23-тӥ оштолэзь — Григориан дырпусъя — арлэн 113-тӥ нуналыз (касьян аре — 114-тӥез). Ар пумозь 252 нунал кылемын.
☀️ Ижкарын Шунды 5 час 1 минутэ ӝужа, пуксе 19 час 52 минутэ. Югыт нуналлэн кыстӥськемез 🕒 14 час 51 минут.
🌒 Егит Толэзь (будэмез 5.96 нунал).
Нунал тодметъёс
- Терентийлэн нуналыз. Та дырысен сюресъёс ветлонтэмесь луо. Крестьян калык пӧлын таӵе веран вӧлмемын: Терентий, пе, сюресъёсты быдтэ. Туннэ шунды бус пыр ӝужа, шуо.
- Тылобурдоос писпу вайёсын пуко ке ― ӝоген шуныт пӧсь нуналъёс вуозы.
- Та нуналэ кужмо тӧласькиз ке ― ю-нянь уз удалты, шуо.
- Туннэ шунды бус пыр ӝужаз ке ― ю-нянь но емыш удалтоз.
Нимнуналзэс пусъё
- Александр, Африкан, Зенон, Максим, Григорий, Терентий, Фёдор, Яков.
Праздникъёс но буре ваён нуналъёс
- Россия
Россия — Угoлoвнo-иcпoлнитeльнoй ёзэтысь пpecc-cлужбаослэн нуналзы.
- ЮНЕСКО
ЮНЕСКО — Книгалэн но авторской праволэн дунневыл нуналыз (1996).
- ООН
ООН — Англи кыллэн калыккуспо нуналыз (2010).
- ООН ООН — Испан кыллэн нуналыз (2010).
- Германия
Германия — Немец сурлэн нуналыз (1516).
- Испания
Испания — Сан-Хорхе (дун-Чылкыт Георгийлэн нуналыз).
- Финляндия
Финляндия — книгаосын но розаосын вошъяськон нунал.
- Великобритания
Великобритания — Шекспирлэн нуналыз.
Тумошор праздникъёс
- Толэзь улын пумиськон нунал.
- Кактус будэтӥсьёслэн нуналзы.
Луэм учыръёс
Удмуртиын
- 1923 — Глазкарын нырысетӥ пионер отряд кылдытэмын.
- 1993 — Удмуртиын еврей культурая мер центр кылдытэмын.
- 1998 — кылдытэмын муниципал предприятие ― «Уваысь технической инвентаризацияя бюро».
«Чудо Георгия о змие». Новгородской мудор, XIV даурлэн пумыз
Таганкаысь театрлэн юртэз, 2011-тӥ ар
Россиын но дуннеын
- 215 ар асьме вапумлэсь азьпал — Римысь Капитолийской вырйылын Венералэн Храмез ӝутэмын.
- 303 — рим императорлэн Диоклетианлэн косэмезъя, Палестинаын христиан ожгарчи Георгий Победоносец виемын, берло черк сое канонизировать кариз.
- 1597 — Шекспирлэн пьесаезъя пуктэм «Виндзорские проказницы» спектакльлэн премьераез ортчиз, нырысетӥ дунъясьёс пӧлын англи королева Елизавета I но вылэм.
- 1605 — Фёдор Годуновез ӟуч эксэй шуыса ялӥзы.
- 1656 — ӟуч черк инъетрад кык чиньыен вӧсяськисьёсты черклэсь палэнтон сярысь Пуктэт кутӥз.
- 1662 — Коннектикутэз британ колониен ялӥзы.
- 1836 — Санкт-Петербургын А. С. Пушкинэн кылдытэм литературной но общественно-политической «Современник» журналлэн нырысетӥ номерез поттэмын.
- 1867 — королева Виктория но император Наполеон III Ла-Манш улысь туннель копан планэз палэнтӥзы.
- 1889 — Чехов, агаезлы гожтэт гожтыкуз, «краткость — сестра таланта» фразаез уже кутӥз. Со дырысен та веранкыл улонэ пыраклы кылиз.
- 1906 — Стокгольмын РСДРП-лэн IV (Огазеяськем) съездэз усьтӥськиз.
