Инсьӧртодослэн нуналыз

Википедиысь материал
Рецензировать карем гожтос
Рецензент: Александр Марусев, исполнительный директор Ассоциация музеев космонавтики России (АМКОС)
Инсьӧртодослэн нуналыз
Soviet Union-1965-Stamp-0.12. Cosmonautics Day.jpg
Юнматэмын 1962-тӥ арын 9-тӥ оштолэзе
Дырыз 12-тӥ оштолэзе
Герӟаськемын нырысетӥ космонавтлэн инсьӧры потэменыз
Логотип РУВИКИ.Медиа Медиафайлъёс РувикиМедиа пушкын

Инсьӧртодослэн нуналыз (космонавтикалэн нуналыз) — адямилэн нырысьсэ инсьӧры ӝутскемезлы сӥзем нунал[1]. Пусйиське 12-тӥ оштолэзе. Нырысь СССР-ын гинэ пусйиськылӥз, собере мукет кунъёсын. Юрий Гагаринлэн 1961-тӥ арын нырысьсэ инсьӧры лобеменыз герӟаськемын[1].

Историез

1961-тӥ арын 12-тӥ оштолэзе совето космонавт Юрий Гагарин «Восток-1» корабленыз «Байконур[ru]» космодромысь инсьӧры ӝутскиз но нырысьсэ Музъемез котыртӥз[2]. Лобон дырыз 108 минут ӵоже кыстӥськиз[3] . Саратов улосэ пуксиз. Со интыын берлогес Юрий Гагаринлы сӥзьыса, Инсьӧрчиослэн парксы кылдытэмын[4].

Инсьӧртодослэсь нуналзэ пусъён юнматэмын Гагаринлэн инсьӧры лобамез бере, ар ортчыса, СССР-ысь Вылӥ Кенешлэн Президиумезлэн 1962-тӥ арын 9-тӥ оштолэзе гожтэм Косэтэзъя. Нимыз но соку ик тупатэмын вал — Космонавтикалэн нуналыз. Выль праздникез юнматонлэн кичӧлтӥсез — СССР-ысь кыкетӥез лётчик-космонавт Герман Титов[ru], со 1962-тӥ арын 26-тӥ южтолэзе ЦК КПСС-э куронзэ келяз[5][6].

Со нуналэ ик Быдэс дуннеысь авиацилэн но космонавтикалэн нуналыз пусйиське. Нимыз но пусъён дырыз Авиацияя калыккуспо федерацилэн[ru] 1968-тӥ арын шуркынмонэ ортчем 61-тӥ Генеральной конференцияз гожтэм протоколэн (п. 17) но СССР-ысь Авиаци спортъя федерацилэн представлениезъя Авиацияя калыккуспо федерацилэн Кенешезлэн 1969-тӥ арын 30-тӥ оштолэзе кутэм решениеныз юнматэмын[7].

1980-тӥ арын СССР-ын Инсьӧртодослэн нуналыз выльысь юнматэмын СССР-ысь Вылӥ Кенешлэн Президиумезлэн 1-тӥ коньывуонэ кутэм «Праздникъёс но буре ваён нуналъёс сярысь» 3018-Х-тӥ номеро Косэтэныз[1].

Росси Федерациын Инсьӧртодослэн нуналыз 1995-тӥ арын 13-тӥ южтолэзе кутэм «Россилэн ожгар данлыко но буре ваён нуналъёсыз сярысь» 32-тӥ номеро ФЗ 1.1 номеро статьяезъя, СССР-ын сямен ик 12-тӥ оштолэзе пусйиське[8]. Праздник нуналлы сӥзем валтӥсьёсыз ужрадъёс Москваын но Калугаын ортчо: Москваысь планетарийын экскурсиос, Инсьӧртодослэн музеяз[ru] нимысьтыз проектъёс, лекциос, пумиськонъёс ортчо[9][10][11].

Инсьӧртодослэсь нуналзэ быдэс Россиын сӥлы каро. Кылсярысь, 2016-тӥ арысен «Инсьӧр — со ми» нимо Гаграринской урок радъяське (2017-тӥ арысен Россилэн палэназ но ортче)[12].

Адямилэн нырысьсэ инсьӧры ӝутскемез дырысен 50 ар тырмонэн валче, 2011-тӥ арын Росси инсьӧртодослэн арез ортчытэмын, 55 ар тырмонлы сӥзьыса — 2016-тӥ ар Юрий Гагаринлэн ареныз ялэмын вал. Со арын ик «Мы верим в космос!» арт-проектлы кутскон сётэмын[12].

