Тол Бабай (Дед Мороз)

Тол Бабай
Мифология	восточнославянской кар фольклор
Нимызлэн валатонэз	тол персонаж, кезьытлэн улэп тусыз
Мукет кылъёсын нимыз	укр. Дід Мороз бел. Дзед Мароз пол. Dziadek Mróz чеш. Děda Mráz словен Dedek Mraz серб Дедо Мраз болг. Дядо Мраз
Кин луэмез	пиосмурт[d]
Нылпиез	Лымыныл
Со выллем персонажъёс	Лымыныл, Выль ар пияш
Со выллем валатонъёс	выль ар кыз, кузьымъёс
Со выллем учыръёс	Выль ар
Атрибутъёс	боды, шуба, пӧзьёс, гын сапег, туш, пуйы
Мукет  культураосын	Санта-Клаус но со выллем персонажъёс
Медиафайлъёс РувикиМедиа пушкын

Тол Бабай ӟуч: Дед Моро́з  — Выль ар шулдыръяськонын валтӥсез выжыкыл персонаж, Толсуре кузьмаськись Николай Угодниклэн ӟуч вариантэз .

Солэн прообразъёсыз луо Мороз — славян калык выжыкылъёсысь но календарной обрядъёсысь персонаж, но Шундыпуксёнпал Европаысь Николай чудотворецлэн тусъетэзъя кылдытэм толсур персонажъёс (Санта-Клаус но мукет.). 1840-тӥ арысен (Мороз Иванович шуыса) тодмо луэ. Выль ар персонаж чотын кылдэмын Совето вакытэ, 1930-тӥ аръёслэн пумаз, Выль ар шулдыръяськонъёсты выльысь ортчытъяны лэзем бере.

Тол Бабай чагыр яке горд шубаен возьматӥське, тӧдьы кузь тушен, кияз чебермам бодыен, пыдаз гын сапеген. Куинен кыткем валэн ветлэ. Ӵемгес Лымынылынызӵош вуэ, нош совето вакытэ бордазы ― вуись выль арлэн тодметэз ― Выль ар пияш вал на. Озьы ик куд-ог дыръя соосын ӵош тэль пӧйшуръёс луыло.

Славян фольклор но сям-йылолъёс

«Дед Мороз», В. М. Васнецов, 1885

XVIII—XIX дауръёсы кезьытэз возьматӥсь кыӵе ке лулос яке Тол Бабай нимо персонаж ӟуч крестьян калык пӧлын тодмо ӧй вал. Со языческой инмар шуыса малпан берлогес кылдӥз.

Шундыӝужанпал славянъёслэн Тол Бабаез инкуазь явление чотын Вожодыре яке Паска нуналэ куно карон сямзы пумиське (сое кутьяен, кисален, мильымен утялто). Вуоно арын кизем юосты но бакча сиёнъёсты медаз кынты шуыса, Тол песяез одно ик вӧсям сиён-юонэн куноятыны кулэ. Вожодыре семьяез утись пересьёсты — кулэм ӵыжы-выжыосты куно каро, сое сӥлы карыса, солы пан Мороз яке Мороз Васильевич шуыса вазисько. Солы салам кельтыса, кизем-мерттэмъёссы удалтозы шуыса оскылӥзы.

Тол Бабай вань славян сямъёсын, визькылъёсын но лэчыт веранъёсын пумиське. Шундыӝужанпал славянъёслэн Тол Бабайзы — кужмо батыр, вуосты «корт кезьытэн» дурись, (калинникен, калык валатонъя «калить» глаголлэсь пӧрмемын). Дурисен герӟаськем та выллем веранъёссы пумисько чех но сербо-хорват фразеологической оборотъёсын но калык сямъёсын. Ӟуч выжыкылъя Тол Бабай (Трескун, Студенец) Шундыен но Тӧлын ваче ветлэ но пумитазы шедем воргоронэз кынтыны дауртэ, сое ӵошатыны луэ йӧ коркан улӥсь Тол Бабаен, кудӥз дораз вуэмъёсты кузьымъёсын шумпоттэ. . А. Н. Афанасьевлэн 1856-тӥ арын печатлам выжыкылъёсаз пумиське Морозко — толлэн луло тусъетэз, со пумитаз шедем нылашъёслы шуген быдэстымон ужъёс сётъя.

