Волков, Александр Александрович (кун ужась)

Википедиысь материал
РУВИКИ энциклопедиын таӵе фамилиен муртъёс сярысь мукет гожтосъёс вань.Учке Волков.
Александр Александрович Волков
Alexander Volkov (Udmurtia).jpg
Флаг
Россиысь Федерал Собранилэн Федерацияя Кенешысь Удмурт Элькунысь Кун Кенешлэсь быръем ёзчиез
Флаг
17-тӥ южтолэзьысен 2014 — 20-тӥ куартолэзёзь 2017
Азьпалчиез Александр Соловьёв
Бӧрысьчиез Юрий Фёдоров
Флаг
Россиысь Федерал Собранилэн Федерацияя Кенешысь Удмурт Элькунлэсь быръем ёзчиез
Флаг
23-тӥ толшорысен 1996 — 17-тӥ оштолэзёзь 2001
Азьпалчиез Павел Вершинин
Бӧрысьчиез Николай Ганза
Флаг
Россиысь Федерал Собранилэн Федерацияя Кенешысь депутат
Флаг
11-тӥ толшорысен 1994 — 23-тӥ толшорозь 1996
Азьпалчиез Интыуж кылдытэмын
Бӧрысьчиез Интыуж быдтэмын
Флаг
Удмурт Элькунлэн Президентэз
Флаг
3-тӥ шуркынмонысен 2000 — 19-тӥ тулыспалозь 2014
Азьпалчиез Интыуж кылдытэмын, со ачиз Удмурт Элькунысь Кун Кенешлэн Тӧроез сямен ужаз
Бӧрысьчиез Александр Соловьёв
Флаг
Удмурт Элькунысь Кун Кенешлэн Тӧроез
Флаг
19-тӥ оштолэзьысен 1995 — 3-тӥ шуркынмонозь 2000
Азьпалчиез Интыуж кылдытэмын,
Валентин Тубылов Удмурт Элькунысь Вылӥ Кенешлэн Тӧроез сямен ужаз
Бӧрысьчиез Игорь Семёнов
Флаг
Удмурт Элькунысь Правительстволэн Тӧроез
Флаг
1993 — 1995 19-тӥ оштолэзёзь
Азьпалчиез Николай Миронов
Бӧрысьчиез Павел Вершинин
Вордӥськемын 25-тӥ толсуре 1951(1951-12-25)
Брянск, РСФСР, СССР
Кулэмын 20-тӥ куартолэзе 2017(2017-05-20) (65 арес)
Германия
Атаез Александр Семёнович Волков
Анаез Александра Кузьминична Волкова
Кузпалыз Нина Александровна Волкова
Нылпиосыз пиез: Андрей
нылыз: Вера
Дышетскемез Пермьысь политехникая институт
Учёной степенез экономика наукаосъя доктор
Данъетъёсыз
«За заслуги перед Отечеством» 3-тӥ степенё орден «За заслуги перед Отечеством» 4-тӥ степенё орден
Александр Невский орден Эшъяськон орден RUS Medal In Commemoration of the 850th Anniversary of Moscow ribbon.svg
RUS Medal In Commemoration of the 300th Anniversary of Saint Petersburg ribbon.svg RUS Medal For Merit in the Conduct of the All-Russian Population Census ribbon.svg Likvidavb rib.png
Росси Федерациысь дано лэсьтӥськись Росси Федерациысь Праивтельстволэн Данъян грамотаез (2006)
Преподобной Сергия Радонежскийлэн I степенё орденэз Daniil-2.svg
Логотип РУВИКИ.Медиа Медиафайлъёс РувикиМедиа пушкын

Алекса́ндр Алекса́ндрович Во́лков (25-тӥ толсуре 1951, Брянск — 20-тӥ куартолэзе 2017, Германия) — Россиысь кун ужась но политик, Федерацияя Кенешлэн ёзчиез, Федерацияя Кенешысь наукая, дышетонъя но лулчеберетъя ялан ужась комиссилэн кивалтӥсезлэн воштӥсез (2014—2017), Удмурт Элькунлэн нырысетӥ Президентэз (2000—2014). Экономика наукаосъя доктор, Росси Федерациысь дано лэсьтӥськись. «Единая Россия» партилэн 2001-тӥ арысен ёзчиез.

Улон сюресэз

Выжыезъя — ӟуч[1]. Трос нылпиё ужасьёслэн семьяязы вордӥськиз. Александр Семёнович атаезлэн быдэс улон даурез Брянскысь машиностроительной заводэн герӟаськемын, татын 44 ар ӵоже бригадир но мастер луыса тыршиз. Александра Кузьминична анаез Брянск улосысь Высокое черкогуртысь потэмын. Волковъёс 7 пинал будэтӥзы.

