Гагарин, Юрий

Википедиысь материал
Эскерем гожтос
Юрий Алексеевич
Гагарин
Юрий Гагаринлэн портретэз
Юрий Гагаринлэн портретэз
Кун СССРFlag of the Soviet Union.svg СССР
Ӧнерез Ожгар лётчик
Лётчик-космонавт
Воинской званиез
Полковник ВВС СССР полковник
Экспедициосы потамез «Восток-1» (12 апреля 1961)
Инсьӧр вӧлметын нырысетӥез адями
Инсьӧрын ортчытэм дырыз 1 час 48 минут
Вордӥськемын 9-тӥ южтолэзе 1934({{padleft:1934|4|0}}-{{padleft:3|2|0}}-{{padleft:9|2|0}})[1][2][3][…]
Вордӥськон интыез Клушино гурт,
Гжатский район,
Западной улос, РСФСР, СССР
Кулэмын 27-тӥ южтолэзе 1968({{padleft:1968|4|0}}-{{padleft:3|2|0}}-{{padleft:27|2|0}})[1][2][3][…] (34 года)
Кулон интыез Новосёлово черкогурт котырын,
Владимирская область,
РСФСР, СССР
Кинюртэмез Изображение автографа
Данъетъёсыз
Кунсьӧр данъетъёсыз
Позывноез «Кедр»
Логотип Викисклада Медиафайлы на Викискладе

Ю́рий Алексе́евич Гага́рин (9-тӥ южтолэзе 1934-тӥ арын, Западной улосын (али Смоленск улос) Гжатск (али Гагарин) ёросысь Клушино гуртын) — (27-тӥ южтолэзе 1968-тӥ арын, Владимир улосын Киржач ёросысь Новосёлово черкогурт котырын ) — нырысетӥез инсьӧры лобам мурт. СССР-ысь лётчик-космонавт, Совето Союзлэн Героез, пӧртэм кунъёслэн вылӥ пусъетъёссылэн кавалерзы, Россиысь но кунгожсьӧр каръёслэн Дано гражданинэз. Перейти к разделу «#Почётные звания и награды».

ВВС-ысь полковник (1963), 1-тӥ классъем военной лётчик, СССР-ысь спортъя сӥё-дано мастер (1961), ЦК ВЛКСМ-лэн ёзчиез, СССР-ысь Вылӥ Кенешлэн 7-тӥ но 8-тӥ ӧтчамысь депутатэз.

1961-тӥ арын 12-тӥ оштолэзе Юрий Гагарин дунневыл историын нырысьсэ Восток-1» корабль Казахстанысь Кызылординской улосвылын интыяськем Байконур космодромысь лэземын. 108 минут ӵоже лобамез бере, Гагаринлэн кораблез Саратов улосвылысь Энгельс кар вӧзы азинлыко пуксиз. 1961-тӥ арын 12-тӥ оштолэзь, Юрий Гагаринлэн инсьӧры лобон нуналыз, праздник нуналэн — Космонавтикалэн Нуналэныз ялэмын.

Гагарин лобон азьын

Вакчияк биографиез

Юрий Алексеевич Гагарин вордӥськиз 1934-тӥ арын 9-тӥ южтолэзе РСФСР-лэн Шундыпуксёнпал улосысьтыз Гжатск ёросысь (али дыре — Смоленск улосысь Гагарин ёрос) Клушино гуртын[6],[7] (1968-тӥ арын Гагарин город каремын) огшоры ужасьёслэн семьяязы. Атаез, Алексей Иванович Гагарин (14-тӥ (27) южтолэзе 1902[8] — 30-тӥ гудырикошконэ 1973[9]), — ӵуписькись, анаез, Анна Тимофеевна Матвеева (1903-тӥ арын 20 -тӥ толсуре — 1984-тӥ арын 12-тӥ инвожое) , скал кыскись.

