Выжыкылысь геройёс Тол Бабай дорын

Википедиысь материал
Выжыкылысь геройёс Тол Бабай дорын
В гостях у Тол Бабая.jpg
фестиваль[d]
Кутсконэз 2012
Ортчытон интыез
57°18′42″ с. ш. 53°53′05″ в. д.GЯO
Ортчытон интыез
Кун
Сайт tolbabay.net

Выжыкылысь геройёс Тол Бабай дорын (ӟуч: Сказочные герои на родине Тол Бабая) — Удмуртиын арлы быдэ ортчись улоскуспо фестиваль. 2012-тӥ арысен радъяське. Выль ар шулдыръяськонъёслы кутскон сётэ. Валтӥсь ужрад — элькунысь чеберъям валтӥсь кызэз ӝуатон.

Историез

Нырысетӥез «Выжыкылысь геройёс Тол Бабай дорын» фестиваль ортчиз 2012-тӥ арын удмурт Тол Бубалэн Шарканысь резиденцияз. Кичӧлтонэн потӥз Шаркан ёросысь лулчеберетъя но туризмъя управление, ужрадэз радъязы ёросысь лулчеберетъя юрт но Егитъёслэн элькун юртсы. Фестивале быдэс элькунысь выжыкыл персонажъёс вуизы, соосты туризмъя ужъюртъёс дасязы. Куноос выжыкылысь геройёслэсь карнавалзэс сӥё-дано усьтӥзы, отӥяз котырес ӝӧк сьӧрын кенешонэ пыриськизы[1].

2013-тӥ арын удмурт фестивале вуылӥз Великий Устюгысь росси Тол Буба. Сое Удмуртиысь выжыкыл геройёс пумитазы: Лопшо Педунь но Вумурт, Моко но Боко, Пельнянь, Яг Баба но Нюлэсмурт[2]. Ужрадэз арлы быдэ ортчытъяны ӧдъязы, со улоскуспо фестиваль луиз.

2019-тӥ арын отчы, росси выжыкыл геройёс сяна, финн Йоулупукки  [ӟуч] (удм. вуылӥз. Со аре фестивальын быдэс элькунысь но артысь улосъёсысь 6 сюрслэсь ятыр куноос шулдыръяськизы[3].

Пӧртэм аръёсы фестивале пыриськизы: Костромаысь Лымыныл (ӟуч: Снегурочка), Татарстанысь Кыш Бабай  [ӟуч] (удм. но Кар кызы, Байкалысь Тол Буба, Вятские Поляныысь Метелица нимо ныл, Переславль-Залесскийысь Берендей эксэй  [ӟуч] (удм., Чувашиысь Хель Мучи  [ӟуч] (удм. но Юр Пике, Мордовиысь Якшамо Атя  [ӟуч] (удм. но Масторава, Карелиысь Морозец-Паккайне, Бурятиысь Сагаан Убген  [ӟуч] (удм., Марий Элысь Йушто Кугыза  [ӟуч] (удм., Ленинград улосысь Добродеевич Мороз[4][5].

Удмуртиысь туризмъя агентство ӵектэмъя, 2023-тӥ арын фестивалез 2024-тӥ арлы чаклам ужрадъёсын элькун календаре пыртӥзы[6].

Ужрадъёс

Фестивальлэн валтӥсь ужрадэз луэ Удмуртиысь валтӥсь кызэз сӥё-дано ӝуатон[3]. Со сяна, кык нунал ӵоже лымыпогъёс (ӟуч: снеговик) куспазы вожмаськыса бызьыло, пӧртэм мастер-классъёс, шудонъёс но шулдыръяськонъёс, театрализованной адӟытонъёс, выль ар ярмарка, костюмъёсын хороводъёс но юмшанъёс ортчо[4].

2023-тӥ—2024-тӥ аръёсы толалтэ фестиваль улсын Ижкаретӥ гожеръяз «Тол Бабай трамвай», кык арня ӵоже огпол отын «волшебник» луыса ужалляз ачиз Тол Бабай[7].

Данъетъёс

  • 2017-тӥ арын толсуре «Выжыкылысь геройёс Тол Бабай дорын» фестиваль аналитикая «ТурСтат» агентстволэн рейтингаз куинетӥ интые потӥз, отчы 2017-тӥ—2018-тӥ аръёсысь Россиысь тужгес дано тол фестивальёс но шулдыръяськонъёс сюризы[8];
  • 2018-тӥ арын Тол Бабай Россиысь «Тужгес шуныт куно пумитась 5 „песятайёс“» пӧлы пыриз[5].

Валэктонъёс

  1. ↑ Лия Малых (14-11-2012) Тол бабай люка эшъёссэ [удм.] Удмурт дунне. Эскеремын 03-11-2025 арын
  2. ↑ Ангелина Снигирёва (18-12-2013) Ӟуч Тол бабай Шаркан ёросын кунояськиз [удм.] Удмурт дунне. Эскеремын 03-11-2025 арын
  3. ↑ 1 2 Лада Иванова (09-12-2019) «Ёлочка, гори!»: фестиваль «Сказочные герои на родине Тол Бабая» открыли в Удмуртии [ӟуч] Ижлайф. Эскеремын 03-11-2025 арын
  4. ↑ 1 2 Межрегиональный фестиваль «Сказочные герои на родине Тол Бабая» [ӟуч] Центр развития туризма Удмуртской Республики. Эскеремын 03-11-2025 арын
  5. ↑ 1 2 Элина Кумачёва (12-12-2019) Кыз ӝуатэмын, кузьымъёс дасямын [ӟуч] Удмурт дунне. Эскеремын 03-11-2025 арын
  6. ↑ Туристический календарь на 2024 год презентовала Удмуртия в Москве [ӟуч] udm-info.ru (6-12-2023). Эскеремын 03-11-2025 арын
  7. ↑ По Ижевску пустили «Трамвай Тол Бабая» ― удмуртского Деда Мороза [ӟуч] национальныепроекты.рф (12-11-2023). Эскеремын 03-11-2025 арын
  8. ↑ Валерия Шаньгина (01-12-2017) Фестиваль «Сказочные герои на родине Тол Бабая» в Удмуртии вошел в топ-10 лучших фестивалей в России [ӟуч] izh.kp.ru. Эскеремын 03-11-2025 арын

Чӧлсконъёс

«https://udm.ruwiki.ru/w/index.php?title=Выжыкылысь_геройёс_Тол_Бабай_дорын&oldid=507121»-ысь басьтэмын