60 ар тырмонэн валче, 2021-тӥ арын пӧртэм ужрадъёс пӧлын тужгес бадӟымез — Москваысь Инсьӧртодослэн музеяз «Первый» нимо адӟытон. Со адӟытонын валтӥсь экспонатэз луиз «Восток-1[ru]» корабльлэн лэзькон аппаратэз, кудаз Гагарин Музъем вылэ берытскиз[12].

2023-тӥ арын, коронавирусэн герӟаськем сюбегатонъёсты палэнтэм бере, Инсьӧртодослэн нуналыз озьы ик паськыт пусйиськиз. Кылсярысь, Москваын тематической адӟытонъёс, мастер-классъёс, киновозьматонъёс, лекциос, перформансъёс ортчизы[13]. Саратовын, кытын Юрий Гагарин пинал дыръяз дышетскиз, Космонавтъёслы сӥзем ярдур урамын Юрий Гагаринлы синпелет вӧзын сӥё-дано митинг ортчиз, отчы вылӥ кивалтӥсьёс сяна, космонавтъёс но пыриськизы[14].

Озьы ик сӥлы карон ужрадъёс ялан ортчыло мукет каръёсын но  — Казаньын[15], Калугаын[16][17], Санкт-Петербургын[18], Архангельскын[19] но мукет.

Праздник нуналлэсь инлыксэ воштонэн герӟаськем кичӧлтонъёс

Мылкыд карисьёс трос пол та нуналэз кун праздник но шутэтскон нунал карыса, солэсь инлыксэ воштыны тыршылӥзы. Со кичӧлтонэз умоен лыдъяло инсьӧртодослы сӥзем тросэз музейёс, космонавтъёс но куд-ог политикъёс.

Инсьӧртодослэсь нуналзэ огъя йӧскалык праздникен лыдъян сярысь кичӧлтон Кун думае нырысьсэ ӵектэмын вал 2001-тӥ арын. Кичӧлтӥсьёсыз «Регионы России», КПРФ, ЛДПР, «Народовластие», «Единая Россия», «Отечество — Вся Россия», «Медведь» партиосысь депутатъёс. Катӵектос ар пала Кун думаын кыллиз, озьы ке но, парламентарийёс сое умоен ӧз лыдъялэ. 2006-тӥ арын куартолэзе эшшо огпол сыӵе ик ӵектонэн вазиськизы «Родина» но КПРФ партиос, соос пӧлын озьы ик вал «Единая Россия» партилэн депутатэз Геннадий Райков[ru]. Соос 12-тӥ инвожое пусйиськись Россилэсь нуналзэ 12-тӥ оштолэзе выжтыны ӵектӥзы. Таиз но катӵектос шонерен лыдъямын ӧй вал.

2013-тӥ арын «Справедливая Россия» фракцилэн депутатъёсыз Сергей Миронов, Н. В. Левичев, Валерий Черешнев, Михаил Емельянов но Александр Агеев выль ар праздникъёсысь одӥгзэ нуналэз басьтыса, Инсьӧртодослэсь нуналзэ шутэтскон нуналэн ялыны дэмлазы. Катӵектос кык ар пала эскериськиз, соин тодматскиз Россилэн президентэз, Федераци Кенеш, кивалтэт[20].

2017-тӥ арын Россилэн Мер инэгаз 12-тӥ оштолэзез шутэтскон нуналэн ялыны ӵектӥзы . Таяз учыре но катӵектос кутэмын ӧй вал[21].

2021-тӥ арын Юрий Гагаринлэн лобамез дырысен 60 ар тырмонэн валче, со выллем кичӧлтонэн вазиськизы «Коммунисты России» партиысь депутатъёс ног лётчик-космонавт, Кун думаысь Инкуазез утёнъя комитетлэн тӧроезлэн воштӥсез Елена Серова[ru][22][23].

2023-тӥ арозь Инсьӧртодослэн нуналэзлэн инлыкез ӧз воштӥськы.

Адямилэн инсьӧры ӝутскемезлы сӥзем калыккуспо нунал

Салют Инсьӧртодослэн 50 ар тырмонэзлы сӥзем салют 2011-тӥ арын 12-тӥ оштолэзе

2011-тӥ арын 7-тӥ оштолэзе ООН-лэн Генеральной Ассамблеяезлэн нимысьтыз пленарной заседанияз 12-тӥ оштолэзез Адямилэн инсьӧры ӝутскемезлы сӥзем калыккуспо нуналэн ялон сярысь резолюция кутэмын вал. Резолюцилэн соавторъёсыз 60 пала кунъёс луизы[24][25]. Сыӵе решение кутэмын вал адямилэн нырысьсэ инсьӧры ӝутскемез дырысен 50 ар тырмонэн валче[26].

