6-тӥ оштолэзь — Григориан дырпусъя — арлэн 96-тӥ нуналыз (касьян аре — 97-тӥез). Ар пумозь 269 нунал кылемын.
☀️ Ижкарын Шунды 5 час 40 минутэ ӝужа, пуксе 19 час 13 минутэ. Югыт нуналлэн кыстӥськемез 🕒 13 час 32 минут.
🌓 Нырысетӥ ньыльмосэз (будэмез 7.86 нунал).
- Удмурт дырпусъя туннэ уртэз (ӟуч сямен — дух), пурысь бубылиез пумитан нунал. Та нуналэ, пе, киужен вырыны уг яра, мытэм ужъёсты уз азинске, шуо.
- Та нуналозь лымы шунаса бырымтэ на ке ― со куартолэзёзь кыллёз на.
- Туннэ тюрагай ке кырӟа ― шуныт кариськоз, поӵаш ке ― кезьытскоз.
- Туннэ лымыяз ке — сьӧдчабей но сезьы удалтоз.
- Артемий, Владимир, Захария, Мартын/Мартин, Парфений, Пётр, Север/Севир, Сеннуфий, Степан, Яков.
Петрарка Лауралы синмаське
Помпеи карысь Юпитерлы сӥзем черклэн куашкам бервылыз
- 1950 — Ижкарын ветеринарной аптека усьтэмын.
- 2024 ― Удмуртиын та нуналэ бадӟым удмурт диктант гожто. Нырысьсэ со 13 ар талэсь азьло радъямын вал.
Велосипедлэн асьме дырозь воштӥськемез
- 1327 — Авиньонысь черкын Петрарка кылбурчи Лаураез — аслэсьтыз музазэ пумитаз.
- 1580 — Британиын, музъемлэн дуныз будэмен валче, куд-ог лондон черкъёс куашкатэмын вал, кылсярысь , Святой Павеллы сӥзем бадӟым черк.
- 1712 — Нью-Йоркын рабъёслэн ӝутӥськонзы кутскиз.
- 1748 — Италиын Помпеи карлэн куашкатэм бервылыз шедьтэмын.
- 1772 — Екатерина II Пётр I туш нуллон понна выт тырон сярысь косэтсэ палэнтӥз.
- 1814 — Наполеон I престоллэсь куштӥськемез бере, кивалтонэ выльысь Бурбонъёслэн выжызы берытскиз.
- 1818 — Парижын Карл Дрез барон кык колёсаен ветлон арберизэ возьматӥз (туала велосипедлэн инъетэз).
- 1896 — Афиныын нырысетӥ туала Олимпи шудонъёс усьтӥськизы.
- 1899 — Москваын электро трамвай лэземын.
- 1909 — Америкаысь исследователь Роберт Пири арктической экспедициеныз Уйпал полюсозь вуиз.
- 1917 — США Нырысетӥ дунне оже пыриськиз.
- 1920 — Верхнеудинскын Дальневосточной Республика ялэмын.
- 1923 — Москваын Моссовет нимо театр[ru] усьтӥськиз.
- 1927 — Ленинградын телефон-автомат пуктылыны кутскизы.
- 1930 — СССР-ысь ЦИК-лэн Пуктэтэзъя Ленин нимо но Горд Кизили орденъёс кылдытэмын.
- 1945 — Кёнигсберг операци[ru] кутскиз.
- 1973 — Америкаысь «Пионер-11» автоматической межпланетной станци Сатурн инсьӧрмуозь лэземын.
- 1994 — уськытэмын самолёт, кудаз Африкаысь кык президентъёс лобо вал: Сиприен Нтарьямира но Жювеналь Хабиаримана.
- 2010 — Киргизиын кун переворот кутскиз.
Александр Иванович Герцен
- 1988 — Шеломенцев, Дмитрий Владимирович, Ижысь хоккей школаын дышетскем мурт, защитаын шудӥсь.
- 1773 — Джеймс Милль, Англиысь философ, историк но экономист.
- 1812 — Александр Герцен, Россиысь гожъясьчи, философ но публицист.
- 1836 — Николай Склифосовский, Россиысь хирург, дышетӥсь, профессор.
- 1841 — Иван Суриков, ӟуч кылбурчи («Детство», «Вот моя деревня…»).
- 1956 — Игорь Саруханов, СССР-ысь но Россиысь кырӟась но крезьгурчи, кырӟанъёслэн авторзы («Дорогие мои старики», «Скрипка-лиса»).
- 1970 — Ирина Билык, Украинаысь кырӟась.
- 1975 — Денис Клявер, Россиысь кырӟась, «Чай вдвоём» группае пыриськись.
ООН — Тупаса улонэз азинтӥсь спортлэн калыккуспо нуналыз.
Россия — Следсвие ёзэтын ужасьёслэн ӧнер нуналзы
Индонезия — чорыгасьлэн нуналыз.
США — выль помидор сиён нунал.
ЮАР — Кылдытӥсьёслэн нуналзы.
Литва — сюрес вылын кышкытлыклэсь утиськон нунал.
