Хорошавцев, Виктор Геннадьевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Хорошавцев.
Виктор Геннадьевич Хорошавцев
Хорошавцев Виктор Геннадьевич.jpg
Вордӥськем нуналыз 7-тӥ тулыспалэ 1953({{padleft:1953|4|0}}-{{padleft:2|2|0}}-{{padleft:7|2|0}}) (73 года)
Вордӥськем интыез
Ужудысэз ужбергатӥсь

Виктор Геннадьевич Хорошавцев (ворд. 1953-тӥ арын 7-тӥ тулыспалэ Балезино ёросысь Заполье гуртын, Удмурт АССР) — росси ужбергатӥсь,«Башнефть» компанилэн экс-президентэз но Удмуртилэсь Россиысь Федерацияя Кенеше быръем экс-сенатор. 2025-тӥ арын южтолэзь пумын заочно амалэн арестовать каремын[1]. 2025-тӥ арын 12-тӥ южтолэзе калыккуспо[2] розыске[3] ялэмын.

Улон сюресэз

В. Г. Хорошавцев Удмурт АССР-ысь Балезино ёросысь Заполье гуртын 1953-тӥ арын 7-тӥ тулыспалэ вордӥськемын.

1976-тӥ арын Ижысь механикая институтэз йылпумъяз.

1976-тӥ арысен 1981-тӥ арозь — Воткаысь машиностроительной заводысь[ru] бадӟымез инженер-технолог, Вотка горкомлэн ВЛКСМ-лэн кыкетӥ секретарез, радиотехнологической оснащениея заводысь цехен кивалтӥсьлэн воштӥсез.

1981-тӥ арысен 1982-тӥ арозь — Воткаысь вуз каронъя кар управлениысь бадӟымез инженер.

1983-тӥ—1989-тӥ аръёсы «Удмуртнефтегазстрой» автобазалэн директорез но валтӥсь инженерез вал. 1992-тӥ арын Валерий Бузиловен[ru] ӵош трос профильем «АСПЭК» холдинг акционер огазеяськон кылдытӥз, соин 1994-тӥ арозь кивалтӥз. 1995-тӥ арысен 1998-тӥ арозь «Урал траст банк[ru]» ОАО-ысь директоръёслэн кенешсылэн тӧроез вал, озьы ик «Белкамнефть» ОАО-ысь директоръёслэн кенешсылэн ёзчиез.[1] 2000-тӥ арысен 2003-тӥ арозь — «Белкамнефть» огазеяськонлэн валтӥсь директорез (бератаз та огазеяськон «Система» АФК-лэн[ru] ваньбураз пыриз, отӥяз воксё но «Русснефть[ru]» огазеяськонлэн ваньбурез луиз)[4].

1995-тӥ арысен Удмурт Элькунысь Кун Кенешлэн нырысетӥ ӧтчамаз депутатэ бырйиськиз, 1999-тӥ арын Кун Кенешлэн кыкетӥ ӧтчамаз депутат луиз, 2003-тӥ арын — куинетӥ ӧтчамаз.

2000-тӥ арын улосысь «Единство[ru]» удмурт движениез валтыны ӧдъяз[3].

2003-тӥ арын 23-тӥ оштолэзе Кун Кенеш Виктор Хорошавцевез Удмуртилэсь бырйиз Россиысь Федерацияя Кенешлы ёзчие — Удмурт Элькунлэсь кат кылдытъясь ёзэзлэсь ыстэм муртэн[5].

2003-тӥ арын куартолэзьысен 2007-тӥ арын южтолэзёзь Федерацияя Кенешын экономикаысь политикая, ужбергатонъя но ваньбур кусыпъёсъя комитетлэн ужаз пыриськиз, 2007-тӥ арын южтолэзьысен 2008-тӥ арын толшорозь та комитетлэн тӧроезлэн воштӥсез вал, нош 2008-тӥ арын тулыспалэ выльысь комитетлэн огшоры ёзчиез луиз. 2006-тӥ арын коньывуонысен 2008-тӥ арын шуркынмонозь Федерацияя Кенешысь егитъёсын ужанъя но спортъя комиссилэн ёзчиез вал, 2008-тӥ арын шуркынмонысен — егитъёсын ужанъя но туризмъя комиссилэн ёзчиез.