Тол Бабайлэн образэз — ӝужыт (яке туж лапег) кузь тӧдьы тушо пересь, уйпалась лыктыса, бусыостӥ ветлэ, бодыеныз йыгаса ваньзэ кынтэ (со сярысь нырысьсэ верамын Афанасьевлэн ужъёсаз, собере славян мифологияя мукет эскеронъёсын пумиське), берло ортчытэм этнографической но фольклорной зэмослыкъёсын ӧвӧл юнматэмын.

Образэзлэн кылдэмез

Революцилэсь азьпал Толсурлы поттэм открытка

С. Б. Адоньева аслаз эскеронъёсаз Тол Бабайлэсь но Лымыныллэсь Выль ар персонаж чотын ккутӥськемзэс совето вакытэн герӟа, 1930-тӥ аръёслэн пумаз, куке кӧня ке ар ӵоже алэм Выль ар шулдыръяськонъёс выльысь лэземын вал. Е. В. Душечкина, та малпанэн огъя соглаш кариськыса , образлэсь кӧня ке вазьгес кылдэмзэ возьматӥсь источникъёсты ӵектэ. Со сярысь рос-прос нимаз книгааяз гожтэ.

Литературае Тол Бабай А. Н. Афанасьевлэн печатлам выжыкылъёсызлэсь (1856) вазьгес вуиз. В. Ф. Одоевскийлэн «Сказки дедушки Иринея» (1840) бичетаз«Мороз Иванович» выжыкыл пыртэмын вал , отын нырысьсэ сётэмын солэн фольклорной но обрядовой валатонъёсыз. Одоевскийлэн кылдытэм образэз выль ар персонажлы уггес тупа. Выжыкылын возьматэмын тулыс. Соин ик Мороз Иванович йӧ шаерын улэ, отчы колодча пыр гинэ пырыны луэ. Мороз Иванович нылпиос доры уг лыкты, нылпиос асьсэос со доры лыкто. Нокыӵе кузьымёс со уг сётъя, озьы ке но, ӟеч лэсьтэм уж понна кузьмаськыны быгатэ. Е. В. Душечкина верамъя:

… образ этот уже узнаваем: «добрый Мороз Иванович» — «седой-седой» старик, который «как тряхнёт головой — от волос иней сыплется»; живёт он в ледяном доме, а спит на перине из пушистого снега. Рукодельницу за хорошую работу он одаривает «горстью серебряных пятачков», однако и Ленивицу не замораживает (как Морозко старухину дочь в сказке), а лишь проучивает, дав ей вместо серебра сосульку… В педагогической сказке Одоевского обрядовый Мороз и сказочный Морозко превращены в доброго, но справедливого воспитателя и наставника.

Тол Бабайлэн ӟуч образэз Н. А. Некрасовлэн «Мороз Красный Нос» (1863) поэмаяз но возьматэмын. Сюжетэзъя, Дарья нимо крестьян кышнолэн картэз кулэ. Нылпиоссэ шунтон понна, кышномуртлы толалтэ тэле пулы мыноно луэ но отын со кынмыса бырыны шеде. Солэн быронэз Мороз нимо воеводаен пумиськон выллем возьматэмын, татын солэн образэз «Морозко» выжыкылысь басьтэмын. Некрасовлэн Тол Бабаез озьы ик писпуос вылтӥ ветлэ но героиняез эскерыны турттыса, : «Шуныт-а тыныд, апоке?», солэсь кылзэ юа.

