12-тӥ оштолэзь — Григориан дырпусъя — арлэн 102-тӥ нуналыз (касьян аре — 103-тӥез). Ар пумозь 263 нунал кылемын.
☀️ Ижкарын Шунды 5 час 26 минутэ ӝужа, пуксе 19 час 27 минутэ. Югыт нуналлэн кыстӥськемез 🕒 14 час 1 минут.
🌕 Тыр толэзь (будэмез 13.86 нунал).
- Азбар утён нунал. Туннэ, пе, корка котырысь кыдёке кошкыны уг лэзё. Вазенгес пудоез но юнме кыре уг лэзьяло вылэм.
- Та нуналлы унябей сяськаяз ни ке ― гужем вакчи луоз.
- Мушъёслэн лобамзы адске ке ― ӝоген пӧсь луоз.
- Туннэ зориз ке ― губи удалтоз.
- Аполлос, Еввула, Епафродит, Зенон, Зосима, Кесарь, Кифа, Иван, Иоад, Сосфен, Софрон.
- 1965 — Ижысь 62-тӥ номеро школаын Авиацилы но космонавтикалы сӥзем Ю. А. Гагарин нимо калык музей усьтэмын.
- 1966 — Воткаысь газ аппаратура лэсьтӥсь завод ужаны кутскиз.
Ю. Гагарин корабль пушкын
- 1204 — Ньылетӥ крестовой поход: крестоносецъёс Константинопольлэсь борддоръёссэ сӧризы но Византилэн шоркараз кужмысь пыризы.
- 1774 — Сакмар (Оренбург улос) кар котырын ожмаськонын П. М. Голицын генераллэн ожгарчиосыз Е. И. Пугачёвлэсь армизэ пазьгизы.
- 1815 — Тамбора тылгурезь кисьтӥськон дыръя (кутскиз 5-тӥ оштолэзе, кульминациез — 10-тӥ оштолэзе) ог 10 000 адями бырыны шедиз. Соку ик, 80 сюрсэз берлогес (цунами но сютэм улэмлэсь).
- 1881 — император Александр III Россиысь эриклыко пырон-потонэз лэзиз.
- 1903 — быдэс дуннеын нырысьсэ Лондонлэн ульчаосаз потӥз пушказ ӝуаса ужась двигателен кар автобус.
- 1918 — Совнарком «Эксэйёслы сӥзем синпелетъёсты быдтон но Социалистической Революцилы сӥземъёссэ дасян сярысь» Декрет гожтӥз.
- 1919 — РСФСР-ын нырысетӥ Коммунистической субботник ортчиз (та ужрад дыръя Москва-Сортировочной станциын 3 паровоз тупатэмын).
- 1929 — СССР-ын «Интурист» туристической компани кылдытэмын.
- 1943 — Мускоын ядерной оружиез лэсьтон понна Курчатов институт кылдытэмын.
- 1951 — "чёрный четверг". Корей ожмаськон дыръя МиГ-15 совето истребительёс 10-лэсь ятыр B-29 американ бомбардировщикъёсты быдтӥзы.
- 1961 — быдэс историын нырысьсэ адями инсьӧры ӝутскиз. Со — Гагарин, Юрий Алексеевич.
- 1970 — СССР-лэн К-8 вуул лодкаез выйиз. Соин ӵош 52 зарезьчи бырыны шедиз.
- 1981 — инсьӧры «Колумбия» космической корабль лэземын.
- 1985 — Горьковской автозаводлэн конвеерысьтыз миллионэтӥез «Волга» ГАЗ-24 васькиз.
- 1992 — Парижын «Евро-Диснейленд» усьтэмын.
- 2014 — Донбассыножтӥрлыко вачевуон: Славянск понна ожмаськон кутскиз.
- 1918 — Анастасия Добровольская, лулчеберет удысысь ужась, УАССР-ысь культурая министрлэн воштӥсез.
- 1927 — Генрих Иванов, Удмуртиысь инженер-технолог, наукаосъя доктор.
- 1947 — Сергей Ряднов, Удмуртиысь сумоя федерацилэн тӧроез, самбоя, дзюдоя но сумоя тренер.
- 1994 — Александр Поварницын, удмурт биатлонист.
- 1817 — Шарль Мессье, Франциысь астроном, Парижысь наукаосъя академилэн ёзчиез.
- 1938 — Фёдор Шаляпин, ӟуч оперной кырӟась (бас).
- 1945 — Франклин Рузвельт, Америкаысь политик, США-лэн 32-тӥ президентэз.
- 1986 — Валентин Катаев, ӟуч совето гожъяськись, кылбурчи, драматург, киносценарист.
— Адямилэн инсьӧры лобонэзлы сӥзем калыккуспо нунал.
СССР, 
Россия, 
Белоруссия — Инсьӧртодослэн нуналыз.
Либерия — Мозмытонлы сӥзем йӧскалык нунал (1980).
Казахстан — Наука удысын тыршисьёслэн нуналзы.