Гагарин кар (азьвыл Гжатск)

Гагаринъёс куинь пи но одӥг ныл будэтӥзы. Юра ― куинетӥез пинал.1945-тӥ арын 24-тӥ куартолэзе Гагаринъёслэн семьязы Гжатске улыны кошкиз. 1949-тӥ арын Юра, куатетӥ классэз йылпумъяса, Люберцы карысь 10 номеро ремесленной училищее дышетскыны пыриз[10][11], татын, азьло сямен ик, духовой оркестрын трубаен шудонзэ азьланьтӥз[12][13]. Со дыре ик ужась егитъёслэн ӝыт школаязы дышетскыны пыриз. 1949-тӥ арын 16-тӥ толсуре комсомол радэ пыриз[14]. 1951-тӥ арын инвожо толэзе формовщик-литейщик специальностья дышетсконзэ отличиен йылпумъяз[15].

1951-тӥ арын Гагарин Саратовской индустриальной техникумлэн литейной ёзэтаз дышетсконзэ азьланьтӥз, татын ик ӟеч физкультурник но секретарь луэмзэ возьматӥз[14]. 1954-тӥ арын 25-тӥ коньывуонэ нырысьсэ ДОСААФ-лэн аэроклубаз вуиз. 1955-тӥ арын Юрий Гагарин дышетсконзэ отличиен йылпумъяз но Дубки спортивной аэродромын нырысьсэ Як-18 самолётэн огназ инме ӝутскиз. Татысь аэроклубын Юрий Гагарин 196 пол инме ӝутскылӥз, огъя лобан дырыз ― 42 час 23 минут люкаськиз.

Авиациын ужамез

1955-тӥ арын 27-тӥ коньывуонэ Гагаринэз Советской армие басьтӥзы но Оренбурге (со вакыт — Чкалов город) К. Е. Ворошилов нимо 1-тӥ военной авиационной училищее келязы. Татын со тодмо лётчик-инструктор Я. Ш. Акбулатов дорын дышетскиз[16][15]. 1957-тӥ арын 25-тӥ коньывуонэ Гагарин дышетсконзэ отличиен йылпумъяз.

Кык ар ӵоже службазэ нуиз Луостари-ысь (Мурманск улос) 769-тӥ истребительной авиационной полкын[17] ВВС-лэн Уйпал флотэзлэн 122-тӥ истребительной авиационной дивизияз, МиГ-15бис ожгар самолётъёсын[17] лобаз. 1959-тӥ арлы огъя лобан дырыз 265 час люкаськиз[18]. Татын «3-тӥ классъем военной лётчик» квалификаци басьтӥз. Службазэ старший лейтенант званиен йылпумъяз.

Инсьӧр отрядын

Космонавтъёсын отряд кылдытон сярысь но нырысьсэ «Восток-1» кораблен инсьӧры лобыны дасяськон сярысь ЦК КПСС-лэн пумкылъянъёсыз СССР-ысь Министръёслэн Кенешсылэн 1959-тӥ арын 5-тӥ толшоре кутэм 22-10 номеро Пуктэтаз но СССР-ысь Министръёслэн Кенешсылэн 1959-тӥ арын 22-тӥ куартолэзе кутэм 569—264 номеро Пуктэтаз юнматэмын вал. Вуоно космонавтъёсты быръён но дасян ужпумъёсты СССР-ысь Военно-воздушной кужымъёс быдэсъязы. Планъя 20 кандидат бырйыны кулэ вал.

1959-тӥ арын 9-тӥ толсуре Гагарин космонавтъёслэн отрядазы кутон сярысь куриськонэн рапорт гожтӥз. Арня ортчыса, сое, Центральной научно-исследовательской авиационной госпитальын медицинской эскеронъёсты ортчон понна, Москвае ӧтизы. 1960-тӥ арлэн кутсконаз эшшо одӥг медицинской комисси пыр потыса, старший лейтенант Гагаринлэн тазалыкез инсьӧр лобанъёслы тупа шуыса, пумкыл гожтӥзы.