Кема дыр ӵоже Выль ар но Мороз Иванович герӟаськемын ӧй вал. Со образъёс XIX даурлэн кыкетӥ ӝыныяз валчеяськизы, куке Росси каръёсын, нырысьсэнылпиослы кузьым ваись Николай Угодник выллем «толсур песяез» кылдытыны турттӥзы. Кылсярысь, Александр II дыръя со вал «пересь Рупрехт» (немец кылысь, 1861), вӧсьлыко Николай яке «Николай песятай» (1870) — та учыръёс калык пӧлын ӧз вӧлме. Озьы ке но, калыклэн вӧсьлыко Николай сярысь малпанъёсыз Тол Бабайлэсь образзэ кылдытонын шӧдскымон инты басьтӥзы. 1886-тӥ арын нырысьсэ пуктэмын «Морозко». 1880-тӥ аръёсы кузьмаськись Тол песятайлэн образэз пумен юнмаз; озьы, С. Н. Дурылин 1924—1932-тӥ аръёсы пинал дырыз сярысь тодэ ваёнъёсаз гожтэ: «Дед Мороз приносит ёлку». Тол Бабайлэн тодмо образэз XX даурлэн кутсконаз кылдэ . Соку ик Валерий Карриклэн Морозко сярысь берыктэм выжыкылэз англи лыдӟисьёслы тодмо луэ. Солэн берыктэмаз Морозко «Король Мороз» шуыса нимамын (англ. King Frost). 1914-тӥ арын Сергей Есенин «Сиротка» кылбураз Тол песятайлэсь мумы-бубытэк кылем нылашлы марӟан кузьмамзэ возьматэ. 1910-тӥ аръёсы Тол Бабай нылпи ёлкаосы потаны кутске. Революцилэсь азьпал открыткаос вылэ но Тол Бабаез тусъетало.

1920-тӥ аръёслэн пумаз — 1930-тӥ аръёслэн кутсконаз Совето кун аслаз антирелигиозной политикаеныз Толсур но Выль ар шулдыръяськонъёсты быдтыны турттӥз. Та вакытэ ик Тол Бабай языческой осконлэн кылем вужерез, лек инмарез луэ шуыса юри малпам идеяос вӧлмытъязы. Со вашкала славянъёслэн курбон сётон «кыззылэн лулыз» луэ шуыса оскытъязы. Со бордысь ик Тол Бабайлэсь тусъетъёссэ но мукет арбериосты кызэ ошылон сям кылдэмын, пе.

Совето калык доры Тол Бабай 1936-тӥ арын вуиз. 1935-тӥ арын 28-тӥ толсуре СССР-ысь ЦИК-лэн Президиумезлэн ёзчиез П. П. Постышев «Правда» газетын нылпиос понна чебермам кызэн Выль ар шулдыръяськон ортчытыны дэмласа статья гожтэмез бере, но отын Постышев Тол Бабаез берентыны уг дэмла. Соберегес ик быдэс кунын Выль ар шулдыръяськонъёс радъяськыны кутскизы. Тол Бабай персонаж ӝоген берытскиз совето нылпиос доры. СССР-ын нырысетӥез ёлка ортчытэмын вал Харьковын Пионеръёслэн юртазы 1935-тӥ арын 30-тӥ толсуре (усьтӥськиз 1935-тӥ арын). Толшоре 1937-тӥ арын Тол Бабай но Лымыныл калыкез шулдыртӥзы Мускоысь Союзъёслэн юртазы.

Тол Бабайлэсь выль образзэ кылдытонын бадӟым инты басьтӥз совето кинематограф.

• 

  Антирелигиозной советской пропаганда, 1928

• Ded Moroz by Solomon Boim 1941.jpg

  Открытка «Тол Бабай тушмонъёслы кузьым нуэ», художник С. Боим, 1941

• 

  Тол ббабайлэн совето вакытысь тусъетэз, 1960-е гг.

Совето вакытэ Лымыныл но нюлэс пӧйшуръёс сяна, Тол Бабаен ӵош вуылӥз горд вакчи шубаен но горд изьыен Выль ар пияш (солэн дӥськут вылаз вуись выль ар лыдпус гожтэмын). Пияш — вуись арлэн тусъетэз, Тол Бабайлэн бӧрысьчиез, нош ачиз Тол Бабай — со ортчись арлэн пусэз. Выль ар пияшез 1950-тӥ аръёслэн пумаз — 1980-тӥ аръёслэн шорозяз открыткаосын ӵем тусъеталлязы. Одӥгаз мультфильмын со Тол Бабайлэн нунокез шуыса возьматэмын. Берлогес со персонаж вуныны кутскиз.

Тол Бабай но православие

XX даурлэн кутсконаз Ӟуч Православи черк Тол Бабай персонаж шоры пӧртэм сямен учкылӥз.

2000-тӥ арын Вологдае вуылыкуз, митрополит Сергий (Фомин) та пумысь тазьы вераз: «… Дед Мороз — это добрый персонаж, знакомый каждому из нас с детства. И нужно помнить об этом, нужно различать персонажи добрые и злые. Мне кажется, что образ Деда Мороза — это нормальное развитие нашей светской духовной традиции».

