нылаш. Татчы Лапландиысь Санта-Клаус но вуылӥз[3].
2012-тӥ арысен татын радъяське «Выжыкылысь геройёс Тол Бабай дорын» фестиваль. Со Выль ар шулдыръяськонъёслы кутскон сётэ.
Мифология
Тол Бабай (ӟуч кылэ берыктыса "Зимний дед") — удмурт мифологиысь персонаж, славян калыклэн Дед Морозэз выллем.
Мадёсъёсъя, Тол Бабай — вашкала дыре Удмурт шаерын улэм алангасаръёс пӧлысь берпуметӥез. Со бадӟым макеос татчы адямиос вуытозь улӥллям. Адямилэн визьмо луэмезлэсь кышкаса, Кар-гурезь пушкы ватскиллям, Шаркан ёрослэн туала интывылаз. Нош соос пӧлысь тужгес пичиез, вордӥськем интыеныз люкиськыны шуыса ӝегаменыз, гурезе пырон пасез пытсаськем, но алангасар музъем вылэ чылкак огназ кылем.
Юрттӥсьёсыз
Лымыныл (ӟуч кылэ берыктыса "Снежная девочка"), Сандыр агай (ӟуч кылэ берыктыса "Брат Александр"; Сандыр — Александр нимлэн удмурт вариациез)