13-тӥ тулыспалэ — Григориан дырпусъя — арлэн 44-тӥ нуналыз. Ар пумозь 321 нунал кылемын (касьян аре — 322 нунал).
☀️ Ижкарын Шунды 7 час 45 минутэ ӝужа, пуксе 17 час 8 минутэ. Югыт нуналлэн кыстӥськемез 🕒 9 час 23 минут.
🌕 Тыр толэзь (будэмез 14.92 нунал).
- Ӟуч калык та нуналэз Никита Коник яке Никита Пожарник шуыса нима. Со, пе, тылпулэсь, чилекъямлэсь но кӧс куазьлэсь уте. Удмурт калыклэн чакламезъя, та нуналэ Койык сюрзэ куштэ.
- Гурын пу туннэ кема кенжыны выре но шиетыса, ӵындыса ӝуа ке — шунытскоз. Гордэктыса, яркыт ӝуа ке ― кезьытскоз.
- Афанасий, Афанасия, Виктор, Викторин, Диодор, Евдоксия, Иван, Илья, Кир, Клавдий, Никита, Никифор, Папий, Серапион, Трифена, Феодотия, Феоктиста.
- 1896 — Дэбес ёрос библиотека кылдытэмын.
- 1903 — Глаз карын ужась калыклы пунэмен сётон касса кылдытэмын.
- 1918 — Ижысь ужасьёслэн, солдат но крестьян депутатъёслэн Кенешсылэн Пуктэмезъя, Петровъёслэн, Березинлэн но Евдокимовлэн нимаз фабрикаоссы но ваньбурзы таламын.
- 1968 — Франциысь Гренобль карын Галина Кулакова нырысетӥзэ олимпи медальзэ (азвесь) басьтӥз.
- 1987 — УАССР-ысь Глаз ёросысь ожысь но ужысь ветеранъёслэн кенешсы кылдытэмын.
- 1992 — Росси Федерациысь антимонопольной политикая но выль экономической структураослы юрттэт сётонъя кун комитетлэн Удмурт территориальной антимонопольной управлениез кылдытэмын; али дыре — Федерал антимонопольной службалэн Удмурт Элькунъя управлениез.
- 1141 — 11 аресъем Геза II Венгрилэн королез луиз.
- 1542 — Тауэрын калгемез понна виемын Англи корольлэн Генрих VIII-лэн витетӥ кышноез Екатерина Говард.
- 1689 — Вильгельм III Оранский но Мария II Стюарт ӵошен азьысь Великобританилэн монархъёсыз луизы.
- 1720 — Петр I-лэн Пуктэтэзъя, Валтӥсь магистрат усьтэмын — Росси империысь бюрократической ужъюрт.
- 1842 — Николай I Санкт-Петербург — Москва чугун сюрес лэсьтон сярысь Указ гожтӥз. Мадёсъёсъя, Николай вуоно сюресэз мутусын линейкая суредакуз, одӥг интыын чиньы бордаз кугӟаса, чурез котырскыса кошкем. Конструкторъёс озьы ик лэсьтӥллям. Санкт-Петербургысь Москвае нырысетӥез поезд 1851-тӥ арын потӥз. 1855-тӥ арын, император кулэм бере, сюресэз Николаевской шуыса нимазы, 1923-тӥ арысен — Октябрьской.
- 1848 — Фёдор Тютчев кунгожсьӧр ужъёсъя министерствоын старшой цензоре пуктэмын. Цензорлэсь ужзэ быдэсъянъяз, Тютчев коммунистической партилэсь ӟуч кылын поттэм манифестъёссэ Россиын вӧлмытонлэсь алылӥз. «Кинлы кулэ луиз, со немец кылын но лыдӟыны быгатоз» шуыса вералляз.
- 1858 — Джон Хеннинг Спик но Ричард Бертон Ниллэсь кутсконзэ утчанъязы, шор Африкалэн шундыӝужанпал люкетысьтыз Танганьика тыэз шедьтӥзы.
- 1859 — Москваын нырысетӥез нылкышно гимназия усьтэмын.
- 1867 — Сенна шурлэсь Брюссельысь люкетсэ липыны кутскемын.
- 1901 — Московаысь Художественной театрын А. П. Чеховлэн «Три сестры» пьесаезъя пуктэм спектакльлэн премьераез ортчиз.
- 1917 — Парижын пытсэтамын легендарной шпионка Мата Хари.
- 1924 — РСФСР-ын кылдытэмын Лымшор но Шундыӝужанпал улос, али — Ставрополь шаер.
- 1934 — совето пароход «Челюскин» йӧос пушкы пачкаса, Уйпал Йӧ океанэ выйиз.
- 1943 — Совето ожчиос-альпинистъёс Эльбрус йылэ тубыса, фашист флагъёсты куштӥзы но СССР-лэсь флагъёссэ ӝутӥзы.
- 1956 — Антарктидаын ужаны кутскиз нырысетӥ совето станция — «Мирный».
- 1964 — Ленинградын ужатэк улэмез понна янгыш карыса пытсэтамын кылбурчи Иосиф Бродский.
- 1972 — япон Саппороын XI Тол Олимпи шудонъёс йылпумъяськизы.
- 1980 — Лейк-Плэсидын (США) усьтӥськизы XIII Тол Олимпи шудонъёс. Шудонъёсты усьтӥз США-лэн Вице-президентэз Уолтер Мондейл.
- 1984 — Константин Устинович Черненко, огкылысь бырйыса, КПСС-лэн ЦК-езлэн Генеральной секретарез луиз.
- 1988 — Канадаысь Калгариын усьтӥськизы XV Тол Олимпи шудонъёс. Шудонъёсыз усьтӥз Канадалэн Генерал-губернаторез Жанна Сове.
- 1766 — Томас Мальтус, Англиысь демограф но экономист.
- 1769 — Иван Крылов, ӟуч кылбурчи но басня гожъясь.
- 1805 — Петер Густав Лежён-Дирихле, немец математик.
- 1865 — Иштван Чок, венгер художник-импрессионист.
- 1873 — Фёдор Шаляпин, ӟуч оперной кырӟась, бас.
- 1883 — Евгений Вахтангов, Россиысь актёр но режиссёр, Вахтангов нимо театрез кылдытӥсь.
- 1947 — Татьяна Тарасова, СССР-ысь но Россиысь конькиен нискыланъя тренер.
- 1960 — Пьерлуиджи Коллина, Италиысь футбольной судья.
- 1962 — Максим Леонидов, кырӟась, композитор, «Секрет» бит-квартетэз кылдытӥсь.
- 1964 — Дмитрий Ревякин, крезьгурчи, кылбурчи, композитор, «Калинов мост» группаез кылдытӥсь.
- 1974 — Робби Уильямс, Великобританиысь кырӟась.
- 1975 — Артемий Лебедев, одӥг нимъем веб-студиез кылдытӥсь.
- 1979 — Андерс Брейвик, «норвег ыбылӥськись», террорист.
ЮНЕСКО — Радиолэн дунневыл нуналыз.
Канада — Гурт удыслэн нуналыз.