Туала Россиын

Тол Бабайлэн Великий Устюгыськоркаез

Россиын Тол Бабаен герӟаськем пӧртэм проектъёс кылдытэмын. Тол Бабайлэн нырысетӥез улон интыез (Архангельск), кылдӥз ВЛКСМ-лэн обкомезлэн кичӧлтэмезъя. 1980-тӥ аръёслэн пумазгес сое умоен лыдъязы Архангельскысь зарезь вузкарон портлэн кивалтӥсьёсыз, военной Севмашзавод но мукет бадӟым ужъюртъёс. 1991-тӥ арлэн кутсконаз кылдытэмын вал «Дом Деда Мороза»  ЗАО но «Почта Деда Мороза» ТОО, регистрировать каремын тупась товарной знакъёс. 1995-тӥ арын Лапландской заповедниклэн кивалтэтэз Кольской полуостровын «Сказочная Лапландия — Владения Деда Мороза» проект кылдытӥз, со проектъя Тол Бабайлэн юртъерез Чунозерской усадьбаын интыяськемын. Мусколэн азьвыл мэрезлэн Юрий Лужковлэн кичӧлтэмезъя Вологодской улосын 1998-тӥ арысен  «Великий Устюг — родина Деда Мороза» туризмъя кун проект ужаны кутскиз. Со проект улсын 2005-тӥ арысен озьы ик Тол Бабайлэн официальной вордӥськем нуналыз пусйиське: 18-тӥ шуркынмонэ. Статистикая та нуналысен Великий Устюгын нырысьсэ ӟырт кезьытъёс кутско.

Лапландиысь но Великий Устюгысь Тол Бабайёсын кылдэм югдурез тазьы тупатӥзы: Тол Бабай синпӧртмась бере, со огдыре луыны быгатэ Лапландиын но, Великий Устюгын но. Нылпиослэн Тол Бабайлы гожтэтъёсазы адресэз Лапландский заповедник шуыса пусъемын ӧвӧл ке, соосты Великий Устюге вутто.

1999-тӥ арын 25-тӥ толсуре Великий Устюгын сӥё-дано усьтэмын «Тол Бабайлэн юртэз». Каре Мускоысь, Санкт-Петербургысь, Вологдаысь но Россилэн мукет каръёсысьтыз туристической поездъёс ветло. Вологда улослэн азьвыл губернаторезлэн В. В. Позгалёвлэн верамезъя, нырысьсэ усьтэм бере куинь ар куспын (1999-тӥ арысен 2002-тӥ арозь) Великий Устюге вуэм туристъёслэн лыдзы 2 сюрсысен 32 сюрсозь будӥз. Проект кылдэм дырысен пӧртэм кунъёсын улӥсь нылпиослэсь миллионлэсь ятыр гожтэтъёс вуылӥзы, вузкарон 15 поллы йылӥз, ужтэк кылён учыръёс кулэсмизы.

Тол Бабайлэн Муско юртъерез «Великий Устюг — Родина Деда Мороза» улоскуспо проект улсын кылдытэмын вал. 2004-тӥ арын Мусколэн мэрез Ю. М. Лужков но шоркарлэн лымшор но шундыӝужанпал округысьтыз префект В. Б. Зотов Тол Бабайлэсь почтазэ кылдытон сярысь решение кутӥзы. 2006-тӥ арын юртъер котырын выль 4 объект кылдытӥськиз: Лымыныллэн коркаез, Творчестволэн юртэз, йӧ каток но выжыкыл сюрес. 2008-тӥ арын 5-тӥ гудырикошконэ Муско кивалтэтлэн Косэтэзъя Тол Бабайлэн муско юртъерезлы кун бюджетной учреждени инлык сётэмын. Юртъерлэн учредителез луэ Мускоысь мерлыко герӟетъёсъя комитет. Ар куспын Юртъерын пӧртэм концертъёс ортчыло, шудон но шутэтскон программаос, мастер-классъёс, экскурсиос радъяськыло. Нош тужгес трос ветлӥсез луэ Тол Бабайлэн вордӥськем нуналысеныз, 18-тӥ шуркынмонысен толшорлэн ӝыныозяз. Арлы быдэ Тол бабайлы 20 сюрслэсь ятыр гожтэт вуылэ.