- 1913 — ву вылэ лэземын «Аквитания», кыказ ик дунневыл ожъёсы пыриськем одӥг гинэ лайнер.
- 1918 — РСФСР-ын «Педпалась вузкаронэз национализировать карон сярысь» СНК-лэн декретэз поттэмын.
- 1929 — ужаны кутскиз ВКП(б)-лэн XVI конференциез. Татын кутэмын вал 1-тӥез вить аръем план (Первая пятилетка).
- 1932
- ЦК ВКП(б)-лэн «Литературно-художественной организациосты выльдон сярысь» Решениезъя, гожъяськисьёслэн вань дэменлыкъёссы ворсамын но совето гожъяськисьёслэн огъя Союззы кылдытэмын.
- Стратфорд-он-Эйвонын Шекспировской Эксэй театр усьтэмын.
- 1942 — Германиын 14-16 аресъем пияшъёслы но16-17 аресъем нылашъёслы сельскохозяйственной повинность ялэмын.
- 1956 — Лас-Вегасын Элвис Преслилэн нырысетӥ концертэз ортчиз.
- 1964 — Юрий Любимов Таганка театрлы кутскон сётӥз.
- 1967 — «Союз-1» космической корабль, Владимир Комаровлэн кивалтэм улсаз, музъем бордысь висъяськиз. Музъем вылэ берытскыкуз, корабльын шуэрес учыр кылдэмен, Владимр Комаров бырыны шедиз.
- 1985
- ЦК КПСС-лэн Пленумаз Перестройка вакытлэн экономи люкетэз сярысь ялэмын.
- Пекинын Китайын нырысетӥез «Макдоналдс» ресторан усьтӥськиз.
- 1991 ― СССР-лэн президентэныз М. С. Горбачёвлэн 9 кунъёслэн азьветлӥсьёсынызы Ново-Огарёвын ортчем пумиськонын Союзной договорлэн выль принципъёсыз сярысь заявление гожтэмын.
- 2000 — Кыкетӥ чечен ож: Сержень-Юрт котырын парашютно-десантной полклэн 51-тӥ колоннаез засадае шедиз.
- 2007 — ООН-лэн кичӧлтэмезъя дуннеысь тросаз кунъёсын сюрес вылын кышкыттэмлыклы сӥзем арня ортчытӥське.
Вордӥськизы
Удмуртиысь тодмо муртъёс
- 1951 ― Александр Германович Корепанов — совето но росси крезьгурчи, крезьгуръя дышетӥсь. Удмурт Элькунысь искусство удысысь сӥё-дано ужась (1994), Удмурт Элькунлэн Кун премиезлэн лауреатэз (1994), Крезьгурчиослэн калыккуспо ӵошатсконзылэн лауреатэз (2002). СССР-ысь но Россиысь Крезьгурчиослэн Союззылэн ёзчиез (1978). Удмуртиысь крезьгурчиослэн Союззылэн кивалтӥсез (1999—2014). Удмурт Элькун гимнлэн крезьгурезлэн соавторез.
Россиысь но дуннеысь тодмо муртъёс
- 1791 — Джеймс Бьюкенен, США-лэн 15-тӥ президентэз.
- 1858 — Макс Планк, немец физик, Нобель премилэн лауреатэз (1918).
- 1891 — Сергей Прокофьев, ӟуч совето крезьгурчи.
- 1896 — Мате Залка (зэмос нимыз Бела Франкль), венгер гожъяськчись-антифашист.
- 1941 — Пааво Липпонен, финн политик.
- 1954 — Майкл Мур, кинорежиссёр.
- 1979 — Лаури Юлёнен, кырӟась, «The Rasmus» финн группаысь крезьгурчи.
Кулӥзы
Удмуртиысь тодмо муртъёс
Россиысь но дуннеысь одмо муртъёс
- 1616 — Мигель де Сервантес Сааведра, испан гожъяськись.
- 1851 — Михаил Лазарев, ӟуч адмирал, куинь пол дуннекотыр уянэ пыриськись.
- 1945 — Нур Баян, бигер кылбурчи.
- 2007 — Борис Ельцин, Россилэн нырысетӥ президентэз.
.jpg)
.jpg)