1960-тӥ арын 11-тӥ толшоре ВВС-лэн армийырызлэн К. А. Вершининлэн Косэтэзъя космонавтъёсты дасянъя нимысьтыз 26266 номеро войсковой часть (в/ч) кылдытэмын вал (берлогес со часть ВВС-лэн космонавтъёсты дасянъя центрезлы пӧрмытэмын). К. А. Вершининлэн 1960-тӥ арын 3-тӥ южтолэзе гожтэм Косэтэзъя Ю. А. Гагарин вуоно космонавтъёслэн группаязы кутэмын. Нош 11-тӥ южтолэзе Гагарин, семьяеныз валче улон интызэ воштыса, военной служба нуонъя выль интые выжиз. 25-тӥ южтолэзьысен космонавтъёсты дышетон программая яланлыко занятиос кутскизы[19][20].

Космонавт луыны дасяськон

ырысьсэ инсьӧры лобыны мылкыд карисьёс Гагарин сяна но вал на; ваньзэ-ӧвӧлзэ, СССР-ысь космонавтъёслэн нырысетӥ отрядзы кызь мурт люкаськиз. Военной лётчик-истребительёс пӧлысь устооссэ Королёв ачиз бырйылӥз. Солэн малпамезъя, сыӵе лётчикъёслэн секыт югдуре но давлени воштӥськонучыръёсы шедьылэмзы вань ини. Озьы ке но, космонавтъёсты бырйыку одно ик медицинской, психологической но мукет тодметъёсты чаклазы, кылсярысь: арлыдыз 25-30 арес мед тупалоз, мугорыз 170 см-лэсь ӝужыт медаз луы, секталаез 70—72 кг[21]. Озьы ик учкизы, высотной но стратосферной воштӥськонъёслы ӝог дышыны быгатэмзэ, реакциезлэсь ӝоглыксэ, огъя чиданлыксэ, сямызъя лап-лап луэмзэ[22]. Юрий Гагаринлэн ӝуждалаез 165 см вал[23], мукет источникъёсын, кылсярысь «ЕКА»[24] — 157 см[25] пусъемын. Озьы ик лыдэ басьтэмын вал кандидатъёслэн характиристиказы, партие пыриськемзы (Гагарин КПСС-лэн партияз 1960-тӥ арын инвожо толэзе пыриз) но кыӵе семьяын будэмзы.[26]

1961-тӥ арын 8-тӥ оштолэзе «Восток» кораблез лэзёнъя Кун ӧрилэн кенешонэз ортчиз, соин кивалтӥз СССР-ысь Министръёслэн Кенешсылэн оборонной техникая комитетлэн тӧроез К. Н. Руднев. Ӧри историын нырысьсэ адямилы инсьӧры лобон сярысь ужпумез юнматӥз. Сое гожтӥзы С. П. Королёв но Н. П. Каманин:

Выполнить одновитковый полёт вокруг Земли на высоте 180—230 километров, продолжительностью 1 час 30 минут с посадкой в заданном районе. Цель полёта — проверить возможность пребывания человека в космосе на специально оборудованном корабле, проверить оборудование корабля в полёте, проверить связь корабля с Землёй, убедиться в надёжности средств приземления корабля и космонавта.

Та ӧрилэн кенешаз ик Юрий Гагаринэз лобыны лэзён но Титовез запасной космонавтэ кутон сярысь Приказ юнматэмын вал[27][28].

