Санта-Клаус

Википедиысь материал
Санта-Клаус
англ. Santa Claus
Санта-Клаус
Санта-Клаус
Кылдытӥсез Кар фольклор
Прообразэз Николай Чудотворец[d], Толсур Атай[d] но Синтаклаас[d]
Шудэмын Кевин Харт[d][1]
Ивортодэт
Видэз адями
Ныл-пи луэмез пиосмурт
Ужудысэз Толсуре кузьым сётъя
Ӵыжы-выжыосыз кузпалыз Миссис Санта-Клаус

Санта-Клаус (англ. Santa Claus) — Толсур песятай, матын луэ Николай Чудотворецлы, Шундыпуксёнпал Европаысь но Уйпал Америкаысь Толсуре кузьымъёсын вуись выжыкыл (фольклор) персонаж.

Санта-Клауслэн вордӥськем интыез пумысен али ке но споръяськонъёс мыно: Лапландия яке Уйпал полюслы матын луись интыос[2].

Санта-Клауслэн кылдэмез

Святой Никола куанер нылъёслы куштэ уксё пуйы. Гравюра 1587 г.
Сентиментальной (либыт сюлэмо) Санта-Клаус. 1889

Санта-Клауслэн тусъетэз (Санта — «вӧсьлыко», Клаус — «Николай») луэ ваньмызлы тодмо христиан вӧсьлыко Николай Чудотворец, яке Николай Мирликийский, епископ Мир Ликийских ( 270-тӥ — 345-тӥ аръёсыгес). Огпол уйин вӧсьлыко Николай кыӵе ке карын улӥсь куанерлэн корка пушказ уксёен пуйы куштэм. Солэн куинь нылъёсыз вылӥллям, нош пирдан сётыны уксёез вылымтэ. Со куанер мурт одӥгзэ нылзэ публичной юртэ сётыны малпам. Озьы, пе, мукетъёссэ картлы сётыны луонлык кылдоз (валамон ни, нылпиослы вераллязы луоз куанер нылашлэн йырдунызлы лушкем кузьым сярысь)[2][3]. Шундыпуксён Европаын вӧсьлыко Николай уксё пуйызэ муръёетӥ куштэм шуыса мадён кылдӥз. Пуйы гур азе куасьтыны ошем чулкае усем [4]. Нырысь-валысь 6-тӥ толсуре, вӧсьлыко Николайлэн нуналаз, Шундыпуксён шаеръёсын солэн нимыныз пиналъёслы кузьым кузьманы чакламын вал. Кузьымъёссэс уйин чулка пушкыттырылыны тыршылизы. Реформация вакытэ, куке вӧсьлыкоосты умоен ӧз лыдъяллялэ, Германиын но артысь кунъёсын кузьым люкылӥсь персонаж пичи пилы - Христослы пӧрмиз. Нош кузьым кузьман нуналзэ 6-тӥ толсурысь 24-тӥ толсуре выжтӥзы, ӵапак толсур ярмаркаос дыръя. Контрреформация вакытэ толсур пумын, Толсуре (Ымусьтонэ) выльысь вӧсьлыко Николайлэн нимыныз кузьымъёс кузьманы кутскизы. Куд-огъёсаз Шундыпуксён шаеръёсын вашкала сям-йылолъёс али дыре но возисько. Кылсярысь, Нидерландын, вӧсьлыко Николайлэсь нимзэ ас сяменызы Синтаклаас шуыса верало, покчиос солэн нимыныз кузьым 5-тӥ толсуре, озьы ик Толсуре (Ымусьтонэ) басьто.

Голландиысь колониын улӥсьёслы луыса, 1965-тӥ аръёсы кылдӥз Новый Амстердам пуксёс (гурт). Туэ вакытэ Нью-Йорк карлы (городлы) пӧрмытэмын. Вӧсьлыко Николайлэн мудорез Уйпал Америкае вуиз. Со дыре отысь англи калык Толсурез ӧз пусйылы.

1809-тӥ арын американ гожъяськисьлэн Вашингтон Ирвинглэн «История Нью-Йорка» поэмаез потӥз. Отын, голланд кивалтон вакыт сярысь тодэ вайытыса, вӧсьлыко Николаез Выль Амстердамын сӥлы карон сям сярысь гожтэм.