Та нуналлэн мукет тодметъёсыз

Гагаринлэн нырысьсэ инсьӧры ӝутскемез дырысен 20 ар ортчыса, 1981-тӥ арын 12-тӥ оштолэзе нырысьсэ американ программая лобиз «Спейс Шаттл[ru]»[27].

Кыкезлы ик лобанъёслы сӥзьыса (Юрий Гагаринлэн но «шаттллэн») дуннелэн пӧртэм сэрегъёсаз 2001-тӥ арысен «Юрьева ночь» калыккуспо фестиваль ортче. Солэн радъясез луэ Инсьӧр поколенилэн консультативной кенешез, со дуннелэн ог 60 кунъёсысьтыз пыриськисьёсты огазея[28].

2019-тӥ арын со фестиваль тросаз дунне кунъёсын ортчиз но со улсын ог сю ужрад пусъемын вал[28].

Лулчеберетын

«Трава у дома[ru]» кырӟанэз Роскосмос космонавтъёслэн официальной гимнэнызы ялӥз. Со, котьку сямен, космонавтъёслэн лобон нуналазы чузъяське , гостиницаысь потыкузы[29].

Москваын ВДНХ-ын, инсьӧрлы сӥзем павильонэн артэ, ялан ортчытъяське Инсьӧртодослэн нуналызлы сӥзем «Пора в космос!» фестиваль.

Ужрадлэн валтӥсь радъясез — Россиысь инсьӧртодосъёсъя музейёслэн ассоциацизы (АМКОС), ортчытӥське Роскосмослэн юрттэмезъя.

Филателия

  • Ю. Гагаринлэн туспуктэменыз почта марка СССР, 1964

    Ю. Гагаринлэн туспуктэменыз почта марка СССР, 1964

  • А. Леоновлэн туспуктэменыз почта марка. СССР, 1967

    А. Леоновлэн туспуктэменыз почта марка. СССР, 1967

  • Почта марка. СССР, 1972

    Почта марка. СССР, 1972

  • «Мир» орбитальной станцилэн туспуктэменыз почта марка. СССР, 1990

    «Мир» орбитальной станцилэн туспуктэменыз почта марка. СССР, 1990

  • Почта марка. Казахстан, 1996

    Почта марка. Казахстан, 1996

  • Адямилэн инсьӧры ӝутскемез дырысен 50 ар тырмонлы сӥзем юбилейной марка. Украина, 2011

    Адямилэн инсьӧры ӝутскемез дырысен 50 ар тырмонлы сӥзем юбилейной марка. Украина, 2011

  • Почта марка вылын К. Циолковскийлэн туспуктэмез но кизилиё инме ӝутскись«Ангара-А5» ракета-носитель. Россия, 2024

    Почта марка вылын К. Циолковскийлэн туспуктэмез но кизилиё инме ӝутскись«Ангара-А5» ракета-носитель. Россия, 2024

Нумизматика но фалеристика

  • Росси Банклэн Ю. А. Гагаринлэн инсьӧры ӝутскемез дырысен 40 ар тырмонлы сӥзем манетэз

    Росси Банклэн Ю. А. Гагаринлэн инсьӧры ӝутскемез дырысен 40 ар тырмонлы сӥзем манетэз

  • Росси Банклэн Ю. А. Гагаринлэн инсьӧры ӝутскемез дырысен 50 ар тырмонлы сӥзем юбилейной манетэз, 2011

    Росси Банклэн Ю. А. Гагаринлэн инсьӧры ӝутскемез дырысен 50 ар тырмонлы сӥзем юбилейной манетэз, 2011