Инсьӧр вӧлметэ лобон

1961-тӥ арын 12-тӥ оштолэзе 09:07 часкын Москвая (06:07 UTC-ъя) Байконур космодромысь «Восток» корабль лэземын. Солэн борт вылаз нырысьсэ инсьӧр вӧлметэ ӝутскиз пилот-космонавт Юрий Алексеевич Гагарин. «Восток» Ракета-носитель нокыӵе пыкылонъёстэк ужаз, но ужпумез йылпумъян этапын ӧз ӝуатскы радиоуправлени сӧзнэтэз. Со ик 3-тӥ ступеньысь двигательёсты кысыны кулэ вал. Двигательёс дублирующий механизмлэн (таймерлэн) ӝуатскемез бере гинэ кысӥзы, но корабль со дыре орбитае ӝутскемын ни вал. Солэн тужгес вылӥ точкаез азьвыл лыдъямлэсь 100 иськемлы ӝужытынгес вылэм : орбиталэн рассекреченной параметръёсыз 327×180 иськемын[29]. Сыӵе орбитаысь «аэродинамической торможение» амалэн васькон 20-ысен 50 нуналозь кыстӥськысал[29][30][31].

Орбитаысен Гагарин ас шӧдонлыкез но чакланъёсыз, корабльын воштӥськонъёс сярысь ивортылӥз. Иллюминатор пыр Музъемез но солэсь вылтуссэ чаклаз. Музъемлэн вужераз ортчыкуз, инбамез, Шундыез но мукет кизилиосты адӟиз.

Музъемез котыртыса, 10:53 часкын 106-тӥ минутаз корабль сётэм ужзэ быдэстӥз. Дугдытон сӧзнэтлэн сӧриськеменыз сэрен, Гагарин, Сталинградлэсь 110 иськемлы палэнэ пуксем интые, Саратов улосысь Энгельслы матын луись Смеловка но Подгорное гуртъёс вискы пуксёно луиз.

Музъем вылын космонавтэз нырысь ик адӟыны кемдӥзы та интыысь лесниклэн Анна (Анихайят) Тахтарова кузпалыз но солэн куать аресъем Рита (Румия) нунокез[32]. Пуксемез бере, дивизионысь военнойёс 6огак вуыса, Гагаринэз лобан аппаратэныз валче частяз вуттӥзы. Отысен со телефон пыр дивизилэн командирезлы ужпумез азинлыко быдэстэмез сярысь ивортӥз[33].

Быронэз

Кремль борддорын шайгу плитаез

Нырысетӥез инсьӧр лобон быдэс дуннелэсь тунсыксэ ӝутӥз. Ачиз Юрий Гагарин быдэс дуннелы тодмо луиз. Берло аръёсаз Гагарин трос мерлыко но политической ужъёсы пыриськылӥз. Н. Е. Жуковский нимо военно-воздушной инженерной академиез йылпумъяз. Космонавтъёсты дасянъя центрын ужаз но выльысь инсьӧры лобыны дасяськиз.

1968-тӥ арын 27-тӥ южтолэзе Юрий Алексеевич Владимир улосвылысь Киржач ёросысь Новосёлово гурт котырын авиакатастрофаын бырыны шедиз. Шуэрес учыр, В. С. Серёгин тодӥсь-валась инструктор кивалтэм улсын, МиГ-15УТИ самолётэн дышетон-лобан куспын луиз. Авиакатастрофалэн кылдэм мугъёсыз та дырозь валантэм кылё на.

Гагаринлэн быременыз валче, Совето Союзын буре ваён нунал йӧскалык траур шуыса ялэмын вал.

Дунне вылысь нырысетӥ космонавтлы сӥзьыса, кӧня ке улон интыослэн нимъёссы воштэмын. Кылсярысь, Гагаринлэн вордӥськем карез — Гжатск), озьы ик проспектъёслы но ульчаослы космонавтлэн нимыз сётэмын вал. Пӧртэм каръёсын Юрий Алексеевичлы синпелетъёс пуктэмын.