Санта-Клаус Томас Настлэн суредэз вылын (1881). Кылбурчи Клемент Кларк Мур и суредась Т. Наст юрттӥзы ӟечгес возьматыны туала куронъёсъя та персонажез[2]
Томас Наст. Астуссуред

1822-тӥ арын арын Колумбийской университетысь восточной но греческой литератураен дышетӥсь Клемент Кларк Мур аслаз нылпиосызлы кылбур амалэн Толсур выжыкыл гожтэм,  отын нылпиослы кузьым выжыкылысь персонаж — Санта-Клаус кузьымъёс кузьмалля [5]. 1823-тӥ арын со поэмаез Sentinel газетын «Ночь перед Рождеством, или визит Святого Николая» нимын Толсур азьын поттӥзы[5]. Поэма соку калык пӧлын ӝӧг вӧлмиз но туж тодмо луиз, 1844-тӥ арын сое выльысь печатлазы. History Channel американ телеканалын 2000-тӥ аръёсы потӥсь «Легенды Санты» документальной программаын ивортӥзы[2]: « Клемента Муралэн пероезлы луыса, вӧсьлыко Николай Санта-Клауслы пӧрмытскиз» но «1840-тӥ арын быдэс Америка Санта-Клаус сярысь тодӥз. Таӵе маскара песятаез асьмелы Клемент Мур кузьмаз». Со кылбурын ик нырысьсэ тодэ вайытэмын Санта-Клауслэн пужейёсыз сярысь (классической укмыс пужейёс пӧлысь тямысэз).

1863-тӥ арын Америкаысь дано суредась Томас Наст, Harper’s Weekly журналын ужакуз, Клемент Кларк Мурлэн книгаезъя суредам Санта-Клаус персонажез аслаз политической карикатура (серемес суред) поттонназ кутӥз — кузьмаськись герой музэн. Персонаж калык пӧлын туж тодмо луиз. Берлогес Наст Санта-Клауслэн улонысьтыз тумошо учыръёсын «Харпер Уикли» нылпи журналын но мукет изданиосын маскара суредъёс поттылӥз. Аслаз суредъёсыз пыр Наст пыр-поч возьматылӥз Санталэсь улэм-вылэмзэ.

Суредась нырысьсэ тодэ вайытӥз, Санта Уйпал полюсын улэ но нылпиослэсь ӟеч но урод лэсьтэм ужъёссэс пусйись нимысьтыз книга нуэ шуыса[2]. Настлэн суредъёсызъя чакланы луэ, кызьыСанталэн вылтусыз пумен воштӥське: куаем мӧйы эльфысь зэмлыко луись небыт гоно вакчи шубаен мыло-кыдо персонажлы пӧрме. History Channel телеканаллэн верамезъя, «Наст Санта-Клаусэз ас вылысьтыз суредам ». Вылтусызъя суредась сӥлё-виро, пичи мугоръем , бадӟым мыйыко но паськыт тушо адями вылэмл.

Нырысь-валысь Настлэн суредъёсаз Санталэн вакчи шубаез курень тусъем вал, но выль суредъёсыз потэмъя, горд тусъем луиз[2].

1931-тӥ арын «Кока-кола» компания толалтэ юзматӥсь юонъёсын вузаськонэз будэтон вылысь ялон лэзиз. Соку ӵектэмын вал Санталэн туала вылтусыз, кудзэ выльдӥз Хэддон Сандблом. Ӵапак таизлы суредасьлы сӥ-дан сётӥське, Санта-Клауслэсь синмаськымон выль образзэ кылдытэмез понна , кудӥз быдэс дуннеын тодмо луэ [5].

Санта-Клаус эльф выллем «Пак» (Puck) журналлэн вылбамаз, 1904

Сандблома выльдэмъя, Санталэн шубаез гордбуёло[* 1], дурыз тӧдьы гонэн чебермамын[5]. Нырысьсэ таӵе тусын персонажез вӧзьматӥсьёс пӧлы «Кока-Кола» компаниез пыртыны уг луы. Трослы солэсь азьпал та выллем дӥсен Сантаез «Пак» (Puck) юмористической журналлэн вылбамаз поттылӥзы ни вал (1902-тӥ, 1904-тӥ,1905-тӥ аръёсы) но White Rock Beverages компанилэн юзматӥсь юонъёслы реклама карись плакат вылъёсаз (1915-тӥ но 1920-тӥ аръёсы)[6][7].

Санта-Клауслэн транспортэз

Санта-Клаус оленьёсыныз (пужейёсыныз)

Санта-Клаус кыткем пужейёсын дӧдьыын ветлэ шуыса лыдъяське. Котькуд пужеезлэн аслаз ниыз вань :

  • Дэшер («Ӝог бызьылӥсь»),
  • Дэнсер («Эктӥсь»),
  • Прэнсер («Тэтчась»),
  • Виксен («Керӟегъяськись»),
  • Комет («Быжокизили»),
  • Кюпид («Купидон (Рим.мифологиысь яратонлэн инмарез)»),
  • Доннер (Дандер) (нем. но голланд. «Гудыри»)
  • Блитцен (Бликсем) (голл. «Чилектэм»).

Та нимъёсты нырысьсэ кылыны луиз 1823-тӥ арын «Ночь перед Рождеством» кылбурысь. Бӧрысьгес американ фольклоре эшшо одӥг пужей пыртэмын на вал — Рудольф, пиштӥсь горд ныро, кыткетын валтӥсез луэ. Со 1939-тӥ арын Чикагоын рекламаен радъям ужрад бере вуиз.