  • Гагарин гадьпус, 1961, СССР

    Гагарин гадьпус, 1961, СССР

  • 12-тӥ оштолэзь - Инсьӧртодослэн нуналыз гадьпус

    12-тӥ оштолэзь - Инсьӧртодослэн нуналыз гадьпус

  • 12-тӥ оштолэзь - Инсьӧртодослэн нуналыз гадьпус

    12-тӥ оштолэзь - Инсьӧртодослэн нуналыз гадьпус

Валэктонъёс

  1. ↑ 1 2 3 День космонавтики (10 малоизвестных фактов о полёте Юрия Гагарина) Ульяновский государственный университет. Эскеремын 2023-08-09 арын
  2. ↑ 12 апреля 1961 года состоялся первый полёт человека в космос Российское историческое общество.
  3. ↑ Давыдов В. А. Первый Пилотируемый Полёт, том 2. — М.: Родина Медиа, 2011. — С. 42. — 1096 с. — ISBN 978-5-905350-01-6.
  4. ↑ Парк покорителей космоса им. Юрия Гагарина Объединённый мемориальный музей-заповедник Ю. А. Гагарина. Эскеремын 2023-08-09 арын
  5. ↑ День воздушного флота, День космонавтики Стенгазета МАП СССР «Крылья Родины».
  6. ↑ Дмитрий Писаренко «Орёл» и романтик. В чём космонавт № 2 оказался первым? Аргументы и факты. Эскеремын 2023-08-09 арын
  7. ↑ День авиации и космонавтики // Авиация: Энциклопедия / гл. ред. Г. П. Свищев. — М.: Большая Российская Энциклопедия, 1994. — ISBN 5-85270-086-Х.
  8. ↑ Федеральный закон Российской Федерации от 13 марта 1995 г. № 32-ФЗ «О днях воинской славы и памятных датах России» КонсультантПлюс. Эскеремын 2023-08-09 арын
  9. ↑ День космонавтики в Московском планетарии Московский планетарий. Эскеремын 2023-08-09 арын
  10. ↑ В Калуге отметили День космонавтики Калуга BezФормата. Эскеремын 2023-08-09 арын
  11. ↑ По всей Калужской области проведут мероприятия в честь Дня космонавтики НикаTV. Эскеремын 2023-08-09 арын
  12. ↑ 1 2 3 История Дня космонавтики ТАСС. Эскеремын 2023-08-09 арын
  13. ↑ День космонавтики в Москве 2023: экскурсии, спектакли и тематические игры Эскеремын 2023-08-09 арын
  14. ↑ В Саратове началось празднование Дня космонавтики Саратов BezФормата. Эскеремын 2023-08-09 арын
  15. ↑ На «реактивном» субботнике в Казани за 108 минут собрали 14 КАМАЗов мусора Официальный портал органов местного самоуправления города Казани. Эскеремын 2023-08-09 арын
  16. ↑ Полпред президента присвоил Калуге звание «научно-популярной столицы космонавтики» Калуга24. Эскеремын 2023-08-09 арын
  17. ↑ Материалы по тегу День космонавтики: Калужская неделя. Эскеремын 2023-08-09 арын
  18. ↑ День космонавтики в Санкт-Петербурге 2023 КП Афиша. Эскеремын 2023-08-09 арын
  19. ↑ Аким Самедов, Светлана Михеевская, Юрий Теленков Портрет Гагарина и космический остров: как в Поморье отметили День космонавтики телеканал «Регион 29». Эскеремын 2023-08-09 арын
  20. ↑ Светлана Субботина, Юлия Цой, Анастасия Миткевич День космонавтики предлагают сделать нерабочим Известия. Эскеремын 2023-08-09 арын
  21. ↑ В Общественной палате предложили сделать День космонавтики выходным Эскеремын 2023-08-09 арын
  22. ↑ Мария Левонян В Госдуме предложили сделать 12 апреля выходным днем Сургут BezФормата. Эскеремын 2023-08-09 арын
  23. ↑ Александр Емельяненков День космонавтики в год юбилея предложили сделать выходным Российская газета. Эскеремын 2023-08-09 арын
  24. ↑ 12 апреля – Международный день полёта человека в космос Новости ООН.
  25. ↑ Резолюция A/65/271 от 25 марта 2011 года Организация Объединенных Наций.
  26. ↑ День космонавтики Центр космонавтики и авиации на ВДНХ. Эскеремын 2023-08-09 арын
  27. ↑ «Приблизили новые миры»: как США запустили шаттл в годовщину полёта Гагарина Газета.ru. Эскеремын 2023-08-09 арын
  28. ↑ 1 2 «Юрьева ночь» в память о полете Гагарина пройдет в десятках стран ТАСС. Эскеремын 2023-08-09 арын
  29. ↑ Ко Дню космонавтики Тульская областная специальная библиотека для слепых.

Чӧлсконъёс

«https://udm.ruwiki.ru/w/index.php?title=Инсьӧртодослэн_нуналыз&oldid=490649»-ысь басьтэмын