Салтыков, Анатолий Иванович
| Анатолий Иванович Салтыков | |
|---|---|
 | |
|
| |
 Россиысь Федерал Собранилэн Федерацияя Кенешысьтыз Новосибирск улослэсь быръем ёзчиез
 |
|
| 2004-тӥ арын 27-тӥ тулыспалысен — 2010-тӥ арын 24-тӥ шуркынмонозь | |
| Азьпалчиез | Виктор Александрович Игнатов |
| Бӧрысьчиез | Алексей Акимович Беспаликов |
|
Россиысь Федерацияя Кенешысь Удмуртиысь ёзчиез
|
|
| 2001-тӥ арын 17-тӥ оштолэзьысен — 2003-тӥ арын 23-тӥ оштолэзёзь | |
| Бӧрысьчиез | Виктор Геннадьевич Хорошавцев |
|
|
|
| Вордӥськемын |
29-тӥ коньывуонэ 1947 (78 арес) Можга, УАССР, СССР |
| Дышетскемез | Удмурт кун университет |
 Медиафайлъёс РувикиМедиа пушкын | |
Анато́лий Ива́нович Салтыко́в (ворд. 1947-тӥ арын 29-тӥ коньывуонэ Можгаын, СССР) — Ижкарлэн йырыз (1994—2001), Россиысь Федераци Кенешысь интыысь кивалтон ужпумъёсъя комитетлэн тӧроезлэн нырысетӥ воштӥсез, Федерацияя Кенешысь улон инты политикая но жилищно-коммунальной возёсъя комиссилэн ёзчиез.
Улон сюресэз
А. И. Салтыков 1947-тӥ арын 29-тӥ коньывуонэ Можгаын вордӥськиз. Атаез пияла поттон «Свет» заводын ужаз, анаез вуриськись вал. Анатолий пизы сяна, семьяын эшшо кык нылъёссы будӥзы на[1].
Анатолий ӟеч дышетскиз, спортъя нылпи школаын баскетболэн шудӥз, техникаен тунсыкъяськиз. 16 аресказ мотоциклэн ворттылыны право басьтӥз. Бадӟым классъёсын дышетскыкуз, сое школаысь комсомоллэн комитетаз секретаре бырйизы[1].
1970-тӥ арын Удмурт кун университетэз йылпумъяз, физикая дышетӥсьлэсь дипломзэ басьтӥз. Соку ик лэсьтӥськонъя «Энергия» студент отрядлы командире юнматэмын вал. Дышетсконзэ йылпумъямезлэсь азьвыл ик лэсьтӥськон удысын тыршись студотрядъёслэн элькун штабысьтызы комиссаре юнматэмын вал[1].
1972-тӥ—1974-тӥ аръёсы Совето Армиын Атыкай музъеммес утиз[1].
Армиысь берытскемез бере — комсомол но партийной ужын тыршиз. 1976-тӥ—1984-тӥ аръёсы СССР-ысь наукаосъя академилэн Ижысь металлъёслэн физиказыя институтын ужаз, директорлэн воштӥсез луиз. 1984-тӥ арысен Анатолий Салтыков Ижкарысь Октябрь ёросысь исполкомын но карысь исполкомын пӧртэм интыосын тыршиз[2].
1990-тӥ арысен — Ижкарысь кенешлэн исполкомезлэн тӧроез[2].
1992-тӥ арын Удмурт Кун университетын эшшо одӥг диплом басьтӥз, таяз рад — «экономист-менеджер» квалификациез быдэстӥз.
1994-тӥ арын Салтыков Ижкарлы нырысетӥ йыре быръемын. Вуонояз аре «Россиысь мэр» ӵошатсконын вормиз, отчы кунысьтымы 1200 йыръёс пыриськизы. Аслэсьтыз вормон приззэ — 1000 доллар — Ижысь приютлы нылпиослэсь кулэяськонъёссэс быдэстон вылысь сётӥз. Бератаз Удмурт Элькунлэсь шоркарезлэсь данзэ Европаысь Страсбург дворецын утиз[1].
1995-тӥ арын Удмуртиысь Кун Кенешлы депутатэ но Ижкар Думалы тӧрое быръемын.
1996-тӥ арын Удмуртиысь Кун Кенешлэн пуктэтэзъя Ижкар администрацилэн йырысьтыз куштэмын (депутатъёс лыдъямъя, закон кылдытъясь но быдэсъясь ёзъёсын огдыре ужаны умойтэм шуыса). Бератаз Россиысь Конституциосъя суд та пуктэтэз шонертэмен пусйиз. Озьы 1998-тӥ арын А. И. Салтыков Ижкарлы йыре выльысь быръемын вал.
2001-тӥ арын оштолэзьысен 2003-тӥ арын куартолэзёзь — Удмуртиысь Кун Кенешлэсь Россиысь Федерацияя Кенеше бырйиськиз. Россиысь Федерация Кенешын калыккуспо ужпумъёсъя комитетлэн тӧроезлэн воштӥсез вал[3].
2003-тӥ арын оштолэзьысен — Россиысь Федерал Собранилэн Федерацияя Кенешезлэн тӧроезлэн советникез[3].
2004-тӥ арын тулыспалэ Новосибирск улос администрацилэсь Россиысь Федерацияя Кенеше оскем муртэз сямен юнматэмын[2][3].
Кышнояськемын. Кык пиналъёсыз но кык внукъёсыз.
Данъетъёсыз
- Эшъяськон орден
- Удмурт Элькунысь Правительстволэн Данъян грамотаез
- Удмуртиысь Вылӥ Советлэн Президиумезлэн Данъян грамотаез
- Россиысь Федерацияя Кенешлэн Данъян грамотаез
- Экономикая реформаос ортчытонын трос лэсьтэмез понна Россиысь Президентлэн таукаронэныз пусъемын
- Ижкарлэн Дано кунмуртэз[4][2][3]
Европаысь Кенеш но Росси Федерация кусыпъёсты юнматон вылысь бадӟым уж лэсьтэмез понна Россиысь кунмуртъёс пӧлын сое нырысь ик Европаысь Кенешлэн «За заслуги» медаленыз пусйизы[2].
Валэктонъёс
- ↑ 1 2 3 4 5 Галина Павлова. Анатолий Салтыков: «Управлять городом не так-то просто» (29.01.2014). Эскеремын: 10 пӧсьтолэзе 2024 арын.
- ↑ 1 2 3 4 5 Салтыков Анатолий Иванович Официальный сайт Администрации города Ижевска.
- ↑ 1 2 3 4 Салтыков Анатолий Иванович, Совет Федерации Федерального Собрания Российской Федерации. Эскеремын: 10 пӧсьтолэзе 2024 арын.
- ↑ Ульяна Колмогорова, Дмитрий Винокуров Депутаты Гордумы Ижевска присвоили звание «Почетный гражданин» бывшему мэру Анатолию Салтыкову ИА "Удмуртия".
Чӧлсконъёс
- Анатолий Салтыков на сайте Совета Федерации
- Анатолий Салтыков. Живу в Ижевске
- Cенатор Салтыков. Штрихи к портрету
Россиысь Федерал Собраниын Новосибирск улосысь быръем муртъёс | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| |||||||||||||||||
| |||||||||||||||||
Удмурт Элькунлэн огмуртъёсыз Россиысь Федерал Собраниын | |||||||||||||||||
|---|---|---|---|---|---|---|---|---|---|---|---|---|---|---|---|---|---|
| Кун Думаысь депутатъёс |
| ||||||||||||||||
| Федераци Кенешлэн ёзчиосыз |
| ||||||||||||||||