Бузилов, Валерий Викторович

Валерий Викторович Бузилов
Вордскем дырыз	26-тӥ куарусёнэ 1953({{padleft:1953|4|0}}-{{padleft:9|2|0}}-{{padleft:26|2|0}}) (72 года)
Вордскем интыез	Коспаш[d], Пермь область, РСФСР, СССР
Ужудысэз	Росси Федерациысь Кун Думалэн VII ӧтчамысьтыз депутат
Дышетскемез	Ижысь М. Т. Калашников нимо техникая кун университет
Партия	«Единая Россия»
Данъетъёсыз	Удмурт Элькунысь дано нефтяник
Медиафайлъёс РувикиМедиа пушкын

Бузи́лов Вале́рий Ви́кторович (ворд. 26-тӥ куарусёнэ 1953, Коспаш^[d], Пермь область) — росси ужбергатӥсь, мерлыко ужась но политик, Росси Федерациысь Кун Думалэн VII ӧтчамысьтыз депутат, «Единая Россия» фракцилэн ёзчиез, бюджетъя но вытъя комитетлэн ёзчиез. Социология наукаосъя кандидат. Мерлыко технологиосъя но интыысь аскивалтон наукаосъя академиысь академик.

Улон сюресэз

Вордӥськиз 1953-тӥ арын 26-тӥ куарусёнэ Молотов улосысь Коспаш карын (али — Пермь улосвыл), будӥз Удмурт АССР-ысь Камбаркаын.

Дышетскемез

1976-тӥ арын Ижысь механикая институтэз «Полигон установкаос» ӧнеръя йылпумъяз.

1988-тӥ арын Совето Союзысь политехникая заочной институтын кыкетӥ вылӥ образование басьтӥз.

2002-тӥ арын Орёлысь кун службая улос академилэсь Белгородысь ёзэтсэ йылпумъяз.

Ужез

Ижкарысь механикая институтэз йылпумъямез бере Ижысь механикая заводэ ыстэмын вал; 1976-тӥ арысен 1979-тӥ арозь мастер, инженер-испытатель, бадӟымез инженер-испытатель, анализъя группаен кивалтӥсь луыса ужаз.

1979-тӥ арын Ульяновскысь авиацияя но промышленностья комплексэ инженер-наладчик луыса выжиз. 1981-тӥ арысен 1982-тӥ арозь «Миннефтегазстрой» трестлэн «Востокнефтегазэлектромонтаж» участоказ прораб, бадӟымез прораб, кивалтӥсь вал. 1982-тӥ арын сое юнматӥзы «Востокнефтегазэлектромонтаж» трестлэн монтажъя но тупатъянъя 11-тӥ управлениысьтыз монтажно-линейной участоклы кивалтӥсе, производствоя ёзлэн кивалтӥсезлы воштӥсе, татын со 1991-тӥ арозь ужаз. 1986-тӥ арын Ливие командировкае ыстӥзы, «Бенгази-Триполи» газ гумыосты кысконэ пыриськиз.

1991-тӥ арысен 1993-тӥ арозь «Котон» предприятилэн директорез вал. 1993-тӥ арысен 2010-тӥ арозь — Ижысь трос профильем «АСПЭК» ЗАО холдинглэн валтӥсь директорез, директоръёслэн кенешсылэн тӧроез. 2010-тӥ арысен 2013-тӥ арозь — «Башнефть-Регион» ООО-лэн валтӥсь директорез (компания мувӧез но солэсь поттэм вузъёсты вузанэн выре). В. В. Бузилов кӧня ке предприятиослэн кузёзы луэ: «Ада» ООО чибориё кортъёсты суменак вуза, «Радуга» ООО лэсьтӥськонэн выре, «Театральное» ООО ресторан ужбергатонын но сиён-юонэн вузкаронын пусъемын. Со сяна, ки улаз «Нечкино» спортъя но туризмъя центр но «Нечкино» нимын ик отель.

Политикаын ужез

1999-тӥ арысен Удмурт Элькунысь Кун Кенешлэн II но III ӧтчамъёсаз 80 номеро одӥг мандатъем быръён округъя депутатэ кык пол бырйиськылӥз, IV но V ӧтчамъёсаз «Единая Россия» партилэн списокъёсызъя кык пол депутатэ быръемын вал. 2013-тӥ арысен 2016-тӥ арозь элькун Кун Кенешысь экономикаысь политикая комиссилэн тӧроез вал.

2016-тӥ арын 18-тӥ куарусёнысен, «Единая Россия» ӵектэмен, Росси Федерациысь Кун Думалэн VII ӧтчамысьтыз Ижысь 34 номеро одӥг мандатъем округъя депутатэ быръемын.

Кат кылдытъянын ужез

2016-тӥ арысен 2019-тӥ арозь, Росси Федерациысь Кун Думалэн VII ӧтчамысьтыз депутат дыръяз, 97 кат кичӧлтонъёслэн но федерал катъёслы тупатъян ӵектосъёслэн огез авторез вал.

Данъетъёсыз

• «Удмурт Элькунысь дано нефтяник» дано ним;
• Удмурт Элькунлэн Данъян грамотаез;
• Удмурт Элькунысь Кун Кенешлэн Данъян грамотаез;
• Росси Федерациысь Энергетикая министерстволэн Данъян грамотаез;
• «Россиысь парламент» гадьпус.

Валэктонъёс

Чӧлсконъёс