Суслопаров, Владимир Фёдорович
| Владимир Федорович Суслопаров | |||
|---|---|---|---|
 В.Ф. Суслопаров «Биатлон» винтовкаен | |||
| Вордӥськем нуналыз | 13-тӥ тулыспалэ 1946 (80 лет) | ||
| Вордӥськем интыез | |||
| Кун | |||
| Ужудысэз | Спортивной пыӵалтӥрлыкез лэсьтӥсь | ||
| Данъетъёсыз |
|
||
Владимир Фёдорович Суслопаров (ворд. 1946-тӥ арын 13 тулыспалэ Ижкарын) — совето но росси конструктор-оружейник. «Ижмаш» концернысь конструкторъёслэн но пыӵалтӥрлык бичасьёслэн центрысьтызы спортын но пӧйшуранын кутӥськись пыӵалтӥрлыкъя ёзэн кивалтӥсь, Россиысь биатлонъя сборнойлэн пыӵалтӥрлык понна кыл кутӥсь штатысь ӧнерчиез.
Биатлонын кутӥськись пичи калибръем спортъя пыӵалтӥрлык кылдытэменыз тодмо луиз. СССР-е пырись кунъёсын спортъя пыӵалтӥрлыкез лэсьтӥсь, удысэз азинтӥсь.
«Ижмаш» заводын ужатозяз, 26 изобретениосты лэсьтонэ пыриськиз, ваньмызлы авторлы сямен свидетельствоос сётэмын[1]. 9 изобретениезлы Россиын патент басьтӥз.
Улон сюресэз
Владимир Фёдорович Суслопаров вордӥськиз 1946-тӥ арын 13-тӥ тулыспалэ Ижын. Студент вакытаз ик, 1969-тӥ арысен, «Ижмаш» заводын проектъёс лэсьтон бюроын техник-конструктор луыса ужаны кутскиз. Ужаны кутскемез бере ар ортчыса, Ижысь механикая институтын дышетсконзэ йылпумъяз. Спортын но пӧйшуранын кутӥськись пыӵалтӥрлыкъя ёзэн кивалтӥсёзь будӥз[2].
1997-тӥ—2007-тӥ аръёсы спортын но пӧйшуранын кутӥськись пыӵалтӥрлыклы проект лэсьтон бюроен кивалтӥз. Спортын но пӧйшуранын кутӥськись пыӵалтӥрлыкез кылдытон, умоятон но производствое поттон бордын тыршиз[2].
«Биатлон» нимо спортъя пыӵалтӥрлык кылдытэменыз тодмо луиз. Ӵапак со чаклам улсын завод биатлонын кутӥськись «Биатлон 7-3» но «Биатлон 7-4» винтовкаос поттыны ӧдъяз, озьы ик пӧйшуранын кутӥськись пӧртэм карабинъёс лэсьтыны кутскиз[2].
2024-тӥ арын гудырикошкон толэзьысь ивортонъёсъя, Суслопаров — «Ижмаш» концернысь конструкторъёслэн но пыӵалтӥрлык бичасьёслэн центрысьтызы спортын но пӧйшуранын кутӥськись пыӵалтӥрлыкъя ёзэн кивалтӥсь[2]. Со сяна, 2009-тӥ арысен Россиысь биатлонъя сборнойлэн пыӵалтӥрлык понна кыл кутӥсь штатысь ӧнерчиез луэ[3].
Владимир Суслопаровлэн ньыль изобретениосызлы патентъёсыз, озьы ик автор сямен 17 свидетельствоосыз вань[2].
Данъетъёсыз
- Удмурт Элькунысь наука но технология удысысь Кун премилэн лауреатэз[4]
- Удмуртиысь Наукая но техникая обществолэн премиезлэн лауреатэз
- Росси Федерациысь Кун премилэн лауреатэз
- СССР-ысь ВДНХ-лэн зарни но туй медальёсыныз пусъемын
- «СССР-ысь изобретатель» гадьпусэн пусъемын
- «Дано оружейник» гадьпусэн пусъемын
- «Ижмаш» огазеяськонысь устоез конструктор» нимын пусъемын
- «Министерствоысь устоез конструктор» нимын пусъемын
- «Отличник качества объединения» нимын пусъемын
«Ижмаш» заводлэн Данъян книгаяз пыртэмын[2].
2016-тӥ арын Россиысь Спортъя министерствоен, Промышленностья но вуз каронъя министерствоен, Военно-промышленной комиссилэн коллегиеныз, Москва улосысь практической ыбылӥськонъя федерациен но Ыбылӥськон спортэз азинтонъя фондэн радъям сӥлы карон ужрад дыръя «Оружейная элита» номинациын данъямын[1].
Ужез
- Биатлон-7-2 — биатлонын кутӥськись пичи калибръем спортъя винтовка.
- СВ-99 — пичи калибръем снайпер винтовка, Россиысь Югдурез утёнъя министерстволэн куремезъя лэсьтэмын, Россиысь МВД-лэн но ФСБ-лэн ёзъёсаз вооружение кутэмын.
- «Лось», «Барс», «Марал», «Соболь» но пӧйшуранын мукет карабинъёсты кылдытӥсьёс пӧлысь огез[2].
Валэктонъёс
- ↑ 1 2 Дмитрий Винокуров Федерацию биатлона Удмуртии признали «Кузницей чемпионов» в России - udmurt.media ИА "Удмуртия".
- ↑ 1 2 3 4 5 6 7 Суслопаров Владимир Федорович Музей Калашникова.
- ↑ Владимир Суслопаров стал штатным специалистом по оружию главной сборной России по биатлону
- ↑ Дегтярев М. Премиальный биатлон Архивная копия от 17 куарусёнэ 2014 на Wayback Machine // Журнал «Калашников». — 2014. — № 1. — С. 22—23.
Чӧлсконъёс
- Краткая биография В.Ф. Суслопарова
- История создания отечественных винтовок для биатлона
- Винтовка Калашникова для биатлона
- "Калашников" начал разработку модернизированной винтовки для биатлона
- Российский биатлон поздравляет с юбилеем разработчика винтовок «Биатлон» Владимира Суслопарова
- «Обидно слышать, что надо сделать как у немцев, когда мы придумали это 20 лет назад». Гонка вооружений в биатлоне
- Оружейник сборной России Владимир Суслопаров: По стрельбе Бергер - лучшая в мире, а у нас Вилухина
- 13-тӥ тулыспалэ вордӥськемъёс
- 1946-тӥ арын вордӥськемъёс
- СССР-ын вордӥськемъёс
- Литература но искусство удысысь РФ Кун премиезлэн лауреатъёсыз
- «СССР-ысь изобретатель» гадьпусэн пусъемъёс
- Тодмо муртъёс алфавитъя
- Вордӥськемын 13 тулыспалэ
- Ыбылӥськон пыӵалтӥрлыкез лэсьтӥсьёс
- СССР-ысь пыӵалтӥрлык лэсьтӥсьёс
- СССР-ысь оружейникъёс
- Ижысь машина лэсьтон заводысь тодмо муртъёс