2009-тӥ арын 4-тӥ тулыспалэ Федерацияя Кенеш Хорошавцевез, аслаз куремезъя, дырызлэсь вазь мозмытӥз сенаторысь —мукет уже кошкеменыз валче сенатор луыны алэмысь[6].

2009-тӥ арын 23-тӥ толшоре «Система» АФК — «Система-Инвест» ОАО компанилэн ёзэзлы валтӥсь директоре юнматӥзы[7]. Таин валче Хорошавцев ки улаз кутӥз мувӧй поттон удысысь Россиысь тужгес бадӟымзэ, сьӧд зарни поттонъя тямысэтӥзэ «Башнефть» компаниез но Башкириысь быдэс топливно-энергетической комплексэз[8].

2012-тӥ арын вань кивалтоно удысъёсысьтыз кошкиз[9].

Заочно амалэн ӝегатон

2024-тӥ арын «Русские фонды» группалэн кузёосыз-ёзчиосыз Сергей Васильев, Константин Бейрит но мукет ужбергатӥсьёс вылэ мошенничество статьяя уголовной уж ӝутэмын вал, ужкагазъёсын Хорошавцевлэн нимтулыз но шараяськылӥз. Уголовной уж герӟаськемын кун луисьтэм пенсиосъя фондъёслэсь — «Урал ФД», «Первый национальный пенсионный фонд» но мукет — бадӟым коньдонзэс лушканэн[10].

2025-тӥ арын 29-тӥ южтолэзе Хорошавцевез Мускоысь Тверской ёрос суд заочно амалэн арестовать кариз, бадӟым коньдонэз киултэмез пумысен янгыше уськытэмын. Уголовной ужлэн пуштросэз сярысь рос-прос ивортэмын ӧвӧл[1].

2025-тӥ арын 12-тӥ куартолэзе МВД ужбергатӥсез калыккуспо розыске ялӥз[3].

Валэктонъёс

  1. ↑ 1 2 3 Заочно арестован бывший президент "Башнефти" Хорошавцев, Interfax.ru (12 куартолэзе 2025). Эскеремын: 12 куартолэзе 2025 арын.
  2. ↑ Экс-главу «Башнефти» Хорошавцева обвиняют в хищении почти 9 млрд рублей, Коммерсантъ (12 куартолэзе 2025). Эскеремын: 12 куартолэзе 2025 арын.
  3. ↑ 1 2 3 Бывшего президента «Башнефти» Хорошавцева объявили в розыск, РБК. Эскеремын: 12 куартолэзе 2025 арын.
  4. ↑ Хорошавцев Виктор Геннадьевич. Личное дело Газета «Коммерсантъ» № 69 от 20.04.2010, стр. 14. kommersant.ru. Эскеремын 2019-11-13 арын
  5. ↑ Государственный Совет Удмуртской Республики Об избрании Хорошавцева В.Г. членом Совета Федерации Федерального Собрания Российской Федерации представителем от Государственного Совета Удмуртской Республики cntd.ru. Эскеремын 2019-11-13 арын
  6. ↑ Досрочно прекращены полномочия сенатора Хорошавцева ИА REGNUM. Эскеремын 2019-11-13 арын
  7. ↑ Гендиректором «Системы–Инвест» назначен Виктор Хорошавцев kommersant.ru. Эскеремын 2019-11-13 арын
  8. ↑ Башкирский ТЭК доверили Виктору Хорошавцеву Газета «Коммерсантъ» № 12 от 26.01.2009, стр. 11. kommersant.ru. Эскеремын 2019-11-13 арын
  9. ↑ Бывший сенатор от Удмуртии Виктор Хорошавцев заочно арестован, Коммерсантъ (12 куартолэзе 2025). Эскеремын: 12 куартолэзе 2025 арын.
  10. ↑ Совладельцы "Русских фондов" Васильев и Бейрит сочли необоснованными претензии СК, Interfax.ru (26 инвожое 2024). Эскеремын: 12 куартолэзе 2025 арын.

Чӧлсконъёс

«https://udm.ruwiki.ru/w/index.php?title=Хорошавцев,_Виктор_Геннадьевич&oldid=491374»-ысь басьтэмын