Офицеръёс компьютер пыр Санта-Клаусэз дасяло радиолокационно келяны кулэ интые

1955-тӥ арын Уйпал Америкаысь Воздушно-космической обороналэн Командованиез (NORAD) утем улсын кылдытэмын вал шулдыртӥсь Толсур программа NORAD Tracks Santa. Со программа кыстӥськытозь, NORAD система чакласа возе Санта-Клауслэн дӧдьыезлэсь малпам интыосы вуылэмзэ. Та сярысь иворто Ивор вӧлмытон ёзъёс, пӧсь телефон линия но специальном сайте .

Санта-Клауслэн ӵош ветлӥсь эшъёсыз

Пӧртэм йылолъёсын Санта-Клаус мукет персонажъёсын ӵош пота, куд-огез соос пӧлысь лякыт сямо, куд-огез лек. Кылсярысь, альпийской улослэн фольклораз Санталэн эшез лусьтро но сюро Крампус, кудӥз кылзӥськисьтэм пиналъёсты наказать карылэ но кышкатэ.

Рованиеми - Санта-Клауслэн гуртэз

Санталэн официально сертифицированной улон интыез — « Санталэн гуртэз» лыдъяське Финляндиысь Рованиеми[8]. Со кылдытэмын 1984-тӥ арын. Отчы арлы быдэ 600 сюрс пала адямивуылэ[9].

«Деревня Санта-Клауса» в Рованиеми

Ватсам тодэтъёс

  • Санта-Клауслэсь вордӥськем нуналзэ пусъё 6-тӥ толсуре[10].
  • 1937-тӥ арын 27-тӥ куарусёнэ Америкаысь Альбион карын Санта-Клаусъёсты дышетонъя нырысетӥез школа усьтӥськиз[11].
  • 1912-тӥ арын США-ысь почтаосын нырысьсэ усьтӥськиз «Санталы гожтэт» ужрад . Со выллем сыӵе уж нуисьёс мукет кунъёсын но вань[8].

Озьы ик учке

Валэктонъёс

Комментарии
  1. ↑ Совпадающим — намеренно или случайно — с цветом напитка «Кока-Кола» и его оригинальной фирменной крышечки
Источники
  1. ↑ Kit B. Kevin Hart in Talks to Play Santa Claus in Disney's 'Dashing Through the Snow' (Exclusive) (англ.) // The Hollywood Reporter / J. Min — Los Angeles: Penske Media Corporation, 2016. — ISSN 0018-3660
  2. ↑ 1 2 3 4 5 6 Портал о странах и народах мира.
  3. ↑ житие св. Николая Чудотворца
  4. ↑ Three Impoverished Maidens or The Story of The Dowries // St. Nicholas Center
  5. ↑ 1 2 3 4 Александр Ткаченко От святителя Николая до Санта Клауса
  6. ↑ Does Santa Claus still drink White Rock? [англи] White Rock Collectors Association (whiterocking.org).
  7. ↑ Coca-Cola’s Santa Claus: Not The Real Thing! [англи] BevNET.com.
  8. ↑ 1 2 Секрет Санта-Клауса, The Epoch Times (27 толсуре 2021). Эскеремын: 14 шуркынмонэ 2024 арын.
  9. ↑ The Guardian: как Рованиеми стал официальной резиденцией Санта-Клауса, Sputnik Латвия (19 толсуре 2018). Эскеремын: 14 шуркынмонэ 2024 арын.
  10. ↑ 6 декабря — день рождения Санта-Клауса: как появился образ зимнего волшебника, Известия (5 толсуре 2023). Эскеремын: 14 шуркынмонэ 2024 арын.
  11. ↑ "РГ" рассказывает о том, что должен знать каждый Санта-Клаус, Российская газета (27 куарусёнэ 2013). Эскеремын: 14 шуркынмонэ 2024 арын.

Литература

  • Ви­но­гра­до­ва Л. Н. Мо­роз // Славянские древности. М., 2004. Т. 3;
  • Ива­но­ва-Бу­чат­ская Ю. В. Не­мец­кое Ро­ж­де­ст­во: тра­ди­ци­он­ные ком­по­нен­ты, пред­ме­ты и сим­во­лы в кол­лек­ци­ях и ар­хив­ных ма­те­риа­лах МАЭ // Куль­тур­ное на­сле­дие на­ро­дов Ев­ро­пы. СПб., 2011.
  • Санта-Клаус : [арх. 29 толсуре 2022] // Румыния — Сен-Жан-де-Люз [Электронный ресурс]. — 2015. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 29). — ISBN 978-5-85270-366-8.

Чӧлсконъёс

«https://udm.ruwiki.ru/w/index.php?title=Санта-Клаус&oldid=476669»-ысь басьтэмын