Кулакова, Галина Алексеевна

Википедиысь материал
Лыжник
Галина Кулакова
Galina Kulakova Grenoble 1968 001.jpg
Ачиз сярысь ивортодэт
Пол кышномурт[d]
Быдэс нимыз Галина Алексеевна Кулакова
Кунлыкез
Вордӥськем нуналыз 29-тӥ оштолэзе 1942({{padleft:1942|4|0}}-{{padleft:4|2|0}}-{{padleft:29|2|0}})[1][2] (84 года)
Вордӥськем интыез
Ӝуждалаез 160 см
Секталаез 57 кг
Карьераез
Клуб «Труд» Ижкар
«Труд» Прокопьевск
Тренерез Наймушин П. Ф.
Сборнойын 1967-тӥ—1982-тӥ аръёсы
Статусэз карьеразэ йылпумъяз
Карьераезлэн пумыз 1982-тӥ арын
Медальёсыз
Олимпи шудонъёс
Азвесь Гренобль 1968 5 иськеме
Туй Гренобль 1968 эстафета 3×5 иськеме
Зарни Саппоро 1972 5 иськеме
Зарни Саппоро 1972 10 иськеме
Зарни Саппоро 1972 эстафета 3×5 иськеме
Зарни Инсбрук 1976 эстафета 4×5 иськеме
Туй Инсбрук 1976 10 иськеме
Азвесь Лейк-Плэсид 1980 эстафета 4×5 иськеме
Дуннеысь чемпионатъёс
Зарни Высоке Татры 1970 5 иськеме
Зарни Высоке Татры 1970 эстафета 3×5 иськеме
Туй Высоке Татры 1970 10 иськеме
Зарни Фалун 1974 5 иськеме
Зарни Фалун 1974 10 иськеме
Зарни Фалун 1974 эстафета 4×5 иськеме
Туй Лахти 1978 эстафета 4×5 иськеме
Азвесь Лахти 1978 20 иськеме
Азвесь Фалун 1980 20 иськеме
Азвесь Осло 1982 эстафета 4×5 иськеме
Правительстволэн данъетъёсыз

Галина Алексеевна Кулакова (ворд. 29-тӥ оштолэзе 1942, Вотка ёрос, Удмурт Автономной Советской Социалистической Республика) — совето куасчи, Олимпия шудонъёсын ньыль полэс чемпионка, дуннеысь вить полэс чемпионка[3], дуннеысь Кубокез вормись 9 пол луэм чемпионкаез, СССР-ысь — 39 полэс чемпионка. СССР-ысь спортъя сӥё-дано мастер (1970), Россиысь дано тренер, Данъян орденлэн кавалерез (2023)[4]. «Труд» общество понна бызьылӥз.

Егит вакытыз

Вордӥськиз 1942-тӥ арын 29-тӥ оштолэзе Удмурт АССР-ысь Вотка ёросысь Степаново (Логачи) гуртын (али гурт быремын[5]), бадӟым крестьян семьяын пичиез пинал вал (2 агаез но 6 апаез вал)[6]. Бубиз — Кулаков Алексей Николаевич, 1941-тӥ арын куарусёнэ чиптэм-чаптэм ышиз[7]. Мумиз — Кулакова Дарья Арсентьевна (1901—1982), колхозница.

1954-тӥ арын 18-тӥ куартолэзе УАССР-ысь Министръёслэн Кенешсы Вотка тыметэз ӝутэмен ву улэ кылёно гуртъёсысь калыкез мукет интые выжтон сярысь пумкыл кутӥз, быроно гуртъёс пӧлы Логачи но шедиз[8]. Кулаковъёслэн семьязы Степаново черкогуртэ выжыяськиз.

Егит дыръяз Галина «Воткинский» совхозын скал кыскисьын ужалляз. Аслэсьтыз нырысетӥ куассэ Галина Кулакова ас киосыныз лэсьтӥз. Дасяз со сое пипулэсь, но куасъёсыз кемалы уг чидало вал, соин ик выльёссэ вӧлоно луылӥз. Нырысетӥ ӵошатсконаз шедиз малпамтэ шорысь. 1964-тӥ арын со Воткаын Лидия апаез дорын кунояськиз. Лидия машиностроительной заводын тыршиз, куасэн бызьылонъя завод ӵошатсконъёсы пыриськыны кулэ вал, но висьыны ӧдъяз. Галина ӵошатсконъёсы солэн нимыныз потӥз но кыкетӥ интыез басьтӥз. Соку сое Пётр Наймушин  [ӟуч] (удм. тренер синйылтӥз но Ижкаре ӵошатсконъёсы ӧтиз[9]. Со дырысен Галина Кулакова рос-прос басьтӥськиз куасэн бызьылон спорт борды.

1962-тӥ арын Кулакова Ижысь педагогикая училищеез йылпумъяз. 1964-тӥ арын Вотка заводэ физкультурая инструкторе кутӥзы. 1966-тӥ арын Кемерово улосэ выжиз, татын мугорез кыдатон культурая Прокопьевской техникумын дышетскиз. Сое йылпумъяса, келямын вал Ижысь «Ижтяжбуммаш» заводэ. Отын со тыршиз тренер-дышетӥсь луыса[10].

Спортын вормонъёсыз

1968-тӥ арын Кулакова СССР-ысь сборной понна бызьылӥз.

  • 1972-тӥ арын Саппороын ортчем тол Олимпиадаын  [ӟуч] (удм. куасэн бызьылонъя дисциплинаосын (10 иськеме, 5 иськеме но 3х5 иськеме эстафетаын) вань зарни медальёсты вормиз;
  • 1976-тӥ арын 3х5 иськеме эстафетаын олимпи чемпионка  [ӟуч] (удм. луиз;
  • 1968-тӥ арын Олимпи шудонъёсын  [ӟуч] (удм. (5 иськеме, финишозь 500 метрын Кулаковалэн усемез шведка Тойни Густафссонлы луонлык сётӥз совето куасчиез кельтыны) но 1980-тӥ арын  [ӟуч] (удм. (4х5 иськеме эстафетаын) вице-чемпионка;
  • 1968-тӥ арын Олимпи шудонъёсын (3х5 иськеме эстафета), озьы ик 1976-тӥ арын Олимпи шудонъёсын (5 иськеме) туй призёр;
  • Фалунын 1974-тӥ арын ортчем дуннеысь чемпионатын зарни медальёсты утӥз (10 иськеме, 5 иськеме но 4х5 иськеме);
  • 1970-тӥ арын ортчем дуннеысь чемпионатын 5 иськеме но 3х5 иськеме эстафетаын кык полэс чемпионка;
  • СССР-ысь 39 полэс чемпионка: 5 иськеме (1969, 1973, 1974, 1975, 1977, 1979), 10 иськеме (1969, 1970, 1971, 1972, 1973, 1974, 1975, 1977, 1978, 1979, 1982), 20 иськеме (1977, 1978, 1979, 1980, 1981), 30 км (1975, 1976, 1977, 1979, 1980), 4х5 иськеме эстафетаын (1967, 1969, 1970, 1971, 1972, 1973, 1974, 1975, 1976, 1978, 1979, 1981);
  • Нырысетӥ дунневыл Кубок-1978/79-ез вормись.

1976-тӥ арын Инсбрукын ортчем Олимпиадаын  [ӟуч] (удм. 5 иськеме ӵошатсконын куинетӥ интые потӥз, но эфедринэн эмъяськемез понна (МОК шараямъя, пыэдлэсь ныраз шапык понӥз) туй медальзэ талазы. Данъет сюриз 4-тӥ инты басьтэм совето куасчилы Нина Балдычёвалы. Озьы ке но Кулаковаез мукет бызьылонъёслэсь ӧз палэнтэ (10 иськеме но эстафетае).

1976-тӥ арысен 1982-тӥ арозь Галина Кулакова УАССР-ысь Министръёслэн Кенешсы бордысь Мугорез кыдатон культурая но спортъя комитетын физкультурая инструктор луыса тыршиз.

Мерлыко но тренер ужез

1982-тӥ арын спортысь кошкиз, аслэсьтыз куасъёссэ Тамара Тихоновалы сётыса[11]. Со дырысен Удмуртиысь нылкышно сборной командалэн тренерез вал, Тихоноваез дасянэ пыриськиз[12]. 1984-тӥ арын МОК-лэн президентэз Хуан Антонио Самаранч  [ӟуч] (удм. Кулаковаез азвесь Олимпи орденэн сӥлы кариз[13]. 1988-тӥ арын сое «Ижкарлэн дано муртэз» дано нимын пусйизы[12].

Дэри ёросысь Италмас черкогуртын улэ[13].

Аслаз улонэз

Галина Кулаковалэн картэз тренер Пётр Наймушин вал[14].

Россиысь Банклэн Галина Кулаковалэн тусбуйыныз синпелет коньдон. 2 манет, азвесь, 2013-тӥ ар

Кун данъетъёсыз

  • «За заслуги перед Отечеством» IV степенё орден (1997);
  • Данлыко орден (27.04. 2023) — мугорез кыдатон культураез азинтонэ, шаерысьтымы спортэз вӧлмытонэ трос кужымзэ понэмез но трос аръёс ӵоже ӟеч ужамез понна[15][4][16];
  • Ленин нимо орден (03.03.1972);
  • Куинь «Данъян пус» орден (09.04.1970; 10.05.1976; 09.04.1980)[17];
  • «Ужын висъяськемез понна» (ӟуч: За трудовое отличие) медаль (24.07.1968);
  • Россиысь дано тренер.

Мукет данъетъёсыз но дано нимъёсыз

  • Азвесь Олимпи орден (1984)[18];
  • «Йӧскалыклэн осконэз» (ӟуч: Надежда нации) орден (29.04.2002)[19];
  • Миротворцлэн I степенё орденэз[6];
  • Ижкарлэн дано муртэз (1988)[20];
  • Удмурт Элькунлэн дано кунмуртэз (1995)[10][21];
  • Удмурт Элькунысь мугорез кыдатон культура удысысь дано ужась;
  • «Мугорез кыдатон культураез но спортэз азинтэм понна» гадьпус (1992);
  • Удмуртиысь XX даурысь устоез спортсменка.
Калыкъёслэн эшъяськонзылы сӥзем Ижысь монумент («Кулаковалэн куасъёсыз»)

Сӥлы карон

1972-тӥ арын гужем Ижкарын усьтэм монумент «Калыкъёслэн эшъяськонзылы сӥзем монументэз» карын улӥсьёс «Кулаковалэн куасъёсыз» нимазы[22].

1990-тӥ аръёслэн кутсконазы Галина Кулакова улыны выжиз Италмас черкогуртэ, татын 2021-тӥ арын куартолэзе Г. А. Кулаковалы сӥзем музей-корка усьтӥськиз[23].

2002-тӥ арын, Удмурт Элькунлэн Президентэз Александр Волков юрттэмен, Иж котырысь Якшур-Бӧдья трактлэн 14-тӥ иськемаз «Галина Кулакова нимо спортъя но тазалыкез юнматонъя комплекс» усьтӥськиз. Отын мугорзэс кыдато будӥсь пиналъёс, Удмуртилэн сборнояз пырисьёс. Комплексын арлы быдэ радъяське «Галина Кулаковалы сӥзем куасэн бызьылонъя калыккуспо марафон»[24].

2019-тӥ арын 8-тӥ куарусёнэ Удмуртиысь Вотка ёросысь «Камские дали» туркомплексын куасчилы сӥзем синпелет усьтӥськиз. Галина Кулаковалы сӥзем синпелет ачиз ӝужда ик лэсьтэмын, постамент вылын вань вормонъёсыз но данъетъёсыз пусъемын[25].

2022-тӥ арын куартолэзе Ижысь огез ульчалы Галина Кулаковалэсь нимзэ сётӥзы[26].

2024-тӥ арын 17-тӥ тулыспалэ «Роза Хутор» курортысь Данъян аллеяын Галина Кулаковалы сӥзем барельеф усьтӥськиз, скульпторез Филипп Рукавишников луэ[27].

Валэктонъёс

  1. ↑ Кулакова Галина Алексеевна // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. ↑ Galina Kulakova // Encyclopædia Britannica (англ.)
  3. ↑ Галина Кулакова // Физкультура и спорт. — 1982. — Январь. — С. 23.
  4. ↑ 1 2 Андрей Краснов (2023-05-03) Галина Кулакова награждена Орденом Почёта [ӟуч] Skisport.ru. Эскеремын 2026-04-10 арын
  5. ↑ Логачи [ӟуч] rodnaya-vyatka.ru. Эскеремын 2026-04-10 арын
  6. ↑ 1 2 Светлана Сырыгина (2012-04-26) Юбилей королевы лыжни [ӟуч] izhlife.ru. Эскеремын 2026-04-10 арын
  7. ↑ Кулаков Алексей Николаевич [ӟуч] Память народа. Эскеремын 2026-04-10 арын
  8. ↑ Игачева Татьяна Юрьевна, Вахрушева Эвелина Андреевна. Топонимика села Камское и его окрестностей: начало XIX – начало XXI вв / Руководитель: Новоселова Наталья Юрьевна; науч. конс.: Скачкова Алла Павловна. — Камское: Воткинское районное отделение УРО РОИА, 2015. — С. 6. — 20 с.
  9. ↑ Светлана Сырыгина (2014-01-30) Галина Кулакова: «Обо мне говорили: «Удмурты привезли какую-то доярку» [ӟуч] izhlife.ru. Эскеремын 2026-04-10 арын
  10. ↑ 1 2 Кулакова Галина Алексеевна. Биографическая справка [ӟуч] ria.ru. Эскеремын 2026-04-10 арын
  11. ↑ Галина Кулакова [ӟуч] rosaalley.com. Эскеремын 2026-04-10 арын
  12. ↑ 1 2 Галина Кулакова [ӟуч] Издания Национальной библиотеки Удмуртской Республики. Эскеремын 2026-04-10 арын
  13. ↑ 1 2 Галине Кулаковой — 75! [ӟуч] Skisport.ru. Эскеремын 2026-04-10 арын
  14. ↑ Кулакова Галина Алексеевна [ӟуч] Rus.Team. Эскеремын 2026-04-10 арын
  15. ↑ Указ Президента Российской Федерации № 304 «О награждении государственными наградами Российской Федерации» [ӟуч] publication.pravo.gov.ru (2023-04-27). Эскеремын 2026-04-10 арын
  16. ↑ Галина Кулакова награждена Орденом Почёта [ӟуч] Федерация лыжных гонок Удмуртии. Эскеремын 2026-04-10 арын
  17. ↑ Кулакова Галина Алексеевна [ӟуч] izhevsk.gosuslugi.ru. Эскеремын 2026-04-10 арын
  18. ↑ Сергей Подушкин Великие олимпийские моменты. Лыжные гонки. Кулакова-1972 [ӟуч] olympics.com. Эскеремын 2026-04-10 арын
  19. ↑ Юлия Ардашева Спортивная слава Удмуртии: истории спортсменов республики [ӟуч] Удмуртская правда. Эскеремын 2026-04-10 арын
  20. ↑ Кулакова Галина Алексеевна [ӟуч] infosport.ru. Эскеремын 2026-04-10 арын
  21. ↑ Кулакова, Галина Алексеевна [ӟуч] tass.ru. Эскеремын 2026-04-10 арын
  22. ↑ Елена Кардопольцева (2012-06-26) 26 июня монументу Дружбы народов исполнилось 40 лет: Как «штаны Сысоева» стали «лыжами Кулаковой» [ӟуч] izhlife.ru. Эскеремын 2026-04-10 арын
  23. ↑ Дмитрий Винокуров (2001-04-30) Прославленная лыжница Галина Кулакова стала хозяйкой музея [ӟуч] Спорт-Экспресс. Эскеремын 2026-04-10 арын
  24. ↑ Международный лыжный марафон имени Галины Кулаковой 2025 [ӟуч] Russialoppet. Эскеремын 2026-04-10 арын
  25. ↑ Анастасия Захарова Памятник Галине Кулаковой открыли в Удмуртии [ӟуч] Комсомольская правда. Эскеремын 2026-04-10 арын
  26. ↑ Постановление Администрации города Ижевска № 953 «О переименовании улицы им. Сакко и Ванцетти в улицу им. Г. А. Кулаковой» [ӟуч] izhdoc.ru (2022-05-16). Эскеремын 2026-04-10 арын
  27. ↑ На Аллее славы «Роза Хутор» открыли барельеф в честь Галины Кулаковой [ӟуч] Правда.ру (2024-02-17). Эскеремын 2026-04-10 арын

Чӧлсконъёс

«https://udm.ruwiki.ru/w/index.php?title=Кулакова,_Галина_Алексеевна&oldid=505584»-ысь басьтэмын