Выль ар
| Выль ар | |
|---|---|
 Выль ар кыз | |
| Валатонэз | Выль улон вакытлэн кутсконэз |
| Пусъё | Григориан дырпусэз кутӥсь кунъёс |
| Дырыз | Григориан дырпусъя арлэн нырысетӥ нуналыз (1 толшор) |
| Пусъён ужрадъёс | Фейерверкъёс, семьяен ӝӧксьӧр пуконъёс, шулдыръяськонъёс |
| Герӟаськемын | Толсур, Выль ар азь нунал, Вуж Выль ар |
 Медиафайлъёс РувикиМедиа пушкын | |
Выль ар ӟуч: Новый год — дырпусысь валтӥсез праздник, ортчись арысь берпуметӥ нуналлэн вуоно арысь нырысетӥяз выжон вакыт[1]. Тросэз калыкъёс пусъё дырпуссыя тупась дыре.
Арлэсь кутсконзэ 1-тӥ толшоре тупатӥз рим кивалтӥсь Юлий Цезарь 46-тӥ арын асьме вапумлэсь азьпал[2]. Вашкала Римын та нунал Януслы сӥземын вылэм (быръёнлэн, пырон ӧслэн но ваньмызлы кутскон сётӥсь инмар). Январь толэзьлэн нимыз Януслэн нимызъя кылдэмын, сое котьку кык ымныро возьматъязы: одӥгез азьлань учке, мукетыз — мышлань[3].
Выль ар нунал
Тросаз кунъёсын Выль арез 1-тӥ толшоре пусъё[4], Григориан дырпусъя арлэн нырысетӥ нуналаз. Часовой поясъёсъя учконо ке, Выль ар Чус океанын кутске, нырысь ик сое пусъе Лайн шормуӵъёсы интыяськем Карибати Элькун (часовой пояс UTC+14). Ваньмызлэсь бер сое пусъе Мидуэй но Ниуэ шормуӵъёсын улӥсь Американ Самоа калык (часовой пояс UTC−11) — Кирибатиын со вакытэ 2-тӥ толшор уйшор бере 1 час луэ ини[5]. Куд-ог кунъёс Выль арез Толэзь дырпусъя пумитало[6][7][8].
Выль арез 1 толшорысен пумитаны кутскизы 153-тӥ арын асьме вапумлэсь азьпал, малы ке шуоно, ӵапак та дырысен рим консулъёс ужоскетъёссэс кутскылӥзы . 46-тӥ арын асьме вапумлэсь азьпал рим полководец но вылӥ жрец Гай Юлий Цезарь аслэсьтыз выль дырпуссэ кутӥз («юлианский») но пыраклы арлэсь кутсконзэ 1 толшоре юнматӥз. Цезарь кивалтон вакытэ, Выль ар праздниклэн нимаз выльзэ арез кутскись валатонэз кылдӥз.
- 1-тӥ толшор — Выль ар григориан, юлиан но новоюлианской календаръя.
- 21-тӥ толшор но 21-тӥ толсур вискын (одӥгаз нуналэ) — китай Выль ар (Китай).
- 21 яке 22-тӥ южтолэзь — иран Выль ар Навруз (Иран, Азербайджан, Казахстан[9], Киргизия, Таджикистан, Туркмения, Узбекистан).
- 13-тӥ оштолэзьысен 15-тӥ оштолэзёзь — Сонгкран (тайск. สงกรานต์) — тайской Выль ар.
- 14-тӥ оштолэзе — бенгальской Выль ар (Бангладеш).
- Песах бере 163 нунал ортчыса (5-тӥ куарусёнлэсь азьпал но 5-тӥ коньывуонлэсь бергес медаз луы) — еврей праздник Рош ха-Шана (Израиль).
Вуж Выль ар
Вуж Выль ар — юлиан дырпусъя пусйиськись Выль ар. 1901 арысен 2100-тӥ арозь григориан но юлиан куспын пӧртэмлыкез 13 нунал, юлиан дырпусъя, Выль ар 31 толсурысь (13 толсурысь) 1 толшоре (14 толшоре) выжон уйлы тупа. Валатонэзъя, дыр лыдъянлэн истори ласянь воштӥськемез. Пусйиське Россиын, Белорусиын, Украинаын, Казахстанын, Грузиын, Армениын, Азербайджанын, Сербиын, Швейцариын но дуннеысь мукет кунъёсын.
Арлэн кутсконэз 1-тӥ толшоре
1-тӥ толшорез арлэн кутсконэныз лыдъяны кутскытозь трос дыр ортчиз. 1-тӥ толшорез арлэн кутсконэныз лыдъяны пӧртэм кунъёсын пӧртэм аръёсы кутскизы:
| Кун | Арлэн кутсконэз[10][11] |
|---|---|
| Венециан Элькун | 1522 |
| Швеция | 1529 |
| Священной Рим империя (~ Германия) | 1544 |
| Испания, Португалия, Польша | 1556 |
| Пруссия, Дания[12] но Норвегия | 1559 |
| Франция (Карл IX Руссильон эдиктэзъя ) | 1564 |
| лымшор Нидерланды[13] | 1576 |
| Лотарингия | 1579 |
| Голланд Элькун | 1583 |
| Шотландия | 1600 |
| Речь Посполитая (~ Белоруссия, Латвия, Литва, Польша, Украина) | 1362[14] |
| Росси империя | 1700 |
| Тоскана | 1721 |
| Великобритания, Ирландия но Британская империя Шотландиез лыдэ басьтытэк |
1752 |
| Япония | 1873 |
| Китай (Тайвань но КНР) | 1912 |
| Греция | 1923 |
| Турция | 1926 |
| Таиланд | 1941 |
Пиротехника
Выль ар шулдыръяськонъёс дыръя паськыт кутӥсько пӧртэм пиротехнической арбериос: хлопушкаос, бенгальской тылъёс но берло дас аръёсы — салютъёс, ракетаос, рим сюсьтылъёс, бадӟым но пичи петардаос но мукет.