Валэктонъёс

  1. 1,0 1,1 Гагарин Юрий Алексеевич // Большая советская энциклопедия (ӟуч): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. 2,0 2,1 Juri Alexejewitsch Gagarin // filmportal.de — 2005.
  3. Bibliographisches Institut & F. A. Brockhaus, Wissen Media Verlag
  4. Мы и космический разум. II Большой Метологический раздел. Юрий Алексеевич Гагарин
  5. NASA.
  6. Пресс-бюллетень № 1 Оргкомитет по подготовке и проведению празднования в 2011 году 50-летия полёта в космос Ю. А. Гагарина. Эскеремын 2011-04-15 аре
  7. Рабочий путь» — Смоленск (2 южтолэзе 2011). Архивировано 23 коньывуонэ 2013 года. Дата обращения: 14 оштолэзе 2011.
  8. Юрий Гагарин: Один полёт и вся жизнь. Полная биография первого космонавта …
  9. Гагарин Алексей Иванович
  10. Михайлова, Екатерина Люберецкое ремесленное училище Ю. А. Гагарин — сын Земли и звёзд. Эскеремын 2019-03-09 аре
  11. Гагаринский техникум в подмосковных Люберцах — уже не Гагаринский ИА REGNUM. Эскеремын 2019-03-09 аре
  12. Алина Василенко Играл на трубе, танцевал вальс. Необычные факты из биографии Юрия Гагарина
  13. Владислав Шурыгин (старший) Трубач космической зари. Об истории одной фотографии Юрия Гагарина
  14. Огонёк. — 1961. — 30 оштолэзе (№ 18). — С. 30—31.
  15. 15,0 15,1 Лесков, Сергей. Главный полёт человека // Газета «Известия». — 2011. — 5 оштолэзе. Архивировано 23 коньывуонэ 2013 года.
  16. Копылов И. С., Лазукин А. Н., Райкин Г. Л. Первый космонавт // Оренбургское лётное: Очерк истории Оренбургского высш. воен. авиационного Краснознамённого училища лётчиков им. И. С. Полбина. — М.: Воениздат, 1976. — 268 с.
  17. 17,0 17,1 Ольга Воробьёва Север в судьбе первопроходца Архивная копия от 17 гудырикошконэ 2018 на Красная звезда. — 2011. — 12 апреля.
  18. Юрий Алексеевич Гагарин astronaut.ru.
  19. Хронология событий Центра ФГБУ «НИИ ЦПК имени Ю. А. Гагарина».
  20. 50 лет назад в СССР создан Центр подготовки космонавтов Ветераны отчизны.
  21. Коммерсантъ-Власть», № 19 (773) (19 куартолэзе 2008). Архивировано 27 куарусёнэ 2011 года. Дата обращения: 15 южтолэзе 2011.
  22. Жихарев Виталий. Герои нашего времени (7 оштолэзе 2010). Архивировано 10 инвожое 2020 года. Дата обращения: 15 южтолэзе 2011.
  23. Минобороны России рассекреченные архивные документы из фондов ЦА МО, рассказывающие об офицерской службе первого космонавта планеты Земля(ӟуч)
  24. Европейское космическое агентство.
  25. Деннис Тито Yuri Gagarin(англи)
    • Крис Импи. Part 1. Prelude // Beyond: Our Future in Space(англи). — W. W. Norton & Company, 2015. — ISBN 978-0-393-24664-3.
    Архивная копия от 11 пӧсьтолэзе 2022 на Wayback Machine
  26. «Советская Россия» (20 оштолэзе 2010). Архивировано 29 коньывуонэ 2012 года. Дата обращения: 15 южтолэзе 2011.
  27. Каманин Н. П. Скрытый космос (в 4-х кн.). — М.: Инфортекст-ИФ, 1995—1997.
  28. Вечерняя Москва».
  29. Русская Германия, № 17. Эскеремын 2011-04-12 аре
  30. Пономарёва Валентина. Неоткрытый космос, // Журнал «Дружба народов» (5 шуркынмонэ 2000). Архивировано 12 коньывуонэ 2012 года. Дата обращения: 31 южтолэзе 2011.
  31. Зеркало недели» (№ 45, 21 ноября 2009). Архивировано 19 оштолэзе 2013 года. Дата обращения: 31 южтолэзе 2011.
  32. Комсомольская правда.
  33. Маринин И. Апрельский день:44 года назад «Новости космонавтики». Эскеремын 2010-04-06 аре