2011-тӥ арлэн пумаз Мурманскын асьсэлэн юртъерзы кылдӥз. Лапландской Тол Бабайлэн юртъерез «Огни Мурманска» парклэн интывылаз ӝутэмын.

«Огъяйӧскалык» Тол Бабайёс но соослэн Архангельскын, Великий Устюгын но Чунозерын юртъеръёссы сяна, Росси Федерациын улӥсь калыкъёслэн асьсэлэн Тол Бабайёссы вань на. Кылсярысь, Карелиын Петрозаводск котырын интыяськемын Паккайне (карел кыллэн ливвиковской вераськетысьтыз берыктыса Морозец). Та герой огшоры тодмо образлэсь пӧртэмгес луэ. Со шоро-куспо воргорон, тушез ӧвӧл, улэ бадӟым чумын.

Совето но росси кинематографын

Художественной фильмъёс

• «Морозко» (1965) — Морозколэсь рользэ шудэ Александр Хвыля;
• «Снегурочка» (1968) — Пётр Никашин;
• «Зигзаг удачи» (1968) — Евгений Леонов;
• «Новогодние приключения Маши и Вити» (1975) — Тол бабайлэсь рользэ шудэ Игорь Ефимов;
• «Чародеи» (1982) — Валерий Золотухин;
• «Снегурочку вызывали?» (1985) — Владимир Меньшов;
• «Ирония судьбы. Продолжение» (2007) — Михаил Ефремов;
• «Срочно требуется Дед Мороз» (2007) — Леонид Неведомский;
• «Дедушка в подарок» (2008) — Александр Михайлов;
• «Страна ОЗ» (2015) — Юлия Незлученко;
• «Дед Мороз. Битва магов» (2016) — Федор Бондарчук.

Мультфильмъёс

• «Новогодняя ночь» (1948)
• «Когда зажигаются ёлки» (1950)
• «Снеговик-почтовик» (1955)
• «Новогоднее путешествие» (1959)
• «Дед Мороз и лето» (1969)
• «В лесу родилась ёлочка» (1972)
• «Ну, погоди!», новогодний выпуск (1974)
• «Дед Мороз и серый волк» (1978)
• «Новогодняя песенка Деда Мороза» (1983)
• «Маша и Медведь» (мультсериал, с 2009) — в серии «Раз, два, три! Ёлочка, гори!»
• «Белка и Стрелка. Озорная семейка» (мультсериал, 2012) — 1-тӥ сезон 3-тӥ выпуск 6-тӥ сериез «Настоящий Дед Мороз» (пуныослэн Тол бабайзы возьматэмын)
• «Смешарики» — «Операция „Дед Мороз“» серияз.
• «Три богатыря и принцесса Египта» (2017)

Валэктонъёс

Литература

• Мороз / В. В. Иванов, В. H. Топоров // Мифы народов мира : Энцикл. в 2 т. / гл. ред. С. А. Токарев. — 2-е изд. — М. : Советская энциклопедия, 1988. — Т. 2 : К—Я. — С. 176.
• Мороз / Л. Н. Виноградова // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2004. — Т. 3: К (Круг) — П (Перепёлка). — С. 302—303. — ISBN 5-7133-1207-0.
• Адоньева С. Б. История современной новогодней традиции // Мифология и повседневность : сборник. — СПб.: ИРЛИ РАН, 1999. — Вып. 2. — С. 372.
• Душечкина Е. В. Дед Мороз и Снегурочка // Отечественные записки : журнал. — М., 2003. — № 1.
• Душечкина Е. В. Дед Мороз: этапы большого пути (К 160-летию литературного образа) // «Новое литературное обозрение» 2001, №47 : журнал. — М.: НЛО, 2001. — ISSN 0869-6365.
• Душечкина Е. В. История Деда Мороза в России // Русская ёлка. История, мифология, литература. — СПб.: Норинт, 2002. — ISBN 5771101265.
• Душечкина Е. В. Три века русской ёлки // Наука и жизнь : журнал. — 2008. — № 1.
• Георгий Бородин Образ Деда Мороза в российской анимации animator.ru.

Чӧлсконъёс

• Архипова Александра 12 вопросов о Деде Морозе