Выль арез пумитан ужрадъёсын пиротехнической арбериосты нырысь ик Азиысь кунъёсын кутыны кутскизы, кылсярысь, Китайын. Татысь калык сое сьӧд кужымъёсты, убиръёсты кышккатон вылысь кутэ, малы ке шуоно, татын улӥсьёс убиръёс яркыт тылъёслэсь но зол куараослэсь кышкало шуыса оско. Берлогес та сям быдэс дуннее вӧлскиз. Фейерверкъёс но петардаос арлэн нырысетӥ нуналаз нунал-лумбыт уг чалмыло.
Дары, петарда но фейерверк сокем кемалась кылдытэмын ӧвӧл ке но, Выль ар уе сьӧд кужымъёсты уллян понна туж зол шуметон сям сюрс аръёс талэсь азьпал ик вал ини. Вашкала мадёсъя, вань интыосысь уллям убиръёс асьсэлы выль улон инты утчаса, тупась коркаез синйылто но отчы каръясько, собере солэн кузёосызлы ар ӵоже пӧртэм шуг-секытъёс кылдытъяло. Нош Выль арез пумитаку туж зол шуметэмлэсь соос кышкало но улон коркаослэсь палэнэтӥ кошко.
Туала вакытэ дуннеысь тросэз кунъёс но шоркаръёс Выль ар уе пиротехнической шоу кылдытон понна трос миллион доллар уксё быдто. Соин валче, пиротехникаез тросэн кутэм, уката но быдэ вуымтэосын, Выль ар уе бадӟым кышкытлык кылдыто.
Озьы ик учке
Валэктонъёс
- ↑ Новый год : [арх. 8 толсуре 2022] / Е. С. // Николай Кузанский — Океан. — М. : Большая российская энциклопедия, 2013. — С. 246. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 23). — ISBN 978-5-85270-360-6.
- ↑ Климишин И. А.часть=. Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 288—289. — 478 с. — 105 000 экз. — ISBN 5-02-014354-5.
- ↑ The World Book Encyclopedia. 1984. Т. 14. С. 237.
- ↑ Best places to go for new years [англи]
- ↑ Новый 2013 год наступил в России [ӟуч]
- ↑ World Time Zone UTC+14
- ↑ Harris, Aimee Millennium: Date Line Politics
- ↑ Greenwich Greenwich Meantime, Kiribati
- ↑ Навруз в Казахстане – выходные продлятся пять дней подряд
- ↑ Mike Spathaky Old Style and New Style Dates and the change to the Gregorian Calendar: A summary for genealogists
- ↑ The Change of New Year's Day Homepages.tesco.net.
- ↑ Дания 1-тӥ толшорез арлэн кутсконэныз 14-тӥ даурлэн кутсконаз ялӥз, RW Bauer (Calender for Aarene fra 601 til 2200, 1868/1993 ISBN 87-7423-083-2), нош 1559-тӥ арозь арлэн лыдпусэз 1-тӥ толшорысен ӧз дыдъяськылы.
- ↑ 1572-тӥ арын 16-тӥ инвожое кутэм Косэтъя. Герман Гротефенд, Osteranfang " (начало Пасхи), Zeitrechnung de Deutschen Mittelalters und der Neuzeit (Хронология немецкого средневековья и современности) (1891—1898)
- ↑ Иванов Е. История праздников Нового года и Рождества. «Новый год и Рождество в открытках»
Литература
- The world book encyclopedia, vol. XXVI, 1984, 237 p.
- Michel Quesnel, " Jésus et le témoignage des Évangiles ", in Aux origines du christianisme, éd. Gallimard/Le monde de la Bible, 2000, p. 201—202.
- Anthony Aveni, «Happy New Year! But Why Now?» in The Book of the Year: A Brief History of Our Seasonal Holidays (Oxford: Oxford University Press, 2003), 11-28
- Rintluanga., Pachuau,. Mizoram : a study in comprehensive geography [англи]. — New Delhi: Northern Book Centre, 2009. — P. 9. — ISBN 8172112645.
- Шаблон:Citation/core
- Шаблон:Citation/core
Архивная копия от 11 тулыспалэ 2017 на Wayback Machine
- Arthur M. Eckstein. Senate and General: Individual Decision-making and Roman Foreign Relations, 264-194 B.C [англи]. — University of California Press, 1987. — P. 16.
- Шаблон:Citation/core
- General Introduction, §IV. The date of the Opuscula varia // Early Writings I / Matheeussen, Constant; Fantazzi, Charles; George, Edward V.. — Leiden: E. J. Brill, 1987. — Т. 1. — С. xvii. — (Selected Works of Juan Luis Vives). — ISBN 9789004077829.. — «The town of Louvain, belonging to the duchy of Brabant, used the Easter Style, beginning the year at Holy Saturday.».
Чӧлсконъёс
- Les différentes dates du Jour de l’an au cours des siècles
- Tek Web Visuals, Cochina New Year's Day World e scan.
- Ben, Tzvi Rosh Hashanah: Prayers, Shofars, Apples, Honey and Pomegranates Israelnationalnews.com.
- The Change of New Year's Day Homepages.tesco.net.
 | |
|---|---|
| Библиографической каталогъёсын |
