Вершинин, Павел Николаевич

Википедиысь материал
Павел Николаевич Вершинин
Вершинин П. Н.jpg
Удмурт Элькун Кивалтэтлэн Тӧроез
1995 — 1999
Вордӥськемын 3-тӥ шуркынмонэ 1949({{padleft:1949|4|0}}-{{padleft:11|2|0}}-{{padleft:3|2|0}}) (76 лет)
Дышетскемез
Данъетъёсыз
Орден Дружбы орден «Знак Почёта»

Па́вел Никола́евич Верши́нин (ворд. 3-тӥ шуркынмонэ 1949, Можга ёрос, Удмурт Автономной Советской Социалистической Республика) — росси политик. Россиысь Федерал Собранилэн Федерацияя Кенешысь Удмурт Элькунлэсь быръем ёзчиез.

Улон сюресэз

1949-тӥ арын 3-тӥ шуркынмонэ Удмурт АССР-ысь Можга ёросысь Берёзовка гуртын (али быремын) колхозникъёслэн семьяязы вордӥськиз. Павел сяна, фронтовик Николай Спиридоновичлэн но Александра Назаровналэн эшшо ньыль пиналзы вал на[1]. Вершининъёслэн нылпиоссы пичи дырысен ужлы дышетэмын вал, нош школа вакытысь каникулъёсы колхозын тыршылӥзы: турын дасяллязы, гордкушманэз но картошкаез ӝутъязы, етӥн ишкизы[2].

Бадӟым Учаысь шор ёзо школаез йылпумъяса, Павел Вершинин Ижысь гурт удысъя институтысь механизацияя но электрификацияя факультетэ пыриз[1]. Студент вакытаз нырысь группалэн комсоргез вал, собере — курсысь комсомол огазеяськонлэн секретарез, бӧрысьгес — факультетлэн комсомолэзлэн комитетэзлэн секретарез. Бадӟым курсъёсын студентъёслэсь лэсьтӥськон отрядъёсынызы кивалтӥз[2].

Диплом басьтыса, армия пыр потӥз. Демобилизация бере вордскем палъёсаз берытскиз, Можга ёросысь «Россия» колхозэ гурт техникаез тупатъянъя инженере кутскиз, татын ик анай-атаез тыршизы, соос со вакытэ элькунысь усто ужасьёс вал. Колхозын 9 ар ужаз, та пӧлысь 6 арзэ — валтӥсь инженер луыса[1][2].

1980-тӥ арын Вершинин Можга ёросысь «Ленин сюрес» колхозлы председателе быръемын вал. Со кивалтэм улсын Пичи Сюга гуртын нылпи сад, школа, фельдшер-акушер пункт, культурая юрт, колхозникъёслы коркаос пуктэмын, асфальт вӧлдэмын, газ пыртэмын, ульчаос йӧн-йӧн лэсьтэмын[1][2].

1990-тӥ арын Павел Вершинин Удмуртиысь Министръёслэн Кенешсылы Тӧрое юнматэмын, ӝоген — выль кылдытэм гурт удысъя но сиён-юонъя министре но[1][2]. 1994-тӥ арын куарусёнысен сизьым толэзь ӵоже Министръёслэн Кенешсылэн тӧроезлэн нырысетӥ воштӥсезлэсь ужзэ быдэсъяз, отӥяз Удмуртиысь Правительстволэн Тӧроез интые юнматэмын вал[1].

1995-тӥ—1999-тӥ аръёсы — Удмуртиысь Правительстволэн Тӧроез; Россиысь Федерал Собранилэн Федерацияя Кенешысь  [ӟуч] (удм. ёзчиез. Удмуртиысь Кун Кенешысь нырысетӥ ӧтчамысьтыз депутат[3]. 1999-тӥ арын Кун Кенешысь кыкетӥ ӧтчамаз депутатэ быръемын, Тӧролэн нырысетӥ воштӥсез луиз[1].

2003-тӥ арысен 2005-тӥ арозь «Удмуртрыба» предприятилэн валтӥсь директорез вал, 2005-тӥ—2006-тӥ аръёсы Ижысь нянь пыжон но макарон лэсьтон комбинатэн кивалтӥз, отӥяз «Пастарель» компаниеp валтыны ӧдъяз[1].

2016-тӥ—2018-тӥ аръёсы Удмуртиысь Общественной палаталэн Тӧроез вал[4].

Федерацияя Кенеш

1996-тӥ арын толшорысен 1999-тӥ арын куартолэзёзь Россиысь Федерал Собранилэн Федерацияя Кенешысь Удмурт Элькунлэсь быръем ёзчиез, Удмурт Элькунысь Правительстволэн Тӧроез вал.

Семьяез

Павел Вершинин кышнояськемын. Валентина кузпалыныз куинь пиналъёссэс будэтӥзы[2].

Данъетъёсыз но дано нимъёсыз

Валэктонъёс

  1. ↑ 1 2 3 4 5 6 7 8 9 Вершинин Павел Николаевич [ӟуч], Официальный сайт Можгинского района. Эскеремын: 18 пӧсьтолэзе 2025 арын.
  2. ↑ 1 2 3 4 5 6 Галина Павлова. И это все о нем, Московский Комсомолец - Ижевск (16.04.2014). Эскеремын: 18 пӧсьтолэзе 2025 арын.
  3. ↑ 1 2 Вершинин Павел Николаевич [ӟуч], КаЛенДарь | Знаменательных и памятных дат Удмуртии. Эскеремын: 18 пӧсьтолэзе 2025 арын.
  4. ↑ Дарья Коновалова. Павел Вершинин стал новым председателем Общественной палаты Удмуртии [ӟуч], izh.kp.ru (14 января 2016). Эскеремын: 18 пӧсьтолэзе 2025 арын.
«https://udm.ruwiki.ru/w/index.php?title=Вершинин,_Павел_Николаевич&oldid=507382»-ысь басьтэмын