1970-тӥ арын Брянскысь лэсьтӥськон техникумез «промышленной но гражданской лэсьтӥськон» специальностья йылпумъяз, Удмурт АССР-ысь Глазовысь Чепца механикая заводысь лэсьтӥськон управление направление басьтӥз. Заводын со вакытэ бадӟым уж ӧръяськиз — корпус лэсьтон, отын атом электростанциослы цирконий поттонъя Европаысь но дуннеысь бадӟымез производство радъяны чакламын вал. Волковез мастере пуктӥзы, солэн кивалтэмез улсын кӧня ке ужась бригадаос тыршизы.

Производстволэсь люкиськылытэк, Пермьысь политехникая институтэз  [ӟуч] (удм. йылпумъяз. 1986-тӥ—1989-тӥ аръёсы — Глазовысь кар исполкомлэн тӧроез. 1989-тӥ арысен Ижын ужаз: нырысь Удмуртиысь Госпланлэн тӧроезлэн нырысетӥ воштӥсез вал, отӥяз Удмуртиысь архитектурая но лэсьтӥськонъя кун комитетлэн тӧроез но огдыре Удмуртиысь Министръёслэн Кенешсылэн тӧроезлэн воштӥсез вал.

1993-тӥ арысен — Удмуртиысь Министръёслэн Кенешсылэн тӧроез, Россиысь Федерал Собранилэн Федерацияя Кенешысь депутат. 1995-тӥ арын 19-тӥ оштолэзе Удмуртиысь Кун Кенешлы Тӧрое быръемын[2], нош 2000-тӥ но 2004-тӥ аръёсы — Удмуртилы Президентэ.

2003-тӥ арын 19-тӥ толсурысен 2004-тӥ арын 19-тӥ пӧсьтолэзёзь — Росси Федерациысь Кун кенешлэн  [ӟуч] (удм. президиумезлэн ёзчиез[3][4].

2009-тӥ арын 20-тӥ тулыспалэ, Росси Федерациысь Президентлэн Дмитрий Медведевлэн ӵектэмезъя, Удмурт Элькунысь Кун Кенеш А. А. Волковез выль президент вакытлы бырйиз.

2014-тӥ арын 19-тӥ тулыспалэ, куинетӥ вакыт ӵоже кивалтэмезлы пум вуэмен, отставкае келямын. Удмурт Элькунлы Тӧролэсь огдыре ужзэ быдэсъясе Александр Соловьёв юнматэмын[5].

Отставкае келямзы бере Волковез Кун Кенешысь депутатэ берыктӥзы, таин валче 12-тӥ южтолэзе Удмуртиысь парламент элькунлэсь экс-президентсэ Федерацияя Кенеше  [ӟуч] (удм. ыстыны огкылысь кенешиз[6]. 2014-тӥ арын 17-тӥ южтолэзьысен Росси Федерациысь Федерал Собранилэн Федерацияя Кенешезлэн ёзчиез луиз, Федерацияя Кенешысь наукая, дышетонъя но лулчеберетъя ялан ужась комиссилэн кивалтӥсезлэн воштӥсез вал[7].

2017-тӥ арын 20-тӥ куартолэзе секыт висемез бере Германиын улонысь кошкиз[8].

24-тӥ куартолэзе Ижын берпуметӥ сюресаз келян но ватон ужрад ортчиз[9]. Хохрякиысь шайвылэ ватэмын.

Семьяез

Кузпалыз — Нина Александровна Волкова, Федерацияя Кенешысь Александр Чекалин ёзчилэн юрттӥсез луыса ужаз.

  • Пиез — Андрей Александрович Волков (ворд. 1974), «Рособоронэкспорт  [ӟуч] (удм.» ФГУП-лэн Удмуртиысь ёзаз, «Петро-Альянс» ООО-ын, «Удмуртторф» ОАО-ын, «Удмурт топливно-энергетической компания» ООО-ын, «Улосысь Инвестиционной Альянс» ООО-ын кивалтон интыосын ужаз[10]. 2004-тӥ арысен «Ижкомбанклэн» огез кивалтӥсез но директоръёсызлэн кенешсылэн ёзчиез (мукет акционеръёс пӧлын — элькунысь премьер-министрлэн Юрий Питкевичлэн пиез). 2007-тӥ арын Андрей Волковен кивалтоно «Удмуртторф» компания зол ӵашетон-куашетонэн герӟаськем учыре шедиз: элькунысь чиновникъёс пӧйшуран но чорыган вакытъёсты усьтон но ворсан понна кунлэн пӧртэм улосъёсаз лобаны мед быгатозы шуыса, сизьым чартер рейсъёслы тыриськем. 2010-тӥ арын «Единая Россия» партилэн сюресъёсъя проектлэн координаторез луиз. «Петро-Альянс» (кырсь мувӧез утён но возён), «Кам карьер» но «Берег» огазеяськонъёслэн огез кузёез. Удмурт Элькунысь Правительстволэн Данъян грамотаеныз пусъемын. Кышнояськемын, пиез но нылыз вань. Кузпалыз — Волкова Наталья Александровна — «Удмуртнефтепродукт» ОАО-лэн валтӥсь директорезлэн воштӥсезлэн Александр Михайловлэн нылыз, 2006-тӥ арысен «Петро-Альянс» ООО-ен кивалтэ.
  • Нылыз — Вера Александровна Вотинцева, 2003-тӥ арын Ижын нотариус сямен ужаны лицензия басьтӥз; Удмуртиысь нотариальной палаталэн ёзчиез. Быземын, куинь пиналыз. Картэз — Вотинцев Андрей Владимирович — «Ростех  [ӟуч] (удм.» корпорацилэн представительствоеныз кивалтӥсь, «НИТИ Прогресс» ОАО-лэн но «Сарапулысь электрогенераторной завод» ОАО-лэн директоръёсызлэн кенешсылэн ёзчиез.

Курлан

Политикаын быдэс тыршытозяз, Волковез огпол гинэ ӧз курлаллялэ, ӵемысь — пресса ласянь.

Волковлэн кивалтонэзлы 2012-тӥ арын «Минченко Консалтинг» холдинген но «Петербургысь политика» фондэн шараям губернаторъёслэн политикаын рейтингзы курласа дунъет сётӥз. Элькунысь узыр но куанер улӥсьёслэн доходъёссылэн зол висъяськемзы, зэмос уждунлэн быдӟалаез но ю-няньлы бадӟым дунъёс пумысен пусйылӥзы.

2008-тӥ арын Волковез «Ижысь машиностроительной заводын» лушкаськемез но, криминал ёзъёс юрттэмен, лушкем (подпольной) предприятие кылдытэм учыръёсыз понна янгыше уськытэмын, со предприятиосын заводысь вораса поттэм тӥрлыклэсь Калашников автоматъёсты бичало вылэм. 2011-тӥ арын «Ростехнологиос» кун корпорация заводэ аслэсьтыз кризисысь поттонъя менеджерзэ Максим Кузюкез ыстӥз, техникая банкротозь вуттыса но, со ар куспын «Ижмашез» бадӟым пунэмъёсысь поттӥз.

2012-тӥ арын гужем тунсыко учыр луиз. Ижысь кун зоопарке пырон азьын кияз леопардпиен Волковлэн туспуктэменыз яркыт плакат кылдӥз. Волковлэн кияз дано швейцар Breguet фирмалэн часъёсыз ворекъязы — Classique Grande Complication модельлэн дуныз 123 сюрс доллар США. Бератаз валтӥсь плакат вылэ тодмотэм производительлэн дунтэм часъёсыныз ватсаса суред лякемын вал[11].

Кивалтонын куинетӥ срокез ортчон вакытлы Волковлэн политикая ужезлы экспертъёс ляб дунъет сётӥзы: 2013-тӥ ар пумын «Петербургысь политика» фондэн лэсьтэм губернаторъёслэн политикая рейтингзы ужез понна вить балл пӧлысь 1 балл сётӥз, ужысьтыз кужмо палъёссэ ӧз ик пусйы[12]; нош губернаторъёсты дунъянъя 2014-тӥ арын 27-тӥ толшоре Граждан обществоез азинтонъя фондэн ортчытэм рейтингъя удмурт кивалтӥсь берпуметӥ интыын вал[13].

Ростислав Туровский азинсконлэсь дугдэмзэ, экономикалэсь гуньдэмзэ, кивалтонын ӵыжы-выжыяськыны кутсконэз но калык азьын данэзлэсь усемзэ синйылтыса, губернаторез воштонлэсь кулэлыксэ пусйылӥз[14]; со дыре ик экспертъёс вераллязы, Федерацияя Кенеше юнматэмзы ӟеч тыршемез понна карьера ласянь ӝутсконлы оскон сётэ, соку ик бӧрысьчиез (преемникез) реформаос ортчытон вакытэ со улослэсь палэнскиз[6].

Буре ваён

2019-тӥ арын 31-тӥ пӧсьтолэзе Брянскысь кар кенеш Бежицкой ёросысь Городище каргуртын Александр Александрович Волковлы сӥзем сквер лэсьтон пумысен огкылэ вуиз[15]. Сквер со аре ик толсуре усьтэмын вал. Шораз ик А. А. Волковлэн бюстэз юнматэмын[16].

Данъетъёсыз

  • «За заслуги перед Отечеством» III степенё орден (2010-тӥ арын 18-тӥ тулыспалэ) — кун азьын ӟеч тыршемез но республикалэн улон-вылоназ но экономика ласянь азинсконаз бадӟым пытьы кельтэмез понна[17];
  • «За заслуги перед Отечеством» IV степенё орден (2003-тӥ арын 5-тӥ гудырикошконэ) — Россилэсь кунлыксэ юнматонлы бадӟым саклык висъямез понна но трос аръёс ӵоже ӟеч тыршемез понна[18];
  • Александр Невский нимо орден (2014-тӥ арын 31-тӥ пӧсьтолэзе)[19];
  • Эшъяськонлы сӥзем орден (1996-тӥ арын 9-тӥ южтолэзе) — кун азьын ӟеч тыршемез но трос аръёс ӵоже умой ужамез понна[20];
  • «Мусколы 850 ар тырмонлы сӥзем» медаль (1997-тӥ ар);
  • «Санкт-Петербурглы 300 ар тырмонлы сӥзем» медаль (2003-тӥ ар);
  • «Россиысь калыкез лыдъян-чотанэз ортчытонын ӟеч тыршемез понна» медаль;
  • «Шуэрес учырлэсь бервылзэ утялтонэ пыриськемез понна» медаль (2012-тӥ ар, Россиысь МЧС)[21];
  • Росси Федерациысь дано лэсьтӥськись (2000-тӥ арын 24-тӥ оштолэзе) — лэсьтӥськон удысын вормонъёсыз но трос аръёс ӵоже ӟеч ужамез понна[22];
  • Росси Федерациысь Президентлэн Таукаронэз (1996-тӥ арын 12-тӥ гудырикошконэ) — 1996-тӥ арын Россиысь Президентэз быръён кампаниез радъянэ но ортчытонэ мыло-кыдо пыриськемез понна[23];
  • Росси Федерациысь Правительстволэн Данъян грамотаез (2006-тӥ арын 22-тӥ толсуре) — Удмурт Элькунысь улон-вылонэз но экономикаез азинтон ласянь трос лэсьтэмез понна[24];
  • Росси Федерациысь Лулчеберетъя но массовой коммуникациосъя министрлэн Таукаронэз (2005-тӥ арын 3-тӥ шуркынмонэ) — Удмурт Элькунын улӥсь калыкъёслэсь лулчеберетсэс утёнын но азинтонын бадӟым уж нуэмез понна[25];
  • Дун-чылкыт Сергий Радонежский нимо I степенё орден (РПЦ);
  • Дун-чылкыт благоверной князь Даниил Московский нимо II степенё орден (РПЦ);
  • Ижкарлэн дано муртэз (2011-тӥ арын 15-тӥ толсуре) — «Ижкар» муниципал кылдытэтэз экономика, мерлык но лулчеберет удысъёсъя азинтэмез понна;
  • Брянсклэн дано муртэз (2012-тӥ арын 22-тӥ южтолэзе)[26];
  • Удмурт Элькунлэн Дано кунмуртэз (2014-тӥ ар).

Валэктонъёс

  1. ↑ Агентство Федеральных Расследований (www.FLB.ru). Эскеремын: 30 пӧсьтолэзе 2025 арын.
  2. ↑ Волков Александр Александрович. Досье [ӟуч], informacia.ru. Эскеремын: 30 пӧсьтолэзе 2025 арын.
  3. ↑ Распоряжение Президента Российской Федерации от 19.12.2003 г. № 606-рп «О президиуме Государственного совета Российской Федерации». Эскеремын: 30 пӧсьтолэзе 2025 арын.
  4. ↑ Распоряжение Президента Российской Федерации от 19.07.2004 г. № 321-рп «О президиуме Государственного совета Российской Федерации». Эскеремын: 30 пӧсьтолэзе 2025 арын.
  5. ↑ Александр Соловьёв назначен временно исполняющим обязанности Главы Удмуртской Республики, Президент России (19 тулыспалэ 2014). Эскеремын: 30 пӧсьтолэзе 2025 арын.
  6. ↑ 1 2 Пётр Козлов. Экс-глава Удмуртии Александр Волков стал членом Совета Федерации, Известия (12 южтолэзе 2014). Эскеремын: 30 пӧсьтолэзе 2025 арын.
  7. ↑ Структура | Совет Федерации Федерального Собрания Российской Федерации. Эскеремын: 30 пӧсьтолэзе 2025 арын.
  8. ↑ Медведев выразил соболезнование в связи с кончиной сенатора Волкова /ТАСС, 21.05.2017/. Эскеремын: 30 пӧсьтолэзе 2025 арын.
  9. ↑ Георгий Поветкин. «Волков был счастливым человеком»: Удмуртия попрощалась со своим первым президентом [ӟуч], Сетевое издание «Реальное время». Эскеремын: 15 пӧсьтолэзе 2025 арын.
  10. ↑ Волков Андрей Александрович [ӟуч], Официальный сайт партии «Единая Россия». Эскеремын: 15 пӧсьтолэзе 2025 арын.
  11. ↑ Удмуртия «по локоть в чудесах»: история с исчезнувшими Breguet повторилась, РБК. Архивировано 6 куартолэзе 2014 года. Эскеремын: 30 пӧсьтолэзе 2025 арын.
  12. ↑ 13-й рейтинг политической выживаемости губернаторов России. Эскеремын: 30 пӧсьтолэзе 2025 арын.
  13. ↑ Анастасия Кашеварова. Губернаторов разделили по эффективности, Известия (27 толшоре 2014). Эскеремын: 30 пӧсьтолэзе 2025 арын.
  14. ↑ Наталья Башлыкова. Глава Удмуртии отправлен в отставку, Известия (19 тулыспалэ 2014). Эскеремын: 30 пӧсьтолэзе 2025 арын.
  15. ↑ Решение Брянского горсовета «О присвоении территории по улице Бежицкой между строениями 117-119 и улицей 1-я Пятилетка в Бежицком районе города Брянска наименования "Сквер имени А. А. Волкова"». Эскеремын: 30 пӧсьтолэзе 2025 арын.
  16. ↑ В Брянске открыли сквер имени первого президента Удмуртии Александра Волкова, Коммерсантъ (5 толсуре 2019). Архивировано 5 толсуре 2019 года. Эскеремын: 30 пӧсьтолэзе 2025 арын.
  17. ↑ Указ Президента Российской Федерации от 18 февраля 2010 года № 216 «О награждении орденом „За заслуги перед Отечеством“ III степени Волкова А. А.». Эскеремын: 30 пӧсьтолэзе 2025 арын.
  18. ↑ Указ Президента Российской Федерации от 5 августа 2003 года № 919 «О награждении орденом „За заслуги перед Отечеством“ IV степени Волкова А. А.»
  19. ↑ Награждение Александра Александровича Волкова орденом им. Александра Невского.
  20. ↑ Указ Президента Российской Федерации от 9 марта 1996 года № 359 «О награждении орденом Дружбы Вершинина П. Н. и Волкова А. А.»
  21. ↑ Президент Удмуртии награждён медалью МЧС России, tatar-inform.ru (12 куарусёнэ 2012). Эскеремын: 30 пӧсьтолэзе 2025 арын.
  22. ↑ Указ Президента Российской Федерации от 24 апреля 2000 года № 721 «О присвоении почетного звания „Заслуженный строитель Российской Федерации“ Волкову А. А.». Эскеремын: 30 пӧсьтолэзе 2025 арын.
  23. ↑ Распоряжение Президента Российской Федерации от 12 августа 1996 года № 418-рп «О поощрении руководителей субъектов Российской Федерации — активных участников организации и проведения выборной кампании Президента Российской Федерации 1996 года». Эскеремын: 30 пӧсьтолэзе 2025 арын.
  24. ↑ Распоряжение Правительства Российской Федерации от 2 декабря 2006 года № 1801 «О награждении Почётной грамотой Правительства Российской Федерации Волкова А. А.». Эскеремын: 30 пӧсьтолэзе 2025 арын.
  25. ↑ Об объявлении благодарности Министра культуры и массовых коммуникаций Российской Федерации. Эскеремын: 30 пӧсьтолэзе 2025 арын.
  26. ↑ Присуждение Александру Александровичу Волкову звания «Почетный гражданин г. Брянска», izhlife.ru (22 южтолэзе 2012). Эскеремын: 30 пӧсьтолэзе 2025 арын.

Чӧлсконъёс

«https://udm.ruwiki.ru/w/index.php?title=Волков,_Александр_Александрович_(кун_ужась)&oldid=507865»-ысь